ខេត្តកណ្តាល ៖ កូនៗបាននាំគ្នាចុះលេងទឹកស្រះក្នុងវត្ត បណ្ដាលឲ្យលង់ស្លាប់០២នាក់ ស្របពេលម្តាយកំពុងជាប់រៀបចំឥវ៉ាន់ ដើម្បីលក់មុខវត្តព្រែកបង្កង ។ ហេតុការណ៍នេះ បានកើតទ្បើងនៅព្រឹកថ្ងៃទី៨ ខែតុលា…
ខេត្តកណ្តាល ៖ កូនៗបាននាំគ្នាចុះលេងទឹកស្រះក្នុងវត្ត បណ្ដាលឲ្យលង់ស្លាប់០២នាក់ ស្របពេលម្តាយកំពុងជាប់រៀបចំឥវ៉ាន់ ដើម្បីលក់មុខវត្តព្រែកបង្កង ។
ហេតុការណ៍នេះ បានកើតទ្បើងនៅព្រឹកថ្ងៃទី៨ ខែតុលា ឆ្នាំ២០២៥ នៅចំណុចស្រះទឹកក្នុងវត្តព្រែកបង្កង ភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ ខេត្តកណ្តាល ។
សមត្ថកិច្ចជំនាញបានអោយដឹងថា ជនរងគ្រោះចំនួន០២នាក់ ជាបងប្អូនបង្កើត ម្នាក់ឈ្មោះ ស្រ៊ិន ម៉េងលី ភេទប្រុស អាយុ១១ឆ្នាំ ជនជាតិខ្មែរ មុខរបរសិស្ស ,ម្នាក់ទៀតឈ្មោះ ស្រ៊ិន សុខហេង ភេទប្រុស អាយុ០៥ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្នភូមិព្រែកតាកូវ សង្កត់ព្រែកតាកូវ ក្រុងអរិយក្សត្រ ខេត្តកណ្តាល ។
តាមការការបញ្ជាក់ពីស្ត្រីជាម្តាយបង្កើតរបស់ជនរងគ្រោះទាំង០២នាក់ខាងលើ បានឱ្យដឹងថា នៅថ្ងៃទី៨ ខែតុលា ឆ្នាំ២០២៥ ម៉ោង០៤និង៣០នាទីទៀបភ្លឺ គាត់បានរៀបចំអីវ៉ាន់ទៅលក់នៅមុខវត្តព្រែកបង្គងដូចសព្វដង ដោយបានហៅកូនៗទាំង០២នាក់ ទៅជាមួយដែរ ដើម្បីជួយរៀបចំអីវ៉ាន់ពេលព្រឹក លក់នៅមុខវត្តព្រែកបង្កង ខណៈពេលដែលគាត់កំពុងតែរវល់លក់ កូនទាំង២នាក់ បាននាំគ្នាទៅលេងទឹកស្រះក្នុងវត្ត ។ លុះបានមួយសន្ទុះក្រោយមក ក៏មានក្មេងមកប្រាប់ថា «អាសុខហេង លង់ទឹក អាម៉េងលីលោតទៅជួយ ឥឡូវវាលង់ទឹកទាំងពីរនាក់បាត់ហើយ អត់ឃើញវាងើបមកវិញទេ» ។ ភ្លាមៗ អ្នកជិតខាង និងសាច់ញាតិ ក៏បាននាំគ្នាចុះជួយរាវរកនៅក្នុងស្រះទឹក ទើបប្រទះឃើញសពជនរងគ្រោះទាំង០២នាក់ បានបាត់បង់អាយុជីវិតទៅហើយ ។
ក្រោយកើតហេតុ សមត្ថកិច្ចជំនាញកោសល្យវិច័យ បានត្រួតពិនិត្យរួចរាល់ និងសន្និដ្ឋានថា ជនរងគ្រោះទាំង០២នាក់ ពិតជាបានស្លាប់ដោយការលង់ទឹកពិតប្រាកដមែន ហើយស.ពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ