កូរ៉េខាងជើងសាកល្បងនាវាមុជទឹកគ្មានមនុស្សបើកវា.យប្រហារនុយក្លេអ៊ែរ
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA រាយការណ៍នាថ្ងៃទី២៤ មីនាថា
ប្រទេសកូរ៉េខាងជើង ៖ ទីភ្នាក់ងារព័ត៌មានរដ្ឋកូរ៉េខាងជើងKCNA រាយការណ៍នាថ្ងៃទី២៤ មីនា នេះថា កូរ៉េខាងជើងបានសាកល្បងនាសប្ដាហ៍នេះ នាវាមុជទឹក គ្មានមនុស្សបើកវា.យប្រហារនុយក្លេអ៊ែរ និងសមយុទ្ធបា.ញ់មីស៊ីលបណ្ដែតយុទ្ធសាស្ត្រ ក្រោមការដឹកនាំធ្វើ ដោយលោកគីមជុងអ៊ុន ជាការឆ្លើយតបចំពោះសមយុទ្ធយោធារួមកូរ៉េខាងត្បូង-អាមេរិក។
យោងតាមKCNAថា គណៈកម្មាធិការយោធាកណ្ដាលបក្សពលករកូរ៉េ បានបើកធ្វើសមយុទ្ធនោះពីថ្ងៃទី២១មក២៣មីនា ដើម្បីប្រាប់ទៅសត្រូវពីវិបត្តិនុយក្លេអ៊ែរពិតប្រាកដ និងត្រួតពិនិត្យភាពសុក្រិត របស់កងកម្លាំងនុយក្លេអ៊ែរសម្រាប់ស្វ័យការពារ។ ដ្រូនមុជទឹកវា.យប្រហារនុយក្លេអ៊ែរនោះ ត្រូវបានដាក់ពង្រាយកាលពីថ្ងៃទី២១មីនា ក្នុងដែនទឹកនៃតំបន់រីវ៉ុនក្នុងខេត្តហាមយ៉ុងខាងត្បូង ហើយសំដៅលើគោលដៅក្នុងទឹកស្ថិតនៅទល់មុខឆកហុងវ៉ុន ដែលមានកំពង់ផែសន្មត់ជារបស់សត្រូវ ហើយក្បាលគ្រាប់របស់វាបានផ្ទុះក្នុងទឹកកាលពីរសៀលថ្ងៃទី២៣មីនា។
តាម KCNA ថា ដ្រូនមុជទឹកនោះពេលសាកល្បងបានរត់បែបរង្វង់លេខ៨ ក្នុងទឹកជម្រៅពី៨០ទៅ១៥០ម៉ែត្រ ក្នុងសមុទ្រខាងកើតផ្នែកកូរ៉េ ក្នុងរយៈពេល៥៩ម៉ោងនិង១២នាទី។ កងទ័ពកូរ៉េខាងជើងបានដាក់ពង្រាយនិងធ្វើតេស្តប្រព័ន្ធគ្រឿងសព្វាវុ.ធថ្មី ដែលមានបេសកកម្មបង្កើតស៊ូណាមីវិទ្យុសកម្ម ក្នុងទ្រង់ទ្រាយធំតាមរយៈការបំផ្ទុះនុយក្លេអ៊ែរក្នុងទឹក ហើយអាចកម្ទេចបណ្ដានាវា និងបណ្ដាស្ពានរបស់ពួកសត្រូវ។ ដ្រូនវា.យប្រហារនុយក្លេអ៊ែរក្នុងទឹកនោះ ដាក់ពង្រាយនៅតាមគ្រប់ឆ្នេរសមុទ្រនិងកំពង់ផែ តាមរយៈការសណ្ដោងដោយនាវាលើផ្ទៃសមុទ្រ។
កូរ៉េខាងជើងបានបាញ់មីស៊ីលបណ្ដែតជាច្រើនគ្រាប់កាលពីថ្ងៃទី២២ មីនា ពេលមានសមយុទ្ធយោធារួមទ្រង់ទ្រាយធំរវាងកូរ៉េខាងត្បូងនិងអាមេរិក៕
ចែករំលែកព័តមាននេះ