ចាប់ខ្លួនតាមសាលក្រមឱ្យនាំទៅដាក់ពន្ធនាគារ២០ឆ្នាំ ជាប់ចោទពីបទសម្លា.ប់មនុស្ស
- រតនគិរី
ខេត្តរតនគិរី ៖ កាលពីថ្ងៃទី២៣ ខែមីនាឆ្នាំ ២០២៣ កម្លាំងការិយាល័យព្រហ្មទណ្ឌកម្រិតធ្ងន់ នៃស្នង
ខេត្តរតនគិរី ៖ កាលពីថ្ងៃទី២៣ ខែមីនាឆ្នាំ ២០២៣ កម្លាំងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តរត នគិរី សហការជាមួយកម្លាំងនគរបាលខេត្តមណ្ឌលគិរី បានធ្វើការចាប់ខ្លួនជនជាប់ចោទម្នាក់ ពាក់ព័ន្ធករណីសម្លា.ប់មនុស្ស ដើម្បីនាំទៅដាក់ពន្ធនាគារ២០ឆ្នាំ តាមអំណាចសាលក្រមចូលជាស្ថាពរ ។
ជនជាប់ចោទឈ្មោះ ឡេង លិញ ហៅ ឡេង ធឿន ភេទប្រុស អាយុ៥៩ ឆ្នាំ មុខរបរ ជាកសិករ រស់នៅភូមិឡៅកា សង្កាត់ សុខដុម ក្រុងសែនមនោរម្យ ខេត្តរតនគិរី ។
ការចាប់ខ្លួនជនជាប់ចោទខាងលើនេះ សមត្តកិច្ចបានអនុវត្តតាមដីកាបង្គាប់ឲ្យចាប់ខ្លួនលេខ២៧/១០ ចុះថ្ងៃទី០២ ខែសីហាឆ្នាំ ២០១០ ចេញដោយលោក លូ ស៊ូសម្បត្តិ ប្រធានក្រុមប្រឹក្សាជំនុំជម្រះ នៃសាលាដំបូងខេត្តរតនគិរី ពាក់ព័ន្ធនឹងករណីឃា.តកម្មកាលពីថ្ងៃទី ២៩ ខែកុម្ភៈ ឆ្នាំ២០០៨ កាលវេលាម៉ោង៩ យប់ នៅចំណុចក្នុងឃ្លាំងមួយកន្លែង ស្ថិតក្នុងភូមិ.ឃុំឡាមិញ ស្រុកបកែវ ខេត្តរតនគិរី ដែលជនជាប់ចោទត្រូវបានតុលាការសម្រេចផ្ដន្ទាទោសដាក់ពន្ធនាគារកំណត់២០ឆ្នាំ ។
ក្រោយចាប់ខ្លួនជនជាប់ចោទតាមដីការបស់តុលាការ សមត្ថកិច្ចក៏បាននាំជនឧក្រិដ្ឋទៅឃុំក្នុងពន្ធនាគារ២០ឆ្នាំ តាមអំណាចសាលក្រមនោះ ៕
ចែករំលែកព័តមាននេះ