ស៊េរីទំនើបធ្លាក់ប្រឡាយលូបឹងសាឡាង ផ្អើលពលរដ្ឋនាំគ្នាវា.យបំបែកកញ្ចក់ទាញមនុស្សចេញ
- ភ្នំពេញ
រាជធានីភ្នំពេញ ៖ ស្រវឹងជោកជាំបើកបររថយន្ត FORTUNER មួយគ្រឿង បោះពួយយ៉ាងលឿនដោយ
រាជធានីភ្នំពេញ ៖ ស្រវឹងជោកជាំបើកបររថយន្ត FORTUNER មួយគ្រឿង បោះពួយយ៉ាងលឿនដោយមិនប្រយ័ត្ន ក៏ជ្រុលទៅធ្លា.ក់ចូលប្រឡាយលូទឹកស្អុយបឹងសាឡាង ក្រឡា.ប់ផ្ងារជើង បណ្តាលឱ្យរងការខូចខាត តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី២៣ ខែមីនា ឆ្នាំ២០២៣ ត្រង់ចំណុចភូមិបឹងសាឡាង តាមបណ្ដោយផ្លូវ៤៣០កែងនិងផ្លូវអមមាត់ប្រឡាយលូបឹងសាឡាង ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ គេឃើញបុរសម្នាក់ស្រវឹងជោកជាំបើកបររថយន្តមួយគ្រឿងម៉ាក FORTUNER ពណ៌ស ពាក់ស្លាកលេខ រដ្ឋ17 2-7117 ធ្វើ ដំណើរតាមបណ្ដោយផ្លូវ430 ទិសដៅកើតទៅលិច និងក្នុងល្បឿនលឿន។ លុះដល់ចំណុចកើតហេតុដោយខ្វះការប្រុងប្រយ័ត្នរថយន្តនោះក៏បានជ្រុលទៅធ្លា.ក់រថយន្ដចូលប្រឡាយលូបឹងសាឡាង បណ្តាលឲ្យរថយន្តក្រឡា.ប់ផ្ងារជើង និងបណ្តាលឲ្យអ្នកបើកបររថយន្តសន្លប់ក្នុងរថយន្តមួយផាំង។
ខណៈពេលនោះក៏មានប្រជាពលរដ្ឋបាននាំគ្នាវា.យបំបែកកញ្ចក់រថយន្ត យកអ្នកបើកបររថយន្តចេញមកខាងក្រៅភ្លាមៗតែម្ដង។
ក្រោយពេលកើតហេតុ ដោយរថយន្តមិនបង្កឲ្យខូចខាតដល់ទ្រព្យសម្បត្តិអ្នកដទៃ និងសារធារណៈ ទើបសមត្ថកិច្ចក៏ឲ្យម្ចាស់រថយន្តធ្វើការស្ទូចយករថយន្តចេញទៅបាត់តែម្ដង ៕
ចែករំលែកព័តមាននេះ