ប៉េតង់កម្ពុជាបង្ហាញសមាសភាពទៅប្រកួតជើងឯកពិភពលោកដើមខែក្រោយនេះ
រាជធានីភ្នំពេញ ៖ ការប្រកួតកីឡាប៉េតង់ជ្រើសរើសជើងឯកពិភពលោកនៅប្រទេសចិននឹងចាប់ផ្ដើមជាផ្លូវការនៅដើមខែក្រោយនេះដោយផ្នែក
រាជធានីភ្នំពេញ ៖ ការប្រកួតកីឡាប៉េតង់ជ្រើសរើសជើងឯកពិភពលោកនៅប្រទេសចិននឹងចាប់ផ្ដើមជាផ្លូវការនៅដើមខែក្រោយនេះដោយផ្នែក
រាជធានីភ្នំពេញ ៖ ការប្រកួតកីឡាប៉េតង់ជ្រើសរើសជើងឯកពិភពលោកនៅប្រទេសចិននឹងចាប់ផ្ដើមជាផ្លូវការនៅដើមខែក្រោយនេះដោយផ្នែកបុរសចាប់ផ្ដើមប្រកួតពីថ្ងៃទី២ ដល់ថ្ងៃទី៧ វិច្ឆិកា និងផ្នែកនារីចាប់ផ្ដើមពីថ្ងៃទី៨ ដល់ថ្ងៃទី១១ វិច្ឆិកា ឆ្នាំ២០១៧ ។
ការប្រកួតនេះធ្វើឡើងតែ២វិញ្ញាសាប៉ុណ្ណោះគឺវិញ្ញាសាវាយយកពិន្ទុ(Shoting)និងវិញ្ញាសា៣នាក់ទល់៣នាក់(Tripleទាំងផ្នែកបុរសនិងនារី ដែលតាមព័ត៌មានថានឹងមានប្រទេសចំនួនជាង៤០ចូលរួមក្នុងនោះក៏មានវត្តមានអត្តពលិកកម្ពុជា៨រូបផងដែរគឺកីឡាករ៤រូប និងកីឡាការិនី៤រូប ។
អត្តពលិកកម្ពុជាទាំង៨រូបនោះមានកីឡាករឃួន លីហ៊, កីឡាករ ភាព រ៉ាឃីម, កីឡាករកុយ ច័ន្ទសុភត្រា, កីឡាករ កៅ ភក្ដី, កីឡាការិនី កែ ឡេង, កីឡាការិនី អ៊ុក ស្រីមុំ, កីឡាការិនី អ៊ុន ស្រីយ៉ា និងកីឡាការិនី ស្រ៊ាង សុរ៉ាឃីម ។ សម្រាប់កីឡាការិនីកែ ឡេង ម្ចាស់មេដាយមាសពិភពលោក២ជំនាន់មានកាតព្វកិច្ចការពារតំណែងមេដាយមាសរបស់ខ្លួនលើវិញ្ញាសាវាយយកពិន្ទុ ។
ដូច្នេះសូមរង់ចាំតាមដានទាំងអស់គ្នាថា តើអត្តពលិកកម្ពុជាប៉ុន្មានរូបមានសំណាងដណ្ដើមបានមេដាយមកជូនជាតិ ? ជាពិសេសវីរកីឡាការិនីប៉េតង់កម្ពុជាកែ ឡេង អាចរក្សាតំណែងជើងឯកពិភពលោករបស់ខ្លួនបានម្ដងទៀតឬយ៉ាងណា ? ខណៈកីឡាការិនីវ័យចំណាស់រូបនេះ និងកីឡាការិនី អ៊ុក ស្រីមុំ ទើបតែដណ្ដើមបានមេដាយមាសពីកីឡាស៊ីហ្គេមលើកទី២៩ នៅប្រទេសម៉ាឡេស៊ី កាលពីប៉ុន្មានខែកន្លងមកនេះ ៕
ចែករំលែកព័តមាននេះ