ADផ្ទាំងផ្សព្វផ្សាយពាណិជ្ជកម្ម

Picture
  • ភ្នំពេញ

រាជធានី​ភ្នំពេញ ៖ នៅ​ពេល​ពលរដ្ឋ​មាន​ជំងឺ​ច្រើន​ម្នាក់​ៗ​មានការ​បារម្ភ​ពី​សុខភាព​នោះ គេ​សង្កេត​ឃើញ​នៅ​លើ​បណ្តាញ​សង្គម​មានការ​ចែករំលែក​គ្នា​យ៉ាង​ទូលំទូលាយ​ពី​របប​អាហារ និង​វិធិ​សាស្ត្រ​ថែទាំ​សុខភាព​។​ប៉ុន្តែ​មានការ​មើលឃើញ​ថា ប្រការ​នេះ​អាច​បណ្តា​ជា​គ្រោះថ្នាក់​មួយ​ពីព្រោះ​ការ​ព្យាបាល​ជំងឺ​លុះត្រា​មានការ​ពិនិត្យ​ច្បាស់លាស់​ពី​គ្រូពេទ្យ​ជំនាញ​មិន​អាច​អនុវត្ត​ត​ៗ​គ្នា​នោះ​ទេ​។ ធ្វើ​យ៉ាង​ម្តេច ដើម្បី​សុខភាព​ល្អ?ទទួល​អាហារ​ណា​ការពារ​ថ្លើម​បាន? ​អាហារ​នេះ​អ្នក​កើត ជំងឺ​ទឹកនោម​ផ្អើ​ម…

រាជធានី​ភ្នំពេញ ៖ នៅ​ពេល​ពលរដ្ឋ​មាន​ជំងឺ​ច្រើន​ម្នាក់​ៗ​មានការ​បារម្ភ​ពី​សុខភាព​នោះ គេ​សង្កេត​ឃើញ​នៅ​លើ​បណ្តាញ​សង្គម​មានការ​ចែករំលែក​គ្នា​យ៉ាង​ទូលំទូលាយ​ពី​របប​អាហារ និង​វិធិ​សាស្ត្រ​ថែទាំ​សុខភាព​។​ប៉ុន្តែ​មានការ​មើលឃើញ​ថា ប្រការ​នេះ​អាច​បណ្តា​ជា​គ្រោះថ្នាក់​មួយ​ពីព្រោះ​ការ​ព្យាបាល​ជំងឺ​លុះត្រា​មានការ​ពិនិត្យ​ច្បាស់លាស់​ពី​គ្រូពេទ្យ​ជំនាញ​មិន​អាច​អនុវត្ត​ត​ៗ​គ្នា​នោះ​ទេ​។

ធ្វើ​យ៉ាង​ម្តេច ដើម្បី​សុខភាព​ល្អ?ទទួល​អាហារ​ណា​ការពារ​ថ្លើម​បាន? ​អាហារ​នេះ​អ្នក​កើត ជំងឺ​ទឹកនោម​ផ្អើ​ម អាច​ទទួលទាន​បាន ឬ​អាហារ​នេះ អ្នក​លើសឈាម​កុំ​ទទួលទាន​ឱ្យ​សោះ​។ ទាំងនេះ​ជា​ប្រធានបទ​ដែល​អ្នក​ប្រើប្រាស់​បណ្តាញ​សង្គម​ចែករំលែក​គ្នា​ជា​ញឹកញាប់​នៅ​រៀងរាល់ថ្ងៃ​នេះ​។

រូបតំណាង

ប្រធានបទ​ថែរក្សា​សុខភាព និង​ការ​ព្យាបាល​ជំងឺ​ត្រូវ​បាន​អ្នក​ប្រើប្រាស់​បណ្តាញ​សង្គម​មិន​ថា អ្នកលេង Facebook TekTok និង​បណ្តាញ​ផ្សេង​ៗ​ទៀត​នោះ​ទេ បាន​ចែកចាយ​គ្នា​យ៉ាង​ផុលផុស​មិន​ចាញ់​បញ្ហា​ផ្សេង​ៗ​នោះ​ទេ​។ ការ​ចែកចាយ​ពី​បទ​ពិសោធន៍ និង​ព័ត៌មាន​ពី​គ្នា​ទៅ​វិញ​ទៅ​មកនេះ​បាន​ធ្វើ​ឡើង​ស្រប​ពេល ដែល​ពលរដ្ឋ​មានការ​ព្រួយបារម្ភ​ពី​បញ្ហា​សុខភាព ហើយ​មនុស្ស​ជា​ច្រើន​បាន​កំពុង​កើត​ជំងឺមិនឆ្លង​មួយ​ចំនួន ដូច​ជា​លើសឈាម ទឹកនោម​ផ្អើ​ម និង​ជំងឺមហារីក​ជាដើម​។

លោក វេជ្ជ បណ្ឌិត ងួ​ន សេ​រ័​ត្ន ស្ថាបនិក​វេ​ប​សាយ សុខភាព www.health.com.kh បាន​និយាយ​ថា ការ​ចែករំលែក​គ្នា គឺជា​រឿង​ល្អ បើសិនជា​ព័ត៌មាន​នោះ​ត្រឹមត្រូវ តាម​លក្ខណៈ​វិទ្យាសាស្ត្រ ហើយ​វា​មិន​ពាក់ព័ន្ធ​ដល់​ការ​ប្រើ​ឱសថ​។ ដូច្នេះ ប៉ុន្តែ​គេ​គួរ​មានការ​ប្រុង​ប្រយ័ត្ន​ដែរ​ពីព្រោះ បើ​តាម​វិ​ជ្ជ​សាស្ត្រ ការ​ព្យាបាល​ជំងឺ ទោះបី​ជំងឺ​ដូច​គ្នា​មិន​ប្រាកដជា​ត្រូវ​ទទួល​ការ​ព្យាបាល​ដូច​គ្នា​រវាង​មនុស្ស​ម្នាក់​ទៅ​មនុស្ស​ម្នាក់​នោះ​ទេ ។បញ្ហា​សុខភាព​មនុស្ស​ម្នាក់​ៗ​ខុស​គ្នា ដូច្នេះ​ថ្នាំ ម្យ៉ាង​ដែល​អ្នកជំងឺ​ម្នាក់​អាច​ព្យាបាល​ជា​មិន​ប្រាកដ​ថា មនុស្ស​ម្នាក់​ទៀត​អាច​ទទួល​ការ​ព្យាបាល​ដោយ​ថ្នាំ​ដដែល​នោះ​ទេ​។

រូបតំណាង

តាម​ការ​សង្កេត​ការ​ចែក​បទ​ពិសោធន៍​ពី​វិធី​ព្យាបាល​ជំងឺ និង​ការ​ថែទាំ​សុខភាព​នៅ​លើ​បណ្តាញ​សង្គម​មួយ​ចំនួន​ជា​ពលរដ្ឋ​ដែល​ធ្លាប់​មាន​ជំងឺ​ណាមួយ ក្រោយ​ពី​គាត់​បាន​ព្យាបាល​ជា​ពី​ជំងឺ​នោះ ពួក​គាត់​ក៏​ចែករំលែក​ដល់​អ្នក​ផ្សេង​ទៀត​។ អ្នកខ្លះ​ទៀត បន្ទាប់​ពី​អាន​ឯកសារ​មួយ​ចំនួន​ហើយ​បាន​អនុវត្ត​ទៅ​ឃើញ​ថា​ប្រកប គឺ​រក្សា​សុខភាព​បាន​ល្អ ឬ​អាច​ព្យាបាល​ជំងឺ​លើ​ខ្លួនឯង​បាន​មែន​នោះ​ក៏​យក​បទ​ពិសោធន៍​នោះ​មក​ចែករំលែក​ដល់​អ្នក​ផ្សេង​។​ចំណែក​អ្នកខ្លះ​ទៀត ការ​ចែករំលែក ដើម្បី​លក់​ផលិតផល​ដែល​ខ្លួន​ធ្វើ​អាជីវកម្ម​ប៉ុណ្ណោះ​។

រឿង​សុខភាព​ជា​បញ្ហា​សំខាន់ ដែល​ពលរដ្ឋ​គួរ​ស្វែង​យល់​ឱ្យ​បាន​ច្បាស់​ពិសេស​ប្រឹក្សា​ជាមួយ​គ្រូពេទ្យ​ជំនាញ​ជា​មុន មុន​ទទួល​ការ​ព្យាបាល​ណាមួយ​។ មែនទែន​ទៅ សូ​ម្បី​នៅ​លើ​ឯកសារ​របស់​ក្រុម​គ្រូពេទ្យ​ជំនាញ ឬ​ឯកសារ​ផ្លូវការ​ណាមួយ​របស់​ស្ថាប័ន​រក​ឃើញ​ឱសថ​អ្វីមួយ​ក៏​គេ​បាន​ណែនាំ​ឱ្យ​ពលរដ្ឋ​មុន​ទទួលយក​ការ​ព្យាបាល​តាម​បែប​គេ​ផ្សព្វផ្សាយ​នោះ​ត្រូវ​ទៅ​ជួប​គ្រួ​ពេទ្យ​ជា​មុន​ដែរ​។

រូបតំណាង

ជា​រួម ខណៈ​ពលរដ្ឋ​មាន​សិទ្ធិ​ចែករំលែក​ព័ត៌មាន​សំខាន់​ៗ​អោយ​គ្នា​ដឹង គឺជា​រឿង​ល្អ បើសិនជា​ព័ត៌មាន​នោះ​ជា​ការ​ពិត​ហើយ​វា​មិនមែន​ទាក់ទង​ដល់​ការ​ព្យាបាល​ជំងឺ​ដែល​ជា​តួនាទី​របស់​គ្រូពេទ្យ​។ ចូរ​កុំ​ព្យាបាល​ជំងឺ​ខ្លួនឯង​ដោយ​គ្រាន់តែ​លឺ​គេ​ថា តាម​ហ្វេ​ស​ប៊ុ​ក​។ បើ​អ្នកមាន​ជំងឺ​ចូរ​រក​គ្រូពេទ្យ ដើម្បី​កំណត់​ការ​ព្យាបាល​ត្រឹមត្រូវ​តាម​បច្ចេកទេស និង​តាម​ស្ថានភាព​របស់​មនុស្ស​ម្នាក់​។

នៅ​ត្រង់​ចំនុច​នេះ ក្រសួងសុខាភិបាល គួរ​មាន​វិធានការ​ណាមួយ ដើម្បី​លើកកម្ពស់​ចំណេះដឹង ពលរដ្ឋ ឬ​អប់រំ​ឱ្យ​ពលរដ្ឋ​យល់​ដឹង​កាន់តែ​ច្បាស់​ពី​ជំងឺ​មួយ​ចំនួន ដែល​ពួក​គាត់​កំពុង​ប្រឈម និង​ព្រួយបារម្ភ​។ សុខភាព គឺជា​ទ្រព្យ​សំខាន់​របស់​ពលរដ្ឋ​ម្នាក់​ៗ​ក៏​ដូច​ជា សង្គម​ជាតិ​ទាំងមូល​៕​ដោយ សា​រ៉ា​ន់

អត្ថបទសរសេរ ដោយ

កែសម្រួលដោយ