រដ្ឋកាលីហ្វ័រនីញ៉ាជួបព្រិលនិងភ្លៀងធ្លាក់ខាំ្លងបំផុត
សហរដ្ឋអាមេរិក ៖ បឹងមួយដែលរីងស្ងួតចាប់តាំងពីជិត៨០ឆ្នាំមកហើយ នឹងលេចរូបរាងឡើងវិញ
សហរដ្ឋអាមេរិក ៖ បឹងមួយដែលរីងស្ងួតចាប់តាំងពីជិត៨០ឆ្នាំមកហើយ នឹងលេចរូបរាងឡើងវិញនៅរដ្ឋកាលីហ្វ័រនីញ៉ា ដែលនៅទីនោះភ្លៀងធ្លាក់ខ្លាំងបំផុតចាប់តាំងពីច្រើនសប្ដាហ៍មកហើយ អាចបណ្ដាលឲ្យទឹកហៀរចេញពីបណ្ដាទំនប់និងអាងស្តុក។
កងឯកភាពវិស្វកម្មនៃកងទ័ពយោធភូមិភាគSACRAMENTO ប្រកាសកាលពីថ្ងៃទី ២០មីនា ពីប្រតិបត្តិការសំដៅផ្ទេរទឹកដែលជោរជន់ដោយសារភ្លៀងខ្លាំង ចេញពីទំនប់PINE FLAT នៅជ្រលងភ្នំកណ្ដាលនៃតំបន់FRESNO ទៅកាន់អតីតទីតាំងបឹងរីងស្ងួតTULARE នាំឲ្យបឹងនេះលេចរូបរាងឡើងវិញ។ កម្រិតទឹកក្នុងបណ្ដាស្ទឹងស្ថិតនៅពីលើទំនប់ បន្តកើនកាន់តែខ្ពស់។
រដ្ឋកាលីហ្វ័រនីញ៉ាពិសេសភាគកណ្ដាលនិងភាគខាងត្បូង ជួបប្រទះនឹងភ្លៀងធ្លាក់ខ្លាំងតាមតំបន់ឆ្នេរសមុទ្រ និងជួបប្រទះព្រិលធ្លាក់ខ្លាំងបំផុតតាមតំបន់មួយចំនួន។ ផ្នែកឧតុនិយមអាមេរិកក៏ចេញការប្រកាសអាសន្នដែរ ពីគ្រោះថ្នាក់ទឹកជំនន់នាភាគខាងត្បូងកាលីហ្វ័រនីញ៉ារហូតដល់ក្រុងសាន់ហ្វ្រាន់សីុស្កូ៕
ចែករំលែកព័តមាននេះ