ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ហ៊ុន សែន អញ្ជើញ​ថ្វាយ​ព្រះមហាក្សត្រ ស្ដេច​យាង​ជា​ព្រះ​រាជាធិបតី​ដ៏​ខ្ពង់ខ្ពស់​បំផុត ក្នុង​ព្រះរាជ​ពិធី​ប្រោស​ព្រះ​រាជទាន​ព្រះ​អគ្គិ​ជ័យ​កីឡា​ សម្រាប់​ព្រឹត្តិការណ៍​ស៊ី​ហ្គេ​ម

1 ឆ្នាំ មុន

ខេត្តសៀមរាប ៖ នៅ​ព្រឹកថ្ងៃ​អង្គារ ​ទី​២១ ខែមីនា ឆ្នាំ​២០២៣នេះ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី…

ខេត្តសៀមរាប ៖ នៅ​ព្រឹកថ្ងៃ​អង្គារ ​ទី​២១ ខែមីនា ឆ្នាំ​២០២៣នេះ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា បានអញ្ជើញ​ក្នុង​ព្រះរាជ​ពិធី​ថ្វាយ​ព្រះករុណា​ ព្រះបាទ​សម្ដេច ព្រះ​បរមនាថ ​នរោត្តម សីហ​មុនី ព្រះមហាក្សត្រ នៃ​ព្រះរាជាណាចក្រ​កម្ពុជា ​ជាទី​គោរព​សក្ការៈ​ ដ៏​ខ្ពង់ខ្ពស់​បំផុត ​ស្ដេច​យាង​ជា​ព្រះ​រាជាធិបតី​ ដ៏​ខ្ពង់ខ្ពស់​បំផុត ក្នុង​ព្រះរាជ​ពិធី​ប្រោស​ព្រះ​រាជទាន​ព្រះ​អគ្គិ​ជ័យ​កីឡា​ សម្រាប់​ព្រឹត្តិការណ៍​ប្រកួត​កីឡា​អាស៊ី​អាគ្នេយ៍​ លើក​ទី​៣២ និង​កីឡា​អាស៊ាន​ប៉ា​រ៉ា​ហ្គេ​ម ​លើក​ទី​១២ ឆ្នាំ​២០២៣​។

ពិធី​ព្រះ​រាជទាន​ព្រះ​អគ្គិ​ជ័យ​កីឡា បាន​ធ្វើ​ឡើង​នៅ​ខាង​មុខ​ប្រាសាទអង្គរវត្ត នៃ​ខេត្តសៀមរាប ដោយ​មានការ​ចូលរួម ​ដ៏​ខ្ពង់ខ្ពស់​ពី​ថ្នាក់ដឹកនាំ​របស់​កម្ពុជា រួម​មាន​សម្តេច​តេ​ជោ ហ៊ុន សែន នាយក​រដ្ឋមន្ត្រី,​ សម្តេច​ក្រឡាហោម ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​, សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ និង​ជា​ប្រធាន​គណៈ​កម្ម​ធិ​ការ​ជាតិ​រៀបចំ​ការ​ប្រកួត​កីឡា​អាស៊ី​អាគ្នេយ៍​លើក​ទី​៣២ និង​កីឡា​អាស៊ាន​ប៉ា​រ៉ា​ហ្គេ​មល​លើក​ទី​១២ ឆ្នាំ​២០២៣, សម្ដេច​ចៅ​ហ្វ៊ា​វាំង គង់ សំ​អុល ឧបនាយករដ្ឋមន្ត្រី រដ្ឋមន្ត្រី​ក្រសួងព្រះបរមរាជវាំង​, ឧបនាយករដ្ឋមន្ត្រី ម៉ែ​ន សំ​អន រដ្ឋមន្ត្រី ក្រសួង​ទំនាក់ទំនង​ជាមួយ​រដ្ឋសភា​-​ព្រឹទ្ធសភា និង​អធិការកិច្ច ព្រមទាំង​រដ្ឋមន្ត្រី និង​ថ្នាក់ដឹកនាំ​ជា​ច្រើន​រូប​ទៀត ​។

ក្នុង​ព្រះរាជ​ពិធី​នេះ អត្ដ​ព​លិ​ក ២​នាក់ អម​ដោយ​អត្ដ​ព​លិ​ក​គុន​ល្បុកត្តោ ៧​នាក់ រត់​តិច​ៗ​ពី​ទិស​ខាងកើត នៃ​ប្រាសាទអង្គរវត្ត មក​ទទួលព្រះរាជទាន ព្រះ​អគ្គិ​ជ័យ​កីឡា ពី​ព្រះមហាក្សត្រ​។ បន្ទាប់​មក​ទៀត អត្ត​ព​លិ​ក​ទាំងនោះ កាន់​ជាមួយ​ភ្លើង​គប់ ដែល​បាន​ទទួល​ពី​ព្រះមហាក្សត្រ រត់​ជុំ​វង់​តូច​អង្គរ​។

គណៈកម្មាធិការ​ជាតិ​រៀបចំ​ការ​ប្រកួត​កីឡា​ស៊ី​ហ្គេ​ម លើក​ទី​៣២ (CAMSOC) នឹង​រក្សា​ភ្លើង​គប់ នៅ​ក្នុង​ខេត្តសៀមរាប​មួយ​យប់ ហើយ​ក៏​ចាប់​ដង្ហែ​ទៅ​ប្រទេស​ក្នុង​តំបន់​អាស៊ាន នា​ថ្ងៃ​បន្ទាប់​។ ការ​ដង្ហែ​ភ្លើង​គប់ ទៅ​ប្រទេស​ជា​សមាជិក​ប្រកួត​ស៊ី​ហ្គេ​ម នឹង​ចាប់ពី​ថ្ងៃ​ទី​២២ ខែមីនា ដល់​ថ្ងៃ​ទី​៥ ខែឧសភា ឆ្នាំ​២០២៣ ដែល​ជា​កាលបរិច្ឆេទ​បើក​ការ​ប្រកួត​ស៊ី​ហ្គេ​ម​ជា​ផ្លូវការ​៕

អត្ថបទសរសេរ ដោយ

កែសម្រួលដោយ