PSV ពិន័យអ្នកគាំទ្រខ្លួន៤០ឆ្នាំមិនឱ្យទស្សនាការប្រកួត រឿងវា.យកីឡាករក្រុមគូប្រកួត
ហូឡង់ ៖ ក្លិបបាល់ទាត់ PSV Eindhoven នៃលីគកំពូលហូឡង់ (Eredivisie) បានហាមឃាត់អ្នកគាំទ្រ
ហូឡង់ ៖ ក្លិបបាល់ទាត់ PSV Eindhoven នៃលីគកំពូលហូឡង់ (Eredivisie) បានហាមឃាត់អ្នកគាំទ្រ
ហូឡង់ ៖ ក្លិបបាល់ទាត់ PSV Eindhoven នៃលីគកំពូលហូឡង់ (Eredivisie) បានហាមឃាត់អ្នកគាំទ្ររបស់ខ្លួនម្នាក់ពីការទស្សនាការប្រកួត នៅក្នុងកីឡដ្ឋានពួកគេរយៈពេល៤០ឆ្នាំ បន្ទាប់ពីអ្នកគាំទ្ររូបនោះ បានកំហុសវា.យទៅលើអ្នកចាំទី Marko Dmitrovic របស់ក្រុមភ្ញៀវ Sevilla អំឡុងពេលនៃការប្រកួតក្របខណ្ឌ UEFA Europa League រវាងក្រុមទាំងពីរកាលពីចុងខែកុម្ភៈកន្លងទៅ។
អ្នកគាំទ្រវ័យ២០ឆ្នាំ ដែលជាប់មម្រាបរួចហើយរូបនោះ ក៏ត្រូវបានកាត់ទោសឱ្យជាប់ពន្ធនាគាររយៈពេល៣ខែផងដែរ ហើយមិនតែប៉ុណ្ណោះ រូបគេក៏ត្រូវបានហាមប្រាមពីតំបន់នៅជុំវិញកីឡដ្ឋាន Philips របស់ក្រុម PSV ដែលមានមូលដ្ឋានក្នុងទីក្រុងអេនហូវេន (Eindhoven) រយៈពេល២ឆ្នាំថែមទៀតផង។ ហើយតាមរយៈសកម្មភាពរបស់អ្នកគាំទ្ររូបនោះ ក្លិបបាល់ទាត់ PSV អាចនឹងទទួលបានការពិន័យយ៉ាងធ្ងន់ធ្ងរបន្ទាប់ពីសំណាក់សហព័ន្ធបាល់ទាត់ទ្វីបអឺរ៉ុប UEFA ផងដែរ។
ហេតុការណ៍នោះកើតឡើង នៅពេលដែលអ្នកគាំទ្របង្កហេតុរូបនោះ បានរត់ចូលទីលានប្រកួតនៅជិតបញ្ចប់វគ្គទី២នៃការប្រកួតជើងទី២ វគ្គ Play-off ក្របខណ្ឌ Europa League ហើយបានទៅដាល់មុខអ្នកចាំទី Marko Dmitrovic។ ភ្លាមៗនោះ អ្នកចាំទីសញ្ជាតិស៊ែបវ័យ៣១ឆ្នាំរូបនេះ បានចំបោកអ្នកគាំទ្ររូបនោះផ្ទប់នឹងដី មុនពេលកីឡាករលើទីលានផ្សេងទៀតចូលមកចាប់បំបែកអ្នកទាំងពីរ។
យ៉ាងណាមិញ អ្នកចាំទី Dmitrovic អាចបន្តការប្រកួតរបស់ខ្លួនបាន ខណៈដែលក្រុម Sevilla ចាញ់ក្រុមម្ចាស់ផ្ទះ PSV ដោយលទ្ធផល ២-០ ប៉ុន្តែដោយកាលពីជើងទី១ ពួកគេបានយកឈ្នះក្នុងលទ្ធផល ៣-០ ដូច្នេះ Sevilla បានបន្តឡើងទៅវគ្គ១៦ក្រុមចុងក្រោយ ដោយបានយកឈ្នះក្រុម Fenerbahce សរុបទាំងពីរជើងលទ្ធផល ២-១ និងបន្តឡើងទៅវគ្គ៨ក្រុមចុងក្រោយ ដោយក្រុមម្ចាស់ជើងឯក Europa League ៥សម័យកាលមួយនេះ ត្រូវប៉ះក្រុម Manchester United ។ ការប្រកួតជើងទី១ រវាងក្រុមទាំងពីរគឺត្រូវធ្វើឡើងនាថ្ងៃទី១៣ ខែមេសា ឆ្នាំ២០២៣ នៅឯកីឡដ្ឋាន Old Trafford របស់ក្រុម Man United៕ (ដកស្រង់ចេញពី BBC)
ចែករំលែកព័តមាននេះ