ចៅហ្វាយខេត្តថា ម្ចាស់បុរី ម៉ន ដានី នៅកំពង់ស្ពឺ ទិញដីគេហើយ មិនទាន់ទូទាត់ប្រាក់គ្រប់ ទើបកើតរឿងរ៉ាវ!
- កំពង់ស្ពឺ
ខេត្តកំពង់ស្ពឺ៖ ក្រុមហ៊ុន ម៉នដានី រៀលអ៊ីស្ទេត ឯ.ក របស់លោកស្រី ម៉ន ដានី ត្រូវបាន ន.អ.ប…
ខេត្តកំពង់ស្ពឺ៖ ក្រុមហ៊ុន ម៉នដានី រៀលអ៊ីស្ទេត ឯ.ក របស់លោកស្រី ម៉ន ដានី ត្រូវបាន ន.អ.ប…
ខេត្តកំពង់ស្ពឺ៖ ក្រុមហ៊ុន ម៉នដានី រៀលអ៊ីស្ទេត ឯ.ក របស់លោកស្រី ម៉ន ដានី ត្រូវបាន ន.អ.ប បញ្ឈប់សកម្មភាពអាជីវកម្ម នៅគម្រោងទី២៩ តាមផ្លូវជាតិលេខ៥១ ក្នុងខេត្តកំពង់ស្ពឺ ក្រោមហេតុផល គ្មានអាជ្ញាប័ណ្ណពី ន.អ.ប និងកំពុងមានវិវាទជាមួយម្ចាស់ដី ព្រមទាំងអតិថិជន។ ករណីនេះ នាំឱ្យប្រជាពលរដ្ឋ ជាអ្នកទិញផ្ទះ បានលើកគ្នាទៅតវ៉ានៅក្រុមហ៊ុន ហើយអភិបាលខេត្តកំពង់ស្ពឺ បញ្ជាក់ថា ករណីនេះ ដោយសារតែក្រុមហ៊ុនបុរី ម៉ន ដានី ទិញដីគេ ហើយមិនទូទាត់ប្រាក់ឱ្យគេ ទើបម្ចាស់ដីប្តឹង។
មានអតិថិជនជាច្រើននាក់ ដែលបានទិញផ្ទះ នៅបុរីម៉នដានី ស្ថិតក្នុងភូមិភាន្សា ឃុំព្រះនិពាន្វស្រុកគងពិសី ខេត្តកំពង់ស្ពឺ បានលើកគ្នាទៅតវ៉ាម្តងទៀត នៅទីស្នាក់ការក្រុមហ៊ុន ខណ:ម្ចាស់ដី បានសុំដីការក្សាការពារលើដី ដែលម្ចាស់បុរី កំពុងសាងសង់ផ្ទះល្វែងលក់ ហើយក៏ទទួលបានលុយពីអ្នកទិញផ្ទះ ក៏មិនតិចនោះដែរ។
សូមរំលឹកថា កាលពីយប់ថ្ងៃទី១៨ ខែមីនា ឆ្នាំ២០២៣ លោកស្រី ម៉ន ដានី និងស្វាមី បានឡាយតាមហ្វេសប៊ុក ដោយយំបណ្ដើរ និយាយបណ្ដើរ ដោយអះអាងថា ខ្លួនបានចាយលុយ ១២លាន ៧សែនដុល្លារ ទិញដី ១០០ហិកតា តែអត់បានប្លង់ និងស្នើសុំដល់ថ្នាក់ដឹកនាំ មេត្តាជួយរកយុត្តិធម៌ផង។
យ៉ាងណាក៏ដោយ នៅព្រឹកថ្ងៃអាទិត្យ ទី១៩ ខែមីនា ឆ្នាំ២០២៣ អ្នកទិញផ្ទះ ក្នុងបូរី ម៉ន ដានី បាននាំគ្នា ទៅតវ៉ារឿងបង់លុយហើយ អត់ឃើញផ្ទះ នៅគំរោងទី២៩ ស្ថិតនៅផ្លូវជាតិលេខ ៣ ឃុំព្រះនិពាន្វ និងផ្លូវលេខ ៥១ ក្នុងខេត្តកំពង់ស្ពឺ។
ចំណែកលោក វ៉ី សំណាង អភិបាលខេត្តកំពង់ស្ពឺ បានឆ្លើយក្នុងប្រព័ន្ធតេឡេក្រាមថា “ករណីបុរី ម៉ន ដានី នៅស្រុកគងពិសី គឺ៖ ឈ្មោះ ម៉ន ដានី និងប្តី បានទិញដីពីឈ្មោះ សូ សុវណ្ណ និងប្រពន្ធ មានទំហំដី ៥០ហិកតា ស្មើនឹង ៦ប័ណ្ណ និងបានផ្ទេរកម្មសិទ្ធិ មកឈ្មោះ ម៉ន ដានី និងប្តីរួចអស់ហើយ ព្រមទាំងប្តូរប្រភេទដី និងបង្រួមក្បាលដីរួចអស់ហើយ។ ប៉ុន្តែតាមការរាយការណ៍ពីប្រធានការិយាល័យ ស/ភ (សំណង់ភូមិបាល) ថា ភាគីអ្នកទិញ ពុំទាន់ទូទាត់ប្រាក់ឲ្យថ្លៃដីបង្គ្រប់នៅឡើយ ទើបភាគីអ្នកលក់ សូ សុវណ្ណ បានដាក់ពាក្យប្តឹង រក្សាការពារដី ចំនួន ១៣ប័ណ្ណផ្សេងទៀត ដែលភាគី ម៉ន ដានី មិនទាន់ទូទាត់ប្រាក់ តាមកិច្ចសន្យា។ មន្ទីរ នឹងអញ្ជើញគូភាគី មកដោះស្រាយ នៅថ្ងៃទី២៣ ខែមីនា ឆ្នាំ២០២៣ សប្តាហ៍ក្រោយ”៕ វង្ស សន
ចែករំលែកព័តមាននេះ