មិនសរសើរមិនបាន! ២ប្រកួតចុងក្រោយ Haaland រកបានដល់ទៅ៨គ្រាប់
អង់គ្លេស ៖ ខ្សែប្រយុទ្ធឆ្នើម Erling Haaland បន្តសកម្មភាពស្រែកឃ្លានគ្រាប់បាល់របស់ខ្លួន ជាមួយ
អង់គ្លេស ៖ ខ្សែប្រយុទ្ធឆ្នើម Erling Haaland បន្តសកម្មភាពស្រែកឃ្លានគ្រាប់បាល់របស់ខ្លួន ជាមួយ
អង់គ្លេស ៖ ខ្សែប្រយុទ្ធឆ្នើម Erling Haaland បន្តសកម្មភាពស្រែកឃ្លានគ្រាប់បាល់របស់ខ្លួន ជាមួយនឹងទម្រង់លេងធ្វើព្យុះភ្លៀងនៅទ្វីបអឺរ៉ុប ក្រោយរកបានគ្រាប់ទី៤២ នៅរដូវកាលនេះ បន្ទាប់ពីធ្វើបាន Hat-trick (៣គ្រាប់) នៅក្នុងជំនួបដែលក្រុមមេឃខៀវ Manchester City បំបាក់ក្រុមភ្ញៀវ Burnley នៅកីឡដ្ឋាន Etihad ដោយលទ្ធផល ៦-០ កាលពីថ្ងៃទី១៨ ខែមីនា កន្លងទៅ ដើម្បីបន្តឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ FA Cup ។
២ប្រកួតចុងក្រោយរបស់ខ្សែប្រយុទ្ធវ័យក្មេង ដែលត្រូវបានប្រសិទ្ធនាមថា «ម៉ាស៊ីនរកគ្រាប់» រូបនេះ គឺរកគ្រាប់បាល់បានរហូតដល់ទៅ៨គ្រាប់ឯណោះ ដោយកាលពីជំនួបជើងទី២ វគ្គ១៦ក្រុមចុងក្រោយក្របខណ្ឌ UEFA Champions League ទល់នឹងក្រុមភ្ញៀវ RB Leipzig កាលពីថ្ងៃទី១៥ ខែមីនា កន្លងទៅ កីឡាកររូបនេះ រកបានដល់ទៅ៥គ្រាប់ម្នាក់ឯង សម្រាប់ជ័យជម្នះរបស់ Man City នៅក្នុងលទ្ធផល ៧-០។
គិតមកទល់ពេលនេះ កំពូលខ្សែប្រយុទ្ធន័រវែសវ័យ២២ឆ្នាំរូបនេះ ធ្វើបាន Hat-trick ជាលើកទី៦ ជាមួយនឹងគ្រាប់បាល់ទី៤២ នៅគ្រប់កម្មវិធីទាំងអស់សម្រាប់ក្រុម Man City ខណៈដែលរដូវកាលនេះ នៅមិនទាន់បញ្ចប់នៅឡើយ។
ជាមួយនឹងជ័យជម្នះទល់នឹងក្រុម Burnley កាលពីថ្ងៃទី១៨ ខែមីនា បានធ្វើឱ្យក្រុម Man City កក់កៅអីវគ្គពាក់កណ្តាលផ្តាច់ព្រ័ត្រពានរង្វាន់ FA Cup មុនគេ ខណៈដែលការចាប់ឆ្នោតវគ្គនេះ នឹងត្រូវធ្វើឡើងបន្ទាប់ពីបញ្ចប់ការប្រកួត៣គូផ្សេងទៀត នៅវគ្គ៨ក្រុមចុងក្រោយ ដែលនឹងប្រព្រឹត្តិទៅនៅថ្ងៃទី១៩ ខែមីនា យប់នេះ។
ខាងក្រោមនេះជាក្រុមដែលត្រូវធ្វើការប្រកួតវគ្គ៨ក្រុមចុងក្រោយនៅយប់នេះ ៖
-Sheffield United vs. Blackburn Rovers វេលាម៉ោង ០៧:០០នាទីយប់ (ម៉ោងនៅកម្ពុជា)
-Brighton vs. Grimsby Town វេលាម៉ោង ០៩:១៥នាទី
-Manchester United vs. Fulham វេលាម៉ោង ១១:៣០នាទី៕
ចែករំលែកព័តមាននេះ