ខេត្តកំពង់ស្ពឺ ៖ នគរបាលស្រុកបសេដ្ឋ បង្ក្រាបមុខសញ្ញាលួចគោម្នាក់ដែលចាប់យកបានសត្វគោ និងរ៉ឺម៉កដឹកសត្វគោផងដែរ នៅវេលាម៉ោង១២និង៤៥នាទី។ នេះបើយោងតាមផេកស្នងការដ្ឋាននគរបាលខេត្តកំពង់ស្ពឺបានបង្ហោះនាយប់ថ្ងៃទី១៨ ខែមីនា ឆ្នាំ២០២៣ ។…
ខេត្តកំពង់ស្ពឺ ៖ នគរបាលស្រុកបសេដ្ឋ បង្ក្រាបមុខសញ្ញាលួចគោម្នាក់ដែលចាប់យកបានសត្វគោ និងរ៉ឺម៉កដឹកសត្វគោផងដែរ នៅវេលាម៉ោង១២និង៤៥នាទី។ នេះបើយោងតាមផេកស្នងការដ្ឋាននគរបាលខេត្តកំពង់ស្ពឺបានបង្ហោះនាយប់ថ្ងៃទី១៨ ខែមីនា ឆ្នាំ២០២៣ ។
ចំពោះជនដែលលួចគោខាងលើ សមត្ថកិច្ចនគរបាលបានឃាត់ខ្លួនហើយមានឈ្មោះ សៀង ហុង ភេទប្រុស អាយុ៣២ឆ្នាំ ទីលំនៅភូមិអូត្រាច ឃុំស្ពានត្នោត ស្រុកជីក្រែង ខេត្តសៀមរាប។
ពាក់ព័ន្ធករណីដឹកសត្វគោមិនមានលិខិតបញ្ជាក់ យោងតាមបណ្ដឹងរបស់ជនរងគ្រោះ ឈ្មោះ ទឹត រ៉េម ភេទស្រី អាយុ៦២ឆ្នាំ រស់នៅភូមិព្រៃរំដួលត្បួង ឃុំបសេដ្ឋស្រុកបសេដ្ឋ ខេត្តកំពង់ស្ពឺ ដោយថា បានបាត់គោមួយក្បាលញី ភិនភាគសម្បុរសស្នែងកំផាងក្រយ៉ៅទ្រនំទន្ទេប ដោយគោចងអោយទឹកនៅខាងត្បូងផ្ទះ។
ដោយមានការឆោឡោពីពលរដ្ឋ និងបាននាំគ្នាដេញតាមរកលុះតាមមកដល់ផ្លូវជាតិលេខ៤១ ម្ចាស់គោ និងសមត្ថកិច្ចបានជួបនឹងរ៉ឺម៉កដឹកគោមួយក្បាលបានឃាត់រកឃើញបញ្ជាក់ថា ពិតជាគោដែលចោរបានលួចពិតមែន ។
តាមចម្លើយជនសង្ស័យសារភាពថា ខ្លួនពិតជាបានធ្វើសកម្មភាពលួចយកសត្វគោមួយក្បាលចេញពីទីតាំងចងក្បែរផ្ទះមែន ។
បច្ចុប្បន្នសមត្ថកិច្ចបានបញ្ជូនជនសង្ស័យមកអធិការដ្ឋាននគរបាលស្រុក ដើម្បីបន្ដនីតិវិធី រីឯសត្វគោបានប្រគល់ជូនម្ចាស់គ្រប់គ្រងថែរក្សាវិញហើយដែរ៕
ចែករំលែកព័តមាននេះ