ខេត្តព្រះសីហនុ៖ គណៈបញ្ជាការឯកភាពខេត្ត ដឹកនាំដោយលោក ប៊ូ វឌ្ឍនា នាយកទីចាត់ការអន្តរវិស័យ ដោយមានការចូលរួមពីមន្ត្រីមន្ទីរជំនាញ និងអាជ្ញាធរក្រុងព្រះសីហនុ កាលពីល្ងាចថ្ងៃទី១៤ ខែមីនា…
ខេត្តព្រះសីហនុ៖ គណៈបញ្ជាការឯកភាពខេត្ត ដឹកនាំដោយលោក ប៊ូ វឌ្ឍនា នាយកទីចាត់ការអន្តរវិស័យ ដោយមានការចូលរួមពីមន្ត្រីមន្ទីរជំនាញ និងអាជ្ញាធរក្រុងព្រះសីហនុ កាលពីល្ងាចថ្ងៃទី១៤ ខែមីនា ឆ្នាំ២០២៣ បានប្រជុំណែនាំអប់រំបងប្អូនប្រជាពលរដ្ឋ ចំនួន ១៣គ្រួសារ ដែលបានមកសាងសង់ខ្ទម រស់នៅលើដីកម្មសិទ្ធិឯកជន ក្នុងភូមិ៤ សង្កាត់លេខ៤ ក្រុងព្រះសីហនុ ឱ្យរុះរើចេញ។
លោក ប៊ូ វឌ្ឍនា បានថ្លែងថា ម្ចាស់ទីតាំងដីខាងលើ បានដាក់សំណើទៅរដ្ឋបាលក្រុងព្រះសីហនុ ដើម្បីកសាងរបងព្រំដី ក្រោយពីទទួលបានលិខិតអនុញ្ញាតសាងសង់។ ម្ចាស់ដី បានកសាងរបងតាមព្រំដី តែត្រូវប្រជាពលរដ្ឋ ដែលរស់នៅអនាធិបតេយ្យ លើទីតាំងនោះ បានរារាំង។ ម្ចាស់ដី បានព្យាយាមសម្របសម្រួលឱ្យប្រជាពលរដ្ឋទាំងនោះ ចាកចេញពីដីរបស់ខ្លួន។ តែពួកគាត់ មិនព្រមចាកចេញ តាមការសំណើរបស់ម្ចាស់ដីទេ គឺទាល់តែទទួលបានសំណង ទើបព្រមចាកចេញ។
គួរបញ្ជាក់ថា កាលពីថ្ងៃទី២២ ខែកុម្ភៈ ឆ្នាំ២០២៣ កន្លងទៅ ក្រុមរដ្ឋបាលខេត្ត និងអាជ្ញាធរពាក់ព័ន្ធ បានទៅធ្វើការណែនាំម្តងរួចមកហើយ ដើម្បីឱ្យបងប្អូនរុះរើខ្ទម និងចាកចេញដោយស្ម័គ្រចិត្តក្នុងរយៈពេល ១សប្តាហ៍។ ប៉ុន្តែគិតចាប់តាំងពីក្រុមកាងារ បានជូនដំណឹងមក គឺបងប្អូន ពុំបានអនុវត្តតាមការណែនាំរបស់ក្រុមការងារឡើយ ទើបនៅថ្ងៃនេះ ក្រុមកាងាររបស់រដ្ឋបាលខេត្ត ទៅធ្វើការអប់រំម្តងទៀត។
ក្រោយពេលធ្វើការណែនាំ រួចមក ប្រជាពលរដ្ឋទាំង ១៣គ្រួសារ បានសហការ និងយល់ព្រមរុះរើខ្ទមអនាធិបតេយ្យទាំងអស់នោះ ចេញដោយស្ម័គ្រចិត្ត៕ ឈុន គឹមហៃ
ចែករំលែកព័តមាននេះ