UCL ៖ ការប៉ះទង្គិចគ្នាដោយហិ.ង្សាដ៏អាក្រក់កើតឡើងមុនជំនួប Napoli នឹង Frankfurt
ប្រទេសអ៊ីតាលី ៖ ការប៉ះទង្គិចគ្នាដោយហឹង្សាបានផ្ទុះឡើងនៅក្នុងទីក្រុង Naples ប្រទេសអ៊ីតាលី
ប្រទេសអ៊ីតាលី ៖ ការប៉ះទង្គិចគ្នាដោយហឹង្សាបានផ្ទុះឡើងនៅក្នុងទីក្រុង Naples ប្រទេសអ៊ីតាលី កាលពីថ្ងៃទី១៥ ខែមីនា ឆ្នាំ២០២៣ កន្លងទៅ ខណៈដែលអ្នកគាំទ្របាល់ទាត់មកពីប្រទេសអាល្លឺម៉ង់ ដែលមិនមានសំបុត្រចូលទស្សនាការប្រកួតជើងទី២ វគ្គ១៦ក្រុមចុងក្រោយក្របខណ្ឌ UEFA Champions League (UCL) រវាងក្រុមម្ចាស់ផ្ទះ Napoli ទល់នឹងក្រុមភ្ញៀវ Eintracht Frankfurt ត្រូវបានហាមប្រាម មុនពេលឈានដល់ផ្ទុះហិង្សាក្នុងរូបភាពមិនអាចទទួលយកបាន។
អ្នកនាំពាក្យប៉ូលិសទីក្រុង Naples បានថ្លែងប្រាប់សារព័ត៌មាន CNN ថា អ្នកគាំទ្ររបស់ក្លិបបាល់ទាត់អាល្លឺម៉ង់ Frankfurt បានវាយប្រហារលើប៉ូលិសការពារសណ្តាប់ធ្នាប់ រហូតឈានដល់ការដុ.តឡានថែមទៀតផង នៅមុនការប្រកួតដែលបានបញ្ចប់ទៅដោយ Napoli យកឈ្នះដោយលទ្ធផល ៣-០។
វីដេអូដែលថតបានដោយទីភ្នាក់ងារសារព័ត៌មាន Reuters បង្ហាញពីក្រុមអ្នកគាំទ្របុរសបានវា.យប្រហារលើប៉ូលិសកុបកម្ម ដោយប្រើអណ្តាតភ្លើង និងវត្ថុផ្សេងៗនៅតាមដងផ្លូវ ដែលពោរពេញដោយផ្សែងនៃទីក្រុង Naples ដែលបង្ខំឱ្យកម្លាំងប៉ូលិសបា.ញ់ឧស្ម័នបង្ហូរទឹកភ្នែកជាការឆ្លើយតប។
សមាជិកក្រុមប្រឹក្សាភិបាល Eintracht លោក Philipp Reschke បាននិយាយថា បញ្ហាបានចាប់ផ្តើមនៅពេលដែលក្រុមអ្នកគាំទ្រម្ចាស់ស្រុកចំនួន១៥០នាក់ បានវាយលុកលើអ្នកគាំទ្រក្រុមភ្ញៀវ ខណៈពេលដែលពួកគេកំពុងត្រូវបានរារាំងដោយប៉ូលិស។ ប៉ុន្តែអ្វីដែលសំខាន់បំផុតនៅក្នុងហេតុការណ៍នេះ គឺគ្មាននរណាម្នាក់រងរបួសនោះទេ សូម្បីតែមន្ត្រីប៉ូលិស។
ថ្លែងទៅកាន់អ្នកសារព័ត៌មានកាលពីថ្ងៃទី១៥ មីនា កន្លងទៅ អភិបាលក្រុង Naples លោក Gaetano Manfredi បានថ្កោលទោសចំពោះអំពើហិ.ង្សានេះ ហើយបាននិយាយថា លោកបានទូរស័ព្ទទៅឯកអគ្គរដ្ឋទូតអាល្លឺម៉ង់ប្រចាំប្រទេសអ៊ីតាលី លោក Viktor Elbling រួចរាល់ហើយជុំវិញបញ្ហានេះ។
យោងតាមប្រភពពីសារព័ត៌មានអ៊ីតាលី Football Italia បានរាយការណ៍ថា អ្នកគាំទ្រក្រុម Frankfurt ប្រហែល៤០០នាក់បានធ្វើដំណើរមកកាន់ទីក្រុង Naples។ បន្ទាប់ពីមានរបាយការណ៍អំពីអំពើហិ.ង្សា កាលពីការប្រកួតជើងទី១ នៅអាល្លឺម៉ង់ អាជ្ញាធររបស់អ៊ីតាលីបានសម្រេចហាមឃាត់ក្លិប Napoli ពីការលក់សំបុត្រសម្រាប់ការប្រកួតជើងទី២ នៅឯកីឡដ្ឋាន Diego Armando Maradona ទៅកាន់អ្នកគាំទ្រក្រុម Frankfurt ដែលបង្កឱ្យអ្នកគាំទ្រក្រុមភ្ញៀវមានការខឹងសម្បារយ៉ាងខ្លាំង។ (ដកស្រង់ចេញពី CNN និង BBC)
ខាងក្រោមនេះ ជាលទ្ធផលសរុបទាំង២ជើងនៃការប្រកួតវគ្គ១៦ក្រុមចុងក្រោយ ៖
សមាសភាពក្រុម ដែលបន្តឡើងទៅកាន់វគ្គ៨ក្រុមចុងក្រោយ ខណៈដែលការចាប់ឆ្នោតវគ្គនេះ នឹងត្រូវធ្វើឡើងនៅថ្ងៃទី១៧ ខែមីនា ឆ្នាំ២០២៣ ឆាប់ៗខាងមុខនេះ ៖
ចែករំលែកព័តមាននេះ