ចៀសវាងអាហារមួយចំនួននាំឱ្យកើតស្លេស
ស្លេសនឹងចេញច្រើននៅពេលអ្នកឈឺ ឬអាលែកហ្ស៊ីទៅនឹងប្រភេទភ្នាក់ងារដែលបង្កឲ្យមាន
ស្លេសនឹងចេញច្រើននៅពេលអ្នកឈឺ ឬអាលែកហ្ស៊ីទៅនឹងប្រភេទភ្នាក់ងារដែលបង្កឲ្យមាន
ស្លេសនឹងចេញច្រើននៅពេលអ្នកឈឺ ឬអាលែកហ្ស៊ីទៅនឹងប្រភេទភ្នាក់ងារដែលបង្កឲ្យមានអាលែកហ្ស៊ីណាមួយ ឬប្រហែលជាដោយសារតែការទទួលទានអាហារមួយចំនួន ។ អាហារមួយចំនួនដែលបង្កើតស្លេសកាន់តែច្រើនជាងកម្រិតធម្មតា ហើយអ្នកគួរតែចៀសវាងគឺ៖
១-ផលិតផលទឹកដោះគោ
ផលិតផលទឹកដោះគោដូចជាយ៉ាអួ ទឹកដោះគោ ក្រែមជូរ ឈីស ការ៉េមជាដើម មានផ្ទុកសារជាតិ casein ដែលពិបាកក្នុងការរំលាយ ។ នៅពេលដែលដំណើរការរំលាយអាហារត្រូវបានចប់សព្វគ្រប់ អាហារដែលនៅសេសសល់ ខ្លះៗពីការរំលាយអាហារបង្កឱ្យមានការបង្កើតជាតិស្លេសដែលបណ្តាលឱ្យមានអារម្មណ៍រលាក និងមិនស្រួល ។
២-អាហារបំពង
បរិមាណជាតិខ្លាញ់ដ៏ច្រើននៅក្នុងអាហារបំពងគឺជាមូលហេតុដែលអាចបណ្តាលឱ្យមានការកើនឡើងនៃការបញ្ចញជាតិស្លេសនៅក្នុងប្រព័ន្ធរាងកាយរបស់យើង ។ ជាលទ្ធផល វាអាចបណ្តាលឱ្យមានជំងឺហឺតធ្ងន់ ។
៣-កាហ្វេ
វាអាចជារឿងគួរឱ្យភ្ញាក់ផ្អើលចំពោះមនុស្សមួយចំនួនដែលថាកាហ្វេអាចបង្កឱ្យមានការផលិតជាតិស្លេស ។ មូលហេតុនៃការបង្កឲ្យមានស្លេសនេះដោយសារការទទួលទានជាតិកាហ្វេអីុន និងជាតិស្ករនៅក្នុងភេសជ្ជៈនេះ ។ ស្របគ្នានេះដែរវាក៏អាចបង្កើនការច្រាលជាតិអាស៊ីតផងដែរ ធ្វើឱ្យសេ្លសនៅជាប់នឹងបំពង់កដែលធ្វើឱ្យវារំខានដល់ការលេបអាហារ ។
៤-ជាតិអាល់កុល
ការទទួលទានជាតិអាល់កុលច្រើនពេកមិនត្រឹមតែនាំឱ្យមានបញ្ហាសុខភាពធ្ងន់ជាច្រើននោះទេ តែវាក៏បង្កឱ្យមានការផលិតស្លេសដ៏ច្រើនផងដែរ ។ ចំពោះសុខុមាលភាពទូទៅរបស់យើង វាជាការប្រសើរបំផុតដែលអ្នកមិនគួរពិសាភេសជ្ជៈមានជាតិអាល់កុលច្រើនពេក ។
៥-សាច់
សាច់ឆ្អើរ ឬសាច់ងៀតមានសារធាតុធម្មជាតិម្យ៉ាងដែលមានឈ្មោះថា histamine ។ សារធាតុនេះអាចបង្កឱ្យមានប្រតិកម្មនៅក្នុងប្រព័ន្ធរាងកាយរបស់យើងដែលបង្កើនការផលិតស្លេស ។
បញ្ហាសុខភាពដោយសារតែការបញ្ចេញស្លេសច្រើនពេក ៖ ក្អករ៉ាំរ៉ៃ, រំខានការគេង, ខ្យល់ដង្ហើមមិនល្អ, តឹងច្រមុះ, ការប្រុងប្រយ័ត្នធ្លាក់ចុះ និងមាត់លែងដឹងរសជាតិ៕
ចែករំលែកព័តមាននេះ