ខេត្តកំពង់ឆ្នាំង ៖ នៅក្នុងឱកាសបើកយុទ្ធនាការចាក់វ៉ាក់សាំង ការពារជំងឺកូវីដ-១៩ដូសទី៣ ឬដូសជំរុញ Astra Zeneca ជូនដល់កងទ័ព និងភរិយាកងទ័ព នាព្រឹកថ្ងៃទី១៥…
ខេត្តកំពង់ឆ្នាំង ៖ នៅក្នុងឱកាសបើកយុទ្ធនាការចាក់វ៉ាក់សាំង ការពារជំងឺកូវីដ-១៩ដូសទី៣ ឬដូសជំរុញ Astra Zeneca ជូនដល់កងទ័ព និងភរិយាកងទ័ព នាព្រឹកថ្ងៃទី១៥ ខែសីហា ឆ្នាំ២០២១ មេបញ្ជាការតំបន់ប្រតិបត្តិការសឹករងខេត្តកំពង់ឆ្នាំង លោក អ៊ុំ សុភា បានមានប្រសាសន៍ថ្លែងអំណរគុណយ៉ាងជ្រាលជ្រៅ ចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាដែលយកចិត្តទុកដាក់ ជំរុញឱ្យកងទ័ពជួរមុខបានចាក់ដូសទី៣ ឬដូសជំរុញដើម្បីទប់ស្កាត់ឲ្យកាន់តែមានប្រសិទ្ធភាពចំពោះការរីករាលដាលនៃជំងឺកូវីដ-១៩។
លោក អុំ សុភា បានបន្ថែមថា កងទ័ពគឺជាកម្លាំងជួរមុខបាន និងកំពុងចូលរួមប្រយុទ្ធយ៉ាងសកម្មខ្លាំងក្លាជាមួយកូវីដ-១៩ ដូចជាការអនុវត្តវិធានការបិទខ្ទប់ការចែកចាយស្បៀងអាហារ ការដឹកជញ្ជូនពលករដែលត្រឡប់មកពីប្រទេសថៃមកមូលដ្ឋាន និងកិច្ចប្រតិបត្តិការសង្គ្រោះផ្សេងទៀត។ សម្រាប់ ថ្ងៃនេះកងទ័ពជួរមុខ ដែលមានច្រើនអង្គភាព បានមកទទួល ការចាក់វ៉ាក់សាំងដូសទី៣ ជាដូសជំរុញ ដែលនឹងទៅចាក់វ៉ាក់សាំងនៅថ្ងៃនេះ ចំនួន២៥៤នាក់ និងភរិយាកងទ័ពក៏មានចំនួន២៥៤នាក់ដែរ សរុបចំនួន៥០៨ នាក់។
ក្នុងនាមកងយុទ្ធពលខេមរៈភូមិន្ទជួសមុខឲ្យនាយទាហាន នាយទាហានរង ពលទាហាន និងក្រុមគ្រួសារយោធិនទាំងអស់សូមថ្លែងអំណរគុណយ៉ាងជ្រាលជ្រៅចំពោះសម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជាដែលបានយកចិត្តទុកដាក់គ្រប់កាលៈទេសៈ ចំពោះកងយុទ្ធពលខេមរៈភូមិន្ទ។ យើងខ្ញុំទាំងអស់គ្នាសូមប្ដេជ្ញាគោរព និងអនុវត្តតាមបទបញ្ជា និងអនុសាសន៍ដ៏ខ្ពង់ខ្ពស់ របស់សម្ដេច និងសូមគាំទ្រគោលនយោបាយដឹកនាំប្រកបដោយគតិបណ្ឌិត របស់សម្ដេចដើម្បីដឹកនាំប្រទេសជាតិទទួលបានការអភិវឌ្ឍលើគ្រប់វិស័យ និងសុខសន្តិភាពជារៀងរហូត៕ ដោយ ៖ ពៅ សុខហ៊ាន
ចែករំលែកព័តមាននេះ