រាជធានីភ្នំពេញ ៖ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ លោក ញឹម ពិសាល តំណាងអយ្យការ គឺលោក សំម ឬ ទ្ធីវាសនា កាលពីព្រឹកថ្ងៃទី១៥ ខែមីនា ឆ្នាំ២០២៣ បានប្រកាសសាលក្រមផ្ដន្ទាទោសលើសំណុំរឿងឧក្រឹដ្ឋជនគ្រឿងញៀ.នចំនួន២នាក់ ដោយម្នាក់ជាជនជាតិខ្មែរ និងម្នាក់ទៀតជាជនជាតិថៃ ដាក់ពន្ធនាគារ «អស់មួយជីវិត» និងពិន័យជាប្រាក់ចូលថវិការដ្ឋក្នុងម្នាក់ចំនួន៦០លានរៀល ក្រោមការចោទប្រកាន់ពីបទ.រក្សាទុក ដឹកជញ្ជូន និងជួញដូរនូវសារធាតុញៀ.ន និងបទ.កាន់កា.ប់ ប្រើប្រាស់អាវុធដោយគ្មានការអនុញ្ញាត ។
ជនជាប់ចោទទាំង២នាក់ខាងលើ ម្នាក់មានឈ្មោះ គឹម សំភោគ ភេទប្រុស អាយុ៣៨ឆ្នាំ ជាជនជាតិខ្មែរ និងម្នាក់ទៀតឈ្មោះ ប្រាក់ សឺត ភេទប្រុស អាយុ៥៤ឆ្នាំ ជាជនជាតិថៃ។ ហើយសាលក្រមបានប្រកាសធ្វើឡើងជាសាធារណៈ ដោយទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនជាជនជាប់ចោទមិនសុខចិត្តចំពោះការកាត់ក្តីនេះ។
សូមបញ្ជាក់ថា សាលាដំបូងរាជធានីភ្នំពេញ បានលើយកសំណុំរឿងគ្រឿងញៀ.នមួយនេះ មកបើកសវនាការសួរដេញដោលជាច្រើនលើក ចាប់តាំងពីថ្ងៃទី២០ ខែធ្នូ ឆ្នាំ២០២២ រហូតដល់ពាក់កណ្ដាលខែមីនា ឆ្នាំ២០២៣ ដោយចោទប្រកាន់ពីបទ រក្សាទុក ដឹកជញ្ជូន និងជួញដូរ ដោយខុសច្បាប់នូវសារធាតុញៀ.ន និងបទ កាន់កា.ប់ ប្រើប្រាស់អាវុធដោយគ្មានការអនុញ្ញាត តាមមាត្រា៤០ និងមាត្រា២០ នៃច្បាប់ស្ដីពីការត្រួតពិនិត្យគ្រឿងញៀ.ន និងច្បាប់ស្ដីពីការគ្រប់គ្រងអាវុធគ្រឿងផ្ទុះ និងគ្រា.ប់រំសេវ ។
សូមជម្រាបថា ករណីប្រតិបត្តិការបង្ក្រាបក្រុមឧក្រិដ្ឋជនជួញដូរគ្រឿងញៀ.នមួយនេះ គឺបានធ្វើឡើងយ៉ាងក្តៅគគុក ស្ថិតនៅសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ដោយមានការផ្ទុះដាក់គ្នាជាច្រើនគ្រា.ប់រវាងសមត្ថកិច្ច និងឈ្មួញគ្រឿងញៀ.ន ជាលទ្ធផលជនឧក្រិដ្ឋចំនួន២នាក់ត្រូវបានចាប់ខ្លួន និងថ្នាំញៀ.នជិត៣០គីឡូក្រាមត្រូវបានរឹបអូស។ ដោយឧក្រឹដ្ឋជនដែលចាប់ខ្លួនទាំង២នាក់នេះ ម្នាក់ឈ្មោះ គឹម សំភោគ ភេទប្រុស អាយុ៣៨ឆ្នាំ ជនជាតិ ខ្មែរ និងម្នាក់ទៀតឈ្មោះ ប្រាក់ សឺត ភេទប្រុស អាយុ៥៤ឆ្នាំ ជាជនជាតិថៃ។
ប្រតិបត្តការនោះ ប្រព្រឹត្តឡើងកាលពីវេលារសៀលថ្ងៃទី១៨ ខែសីហា ឆ្នាំ២០២១ ដោយអនុវត្តតាមបញ្ជាឯកឧត្តមនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀ.ន ដោយកាលណោះដឹកនាំផ្ទាល់ដោយលោកឧត្ដមសេនីយ៍ឯក ឡឹក វណ្ណៈ នៅជានាយកមន្ទីរប្រឆាំងបទល្មើសគ្រឿងញៀ.ន (បច្ចុប្បន្នលោកចូលនិវត្តន៍) ។ ការចុះបង្ក្រាបករណីជួញដូរគ្រឿងញៀ.នពេលនោះ គឺកម្លាំងសមត្ថកិច្ចនគរបាលការិយាល័យទី៧ នៃមន្ទីរប្រឆាំងបទល្មើសគ្រឿងញៀ.ន (ក៧) ដឹកនាំដោយលោកឧត្តមសេនីយ៍ទោ សឿង ណុល នាយករងមន្ទីរ និងមានការចូលរួមពីកម្លាំងជំនាញរបស់ស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលពីលោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដែលបានបើកការស៊ើបអង្កេត និងស្រាវជ្រាវរហូតឈានដល់ការបង្ក្រាបបានជាបន្តបន្ទាប់ មាន២គោលដៅផ្សេងគ្នា ។
គោលដៅទី១ ស្ថិតនៅបណ្តោយផ្លូវជាតិលេខ៦A សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ខណៈពេលចុះបង្ក្រាបនោះ ត្រូវក្រុមឧក្រឹដ្ឋជនផ្ទុះអាវុធបាញ់មកលើកសមត្ថកិច្ចជាច្រើនគ្រា.ប់ ធ្វើឲ្យសមត្ថកិច្ចបង្ខំចិត្តបាញ់តបតវិញដើម្បីការពារខ្លួន ទើបពេលនោះឧក្រឹដ្ឋជនឈ្មួញគ្រឿងញៀ.នទម្លាក់អាវុធ និងប្រគល់ខ្លួនឲ្យសមត្ថកិច្ច ។ ក្រោយពីចាប់ខ្លួនជនសង្ស័យទាំងពីរ សមត្ថកិច្ចក៏បាននាំទៅឆែកឆេរលំនៅដ្ឋានមួយកន្លែងដែលជាគោលដៅទី២ ស្ថិតនៅផ្ទះលេខ៣២ ផ្លូវC ស្ថិតក្នុងភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ ក្នុងនោះសមត្ថកិច្ចបានចាប់យកវត្ថុតាងរួមមាន ៖ សារធាតុញៀ.នប្រភេទ ម៉េតំហ្វេតាមីន (ICE) ចំនួន២៤កញ្ចប់ធំ ស្មើទម្ងន់ប្រមាណជាង២៤គីឡូក្រាម ។ សារធាតុញៀ.ន ប្រភេទអ៊ិចស្តាស៊ី (MDMA) ចំនួន១៤កញ្ចប់ ស្មើទម្ងន់ប្រមាណ៤គីឡូក្រាម (សរុបទាំងអស់ជិត៣០គីឡូក្រាម)។ រថយន្តចំនួន៤គ្រឿង ទូរស័ព្ទ៦គ្រឿង អាវុធខ្លី ម៉ាករ៉ូឡូ ១ដើម សម្បកគ្រា.ប់៣គ្រា.ប់ និងគ្រា.ប់មិនទាន់ផ្ទុះចំនួន៣គ្រា.ប់ទៀតផង ។
ក្រោយពេលឃាត់ខ្លួនជនឧក្រឹដ្ឋទាំង២នាក់ រួមនឹងវត្ថុតាងខាងលើ ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
ចែករំលែកព័តមាននេះ