រាជធានីភ្នំពេញ ៖ ធុងសំរាមចំនួន៣០០ធុង ត្រូវបានសប្បុរសជន នាំយកមកប្រគល់ជូនរដ្ឋបាលរាជធានីភ្នំពេញ ដើម្បីយកទៅប្រើប្រាស់ទៅតាមគោលដៅសំខាន់ៗមួយចំនួន នៅក្នុងរាជធានីភ្នំពេញ ធ្វើយ៉ាងណាឱ្យរាជធានីភ្នំពេញ មានអនាម័យ បរិស្ថានល្អ…
រាជធានីភ្នំពេញ ៖ ធុងសំរាមចំនួន៣០០ធុង ត្រូវបានសប្បុរសជន នាំយកមកប្រគល់ជូនរដ្ឋបាលរាជធានីភ្នំពេញ ដើម្បីយកទៅប្រើប្រាស់ទៅតាមគោលដៅសំខាន់ៗមួយចំនួន នៅក្នុងរាជធានីភ្នំពេញ ធ្វើយ៉ាងណាឱ្យរាជធានីភ្នំពេញ មានអនាម័យ បរិស្ថានល្អ ។
ពិធីប្រគល់ ទទួលអំណោយខាងលើបានធ្វើឡើងនារសៀលថ្ងៃទី០៩ ខែមករា ឆ្នាំ២០១៦ ក្រោមវត្តមានលោក ហួត ហៃ, លោក ឯក ឃុនដឿន និងលោក ឆាយ វីរៈ អភិបាលរង តំណាងលោក ឃួង ស្រេង អភិបាលរាជធានីភ្នំពេញ និងតំណាងសប្បុរសជន នៅសាលារាជធានីភ្នំពេញ ។
លោក ហួត ហៃ បានមានប្រសាសន៍លើកឡើងថា ធុងសំរាមទាំង៣០០ធុងនេះ សប្បុរសជន ប្រគល់មករដ្ឋបាលរាជធានីភ្នំពេញ ដើម្បីឱ្យរដ្ឋបាលរាជធានី យកទៅប្រើប្រាស់ទៅតាមគោលដៅសំខាន់ៗមួយចំនួននៅក្នុងរាជធានីភ្នំពេញ ។
លោក បន្ត ថា សម្រាប់ធុងសំរាមទាំង៣០០ធុងនេះ មួយចំនួន លោក ឃួង ស្រេង អភិបាលរាជធានីភ្នំពេញ ឱ្យយកទៅដាក់នៅលើផ្លូវថ្មើជើងចតុមុខ (Walk street) និងមួយចំនួនទៀតយកទៅដាក់នៅវិមានឈ្នះ-ឈ្នះ សំដៅធ្វើយ៉ាងណាឱ្យរាជធានីភ្នំពេញ ដែលជាបេះដូង នៃព្រះរាជាណាចក្រកម្ពុជា មានអនាម័យ និងបរិស្ថានល្អ ។
ក្នុងឱកាសនោះ លោក ហួត ហៃអភិបាលរង ក្នុងនាមលោក ឃួង ស្រេង អភិបាលរាជធានីភ្នំពេញ បានថ្លែងនូវការអរគុណយ៉ាងជ្រាលជ្រៅចំពោះ សប្បុរសជន ដែលបាននាំយកធុងសំរាមមកជូនរដ្ឋបាលរាជធានីភ្នំពេញ ដើម្បីយកទៅដាក់តាមគោលដៅសំខាន់ៗមួយចំនួននៅក្នុងរាជធានីភ្នំពេញ ៕
ចែករំលែកព័តមាននេះ