សហរដ្ឋអាមេរិក ប្រកាសផ្ដល់ជំនួយ ៤៥លានដុល្លារដល់កម្ពុជា និងថៃ ដើម្បីដោះស្រាយបញ្ហាព្រំដែន
រាជធានីភ្នំពេញ ៖ នៅក្នុងសន្និសីទសារព័ត៌មាន តាមប្រព័ន្ធ Zoom នារសៀលថ្ងៃទី០៩ ខែមករា ឆ្នាំ២០២៦ លោក Michael…
រាជធានីភ្នំពេញ ៖ នៅក្នុងសន្និសីទសារព័ត៌មាន តាមប្រព័ន្ធ Zoom នារសៀលថ្ងៃទី០៩ ខែមករា ឆ្នាំ២០២៦ លោក Michael George DeSombre ឧបការីរដ្ឋមន្ត្រីក្រសួងការបរទេសអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានប្រកាសជាផ្លូវការនូវកញ្ចប់ជំនួយសរុបចំនួន ៤៥លានដុល្លារសហរដ្ឋអាមេរិក សម្រាប់ផ្ដល់ជូនប្រទេសកម្ពុជា និងថៃ ក្នុងគោលដៅដោះស្រាយបញ្ហាប្រឈមនៅតាមបណ្ដោយព្រំដែននៃប្រទេសទាំងពីរ ។
ជាក់ស្តែង បើយោងតាម ទីភ្នាក់ងារសារព័ត៌មានកម្ពុជា – AKP បានប្រកាសនាល្ងាចថ្ងៃទី៩ ខែមករានេះថា លោក Michael DeSombre ឧបការីរដ្ឋមន្ត្រីការបរទេសសហរដ្ឋអាមេរិក ទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានបញ្ជាក់ថា ៖ សហរដ្ឋអាមេរិកនឹងផ្ដល់ជំនួយសរុបចំនួន ៤៥លានដុល្លារសហរដ្ឋអាមេរិកដល់ប្រទេសថៃ និងកម្ពុជា ដើម្បីដោះស្រាយបញ្ហាព្រំដែន ដោយក្នុងនោះថវិកាចំនួន១៥លានដុល្លារ នឹងត្រូវប្រើប្រាស់លើការធ្វើឱ្យមានស្ថិរភាពនៅតំបន់ព្រំដែន និងជួយដល់ជនភៀសសឹក ហើយថវិកាចំនួន១០លានដុល្លារ សម្រាប់ការដោះមីន និងថវិកាចំនួន២០លានដុល្លារ សម្រាប់ការការងារប្រឆាំងនឹងការឆបោកតាមអនឡាញ ជួញដូរគ្រឿងញៀ.ន និងបទល្មើសផ្សេងៗទៀត ៕
ចែករំលែកព័តមាននេះ