- ភ្នំពេញ
រាជធានីភ្នំពេញ ៖ ថ្លើម ក្រលៀន បេះដូង អណ្តាត ខួរ ពោះវៀន ក្រពះសត្វ គឺស្ថិតនៅក្នុងបញ្ជីមុខម្ហូបតាមភោជនីយដ្ឋាន…
រាជធានីភ្នំពេញ ៖ ថ្លើម ក្រលៀន បេះដូង អណ្តាត ខួរ ពោះវៀន ក្រពះសត្វ គឺស្ថិតនៅក្នុងបញ្ជីមុខម្ហូបតាមភោជនីយដ្ឋាន…
រាជធានីភ្នំពេញ ៖ ថ្លើម ក្រលៀន បេះដូង អណ្តាត ខួរ ពោះវៀន ក្រពះសត្វ គឺស្ថិតនៅក្នុងបញ្ជីមុខម្ហូបតាមភោជនីយដ្ឋាន និងហាងស៊ីផឹកនានាពេញប្រទេស ហើយសូម្បីតែតាមផ្ទះក៏និយមដែរ ។ ប៉ុន្តែកុំភ្លេចថា ថ្មីៗនេះអាជ្ញាធរទើបតែបានរឹបអូស និងបំផ្លាញចោលពពួកអាហារទាំងនេះរហូតដល់ទៅប្រមាណជាជាង៨តោន ។
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានអះ អាង កាលពីពេលថ្មីៗកន្លងទៅនេះ គ្រាន់តែនៅខណ្ឌពីរនៅរាជធានីភ្នំពេញ ខ្លួនសហការ ជាមួយនឹងមន្ត្រីជំនាញសុខភាពសត្វនៃក្រសួងកសិកម្ម រុក្ខាប្រមាញ់ និងនេសាទបាន រកឃើញនិងកម្ទេចចោលសាច់បង្កកខូចគុណភាពចំនួន ៨.១៧២គីឡូក្រាម ដែលភាគច្រើនជាគ្រឿងក្នុងសត្វ។
ប្រភពដដែលបានបន្តថា សាច់បង្កកដែលមន្ត្រីជំនាញរកឃើញ និងដុតកម្ទេចចោលនោះ គឺភាគច្រើនជាសរីរាង្គក្នុង នៅក្នុងបញ្ជីខាងលើដែលរួមមានតាំងពីបេះដូងជ្រូក អណ្ដាតជ្រូក រហូតដល់ជង្គង់មាន់ ត្រីបង្កក ទាបង្កក និងសាច់ផ្សេងៗទៀតដែលសាច់ទាំងអស់នោះត្រូវរកឃើញនៅក្នុងខណ្ឌមានជ័យ និងខណ្ឌដង្កោ។
ផ្អែកលើព័ត៌មាននេះ យើងមិនបំភ័យទេ ប៉ុន្តែគ្រាន់តែពញាក់ឲ្យប្រុងប្រយ័ត្នពីព្រោះការដែល យើងទទួលទានប្រភេទសរីរាង្គដែលមានបញ្ហាទាំងនេះយើងក៏នឹងប្រឈមមុខនឹងបញ្ហាសុខភាពទ្រុឌទ្រោមតាមហ្នឹងដែរ។ នៅស្រុកគេខ្លះគ្រឿងក្នុងមិនមែនអាហារមនុស្សទេ ប៉ុន្តែជាទូទៅនៅកម្ពុជា និងប្រទេសមួយ ចំនួនគ្រឿងក្នុងជាអាហារដ៏ពេញនិយម ហើយគេអាចយកទៅច្នៃចេញជាម្ហូបជាច្រើនមុខតាមការនិយមតាមការចូលចិត្តមានទាំងស្ងោរ ឆា ស៊ុប សម្លប្រពៃណី ដូចជា សម្លរម្ជូរគ្រឿងជាដើម ហើយរស់ជាតិវិញ គឺថាឆ្ងាញ់ពិសាតែម្តង។
ថ្មីៗនេះដោយសារតែតម្រូវការមានការកើនឡើង ហើយគួបផ្សំរឿងចង់បានចំណេញច្រើនផង មានជនខិលខូចឆ្លៀតឱកាសបានលួចនាំចូលពីប្រទេសជិតខាងដោយខុសច្បាប់ ហើយ គ្រឿងក្នុង និងសាច់បង្កកទាំងនេះមួយចំនួនក៏មានលាយសារធាតុគីមីប៉ះពាល់ដលសុខភាពធ្ងន់ធ្ងរ ដើម្បីរក្សាទុកបានយូរ និងមើលទៅឃើញថាស្រស់ៗ។
សូមប្រុងប្រយ័ត្នពីព្រោះថា គ្រឿងក្នុងដែលខូចគុណភាព និងដឹកជញ្ជូនខ្វះអនាម័យបូកផ្សំនឹង សារធាតុគីមីនៅក្នុងនោះទៀតសោតនៅពេលដែលយើងទាំងអស់គ្នាទទួលទានទៅសុខភាព សរីរាង្គខាងក្នុងដូចជាក្រពះ ពោះវៀន តម្រង់នោម ថ្លើម ប្រម៉ាត់ លំពែងយើងក៏នឹងរងទុក្ខទោសទៅតាមនោះផងដែរ។
នេះ គឺជាចំណុចដ៏សំខាន់មួយដែលយើងត្រូវប្រុងប្រយ័ត្ន ប៉ុន្តែក្រៅពីនោះហេតុផលមួយចំនួនខាងក្រោមក៏ចំណុចយើងគួរតែកាត់បន្ថយការទទួលទានពពួកសរីរាង្គខាងក្នុងសត្វដូចជា ថ្លើម ក្រលៀន បេះដូង អណ្តាត ខួរ ពោះវៀន ក្រពះ ទាំងនេះផងដែរ។
តាមការស្រាវជ្រាវយើងដឹងថា សរីរាង្គសត្វទាំងនេះ គឺពិតជាអាហារ ហើយប៉ុន្តែសូមកុំ ទទួលទានវាញឹកញាប់ពេកពីព្រោះវាអាចធ្វើឲ្យយើងលើសប្រូតេអ៊ីន លើសខ្លាញ់ ហើយវាក៏ជាសរីរាង្គដែលផ្ទុកនៅពពួកសត្វល្អិត ដែលបង្កផលប៉ះពាល់ដល់សុខភាពរបស់យើងផងដែរ ប្រសិនបើយើងចំអិនមិនបានល្អ ឬលាងសំអាតមិនស្អាត។
តាមការស្រាវជ្រាវរបស់យើងគ្រឿងក្នុងទាំងនេះអាចត្រូវបានចែកចេញជាពីរប្រភេទ គឺគ្រឿងក្នុងក្រហម និងគ្រឿងក្នុងស ។ គ្រឿងក្នុងក្រហម គឺអាចងាយទទួលទានដោយមិនចាំបាច់ ពិបាកសំអាតច្រើនទេ ប៉ុន្តែចំណែកគ្រឿងក្នុងសវិញទាមទារការលាងសម្អាតចម្រាសឲ្យបានស្អាតល្អពីព្រោះវា គឺជាបណ្តុំនៃមីក្រូសារពាង្គកាយដូចជាពពួកសត្វល្អិត ពពួកព្រូន ។មកដល់ពេលនេះគ្រឿងក្នុងក្រហម មានដូចជា ថ្លើម ក្រលៀន បេះដូង អណ្តាត ឯគ្រឿងក្នុងស គឺមានពោះវៀន ពោះតាន់ ក្រពះ កោះ និងពោះគោ១០០ស្រទាប់ជាដើម ។
មុនទទួលទានគ្រឿងក្នុងស គឺទាមទារឲ្យសំអាតឲ្យបានច្រើនទឹក ហើយសូមកុំទទួលទានឆៅ និងស្រស់ដូចជា បុគ្គលមួយចំនួនបានផុស និងចែករំលែកនៅលើបណ្តាញសង្គមដែលមាន មនុស្សចូលទស្សនារាប់សិបលាននាក់ កាលពីពេលថ្មីៗកន្លងទៅនេះដោយសារតែការទទួលទានឆៅ ឬចំអិនមិនល្អ ពពួកសត្វល្អិតដែលនៅតោងតាមសរីរាង្គទាំងនេះចូលមកក្នុងខ្លួនយើងយ៉ាងងាយស្រួលបំផុត។
សរុបមកវិញគ្រឿងក្នុង គឺជាអាហារដែលយើងអាចទទួលទានបាន ប្រសិនបើវាជារបស់ល្អ ប៉ុន្តែសូមកុំបរិភោគឆៅឬចំអិនមិនឆ្អិនល្អ ប៉ុន្តែកុំសូវពិសាឬទទួលទានញឹកញាប់ពេក ហើយប្រសិនជាយើងដឹងប្រភព និងកន្លែងដែលមានសុវត្ថិភាពទៀតរឹតតែប្រសើរ ។ នៅក្នុងករណី ចូលហាងអី សូមកុំពិសាច្រើនពេក ពីព្រោះយើងពិបាកនឹងដឹងប្រភពនៃសរីរាង្គទាំងនេះច្បាស់លាស់ណាស់៕ដោយៈ ហេង ចេស្តារ
ចែករំលែកព័តមាននេះ