រាជធានីភ្នំពេញ ៖ ការបង្រៀនកូនឱ្យមានទម្លាប់ថែទាំខ្លួនឯងឱ្យមានសុខភាពល្អតាំងពីតូច មានឥទ្ធិពលវិជ្ជមានលើការអភិវឌ្ឍន៍ទូទៅ និងសុខុមាលភាពនាពេលអនាគតរបស់ពួកគេ ។ វាជួយពួកគេគ្រប់គ្រងអារម្មណ៍ដោយខ្លួនឯង បង្កើតទម្លាប់វិជ្ជមាន និងធ្វើឱ្យទំនាក់ទំនងកាន់តែប្រសើរឡើងជាមួយគ្រួសារ មិត្តភក្តិ…
រាជធានីភ្នំពេញ ៖ ការបង្រៀនកូនឱ្យមានទម្លាប់ថែទាំខ្លួនឯងឱ្យមានសុខភាពល្អតាំងពីតូច មានឥទ្ធិពលវិជ្ជមានលើការអភិវឌ្ឍន៍ទូទៅ និងសុខុមាលភាពនាពេលអនាគតរបស់ពួកគេ ។ វាជួយពួកគេគ្រប់គ្រងអារម្មណ៍ដោយខ្លួនឯង បង្កើតទម្លាប់វិជ្ជមាន និងធ្វើឱ្យទំនាក់ទំនងកាន់តែប្រសើរឡើងជាមួយគ្រួសារ មិត្តភក្តិ និងអ្នកដទៃនៅជុំវិញពួកគេ ។ ទម្លាប់ល្អបំផុត គឺជាទម្លាប់ដែលអាចអនុវត្តបានជាប្រចាំដូចជាទម្លាប់ដែលមានរាយខាងក្រោម ៖
១. សៀវភៅផាត់ពណ៌ ខ្មៅដៃ គូល័រ ៖ សៀវភៅផាត់ពណ៌ គឺជាថ្នាំបំបាត់ភាពតានតឹងដ៏អស្ចារ្យ សូម្បីតែមនុស្សពេញវ័យក៏ដោយ ។ ការលាបពណ៌ត្រូវបានណែនាំដោយអ្នកព្យាបាលវិជ្ជាជីវៈជាច្រើន ព្រោះវាជួយកសាង និងពង្រឹងជំនាញដ៏ល្អ ។ វាក៏អាចជួយឱ្យកុមារមានភាពស្ងប់ស្ងាត់ និងអត់ធ្មត់ផងដែរ ពីព្រោះពួកគេផ្តោតលើការបំពេញរូបភាពជាជាងព្រឹត្តិការណ៍ ឬស្ថានភាពស្ត្រេស ។ ដោយសារវាលើកកម្ពស់ការសម្រាកលម្ហែ វាអាចជាសកម្មភាពដ៏ល្អមួយក្នុងការបញ្ចូលវាទៅក្នុងទម្លាប់ដ៏ល្អរបស់កូនអ្នក ។
២. រៀបចំទម្លាប់ហាត់ប្រាណ ៖ លំហាត់ប្រាណជាវិធីងាយស្រួលសម្រាប់គ្រួសារទាំងមូលចូលរួមជាមួយគ្នា ។ ចូរធ្វើអ្វីមួយដែលងាយស្រួលដូចជាការដើរលេងក្នុងសួន និងការជិះកង់អាចជាការជំរុញអារម្មណ៍ភ្លាមៗ ។ វាក៏មានផ្លូវលំដ៏ស្រស់ស្អាតជាច្រើននៅខាងក្រៅទីក្រុង ដែលក្រុមគ្រួសារអាចដើរលេងបានយ៉ាងយូរ ។ អ្នកអាចហាត់ប្រាណនៅក្នុងផ្ទះ ដូចជាការទិញកម្រាលយូហ្គា និងរាំតាមកញ្ចក់ទូរទស្សន៍របស់អ្នក ។
៣. លើកទឹកចិត្តការសរសេរកំណត់ហេតុ ៖ ការសរសេរកំណត់ហេតុ គឺជាវិធីដ៏ប្រសើរក្នុងការអនុវត្តការគិតពិចារណា ។ វាជួយក្នុងការបង្កើតទំនាក់ទំនងអារម្មណ៍ គ្រប់គ្រងភាពតានតឹង កាត់បន្ថយការថប់បារម្ភ ហើយសំខាន់ គឺគ្រាន់តែរីករាយ និងអភិវឌ្ឍជំនាញសរសេររបស់កូនអ្នក ។
៤. សម្រាក និងគេង ៖ ការគេង គឺជាកត្តាសំខាន់ក្នុងការថែរក្សាខ្លួនយើង ។ មនុស្សម្នាក់ៗមាន
ភាពខុសប្លែកគ្នា ប៉ុន្តែពេលវេលាចាប់ផ្តើមដ៏ល្អសម្រាប់ការចូលគេង គឺ ១-២ ម៉ោង មុនពេលចូលគេងដែលបានកំណត់ ។ កាលវិភាគនៃការគេងទៀងទាត់ គឺមានសារៈសំខាន់ដើម្បីធានាបាននូវការសម្រាកឱ្យបានល្អពេញមួយយប់ ដែលកំណត់ភាពជោគជ័យសម្រាប់ថ្ងៃបន្ទាប់ ។ នេះមានន័យថា បន្ថយភ្លើង បិទគ្រឿងអេឡិចត្រូនិច និងចៀសវាងសឡេងរំខាន ឬសកម្មភាពផ្សេងៗ ។ ពេលល្ងាចអាចជាមធ្យោបាយមួយ ដើម្បីពង្រឹងទំនាក់ទំនងជាមួយកូនរបស់អ្នក មិនថា ការអានសៀវភៅជាមួយគ្នា ឬនិយាយអំពីរបៀបថ្ងៃរបស់ពួកគេនោះទេ ។ ជារឿយៗវាជារឿងតូចតាចសម្រាប់កុមារ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និង សាលារៀនណត្សឡាញន៍ ។ សាលារៀនមានកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសិស្សធំ និងកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ។ សាលារៀនចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅ សាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផង ដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ