ADផ្ទាំងផ្សព្វផ្សាយពាណិជ្ជកម្ម

Picture
  • ភ្នំពេញ

រាជធានី​ភ្នំពេញ ៖ មានការ​ងារ​មួយ​ចំនួន​ដែល​យុវជន​អាច​ធ្វើ​បាន​នៅ​ពេល​បោះ​ឆ្នោត​ម្តង​ៗ​។ ដូច្នេះ​នៅ​ក្នុង​ការ​បោះ​ឆ្នោត​សកល នា​ថ្ងៃ​ទី​២៣​ខែកក្កដា​ខាង​មុខ​នេះ យុវជន​អាច​ត្រៀមខ្លួន ដើម្បី​ចូលរួម​ធ្វើ​ការងារ​ទាំងនោះ​បាន​។ ការងារ​ទាំង​អស់នោះ ជា​ការ​ចូលរួម​ចំណែក​ជួយ​សង្គម​ជាតិ​ផង និង​អាច​ឱ្យ​យុវជន​ដកស្រង់​បទ​ពិសោធន៍​សម្រាប់​ជីវិត​ខ្លួនឯង​ផង…

រាជធានី​ភ្នំពេញ ៖ មានការ​ងារ​មួយ​ចំនួន​ដែល​យុវជន​អាច​ធ្វើ​បាន​នៅ​ពេល​បោះ​ឆ្នោត​ម្តង​ៗ​។ ដូច្នេះ​នៅ​ក្នុង​ការ​បោះ​ឆ្នោត​សកល នា​ថ្ងៃ​ទី​២៣​ខែកក្កដា​ខាង​មុខ​នេះ យុវជន​អាច​ត្រៀមខ្លួន ដើម្បី​ចូលរួម​ធ្វើ​ការងារ​ទាំងនោះ​បាន​។

រូបតំណាង

ការងារ​ទាំង​អស់នោះ ជា​ការ​ចូលរួម​ចំណែក​ជួយ​សង្គម​ជាតិ​ផង និង​អាច​ឱ្យ​យុវជន​ដកស្រង់​បទ​ពិសោធន៍​សម្រាប់​ជីវិត​ខ្លួនឯង​ផង និង​ជា​ផ្នែក​មួយ​អាចរ​កម្រៃ​សម្រាប់​ចាយ​វា​.​យ​បាន​ដែរ​។នៅ​ពេល​បោះ​ឆ្នោត​យុវជន​អាច​ក្លាយជា​ឃោសនិក​ដល់​សាធារណជន​ពី​សារៈសំខាន់​នៃ​ការ​បោះ​ឆ្នោត ។ ការងារ​នេះ​យុវជន​មិន​អាច​រក​ប្រាក់​កម្រៃ​បាន​ទេ ពីព្រោះ​ជា​ការ​ស្ម័គ្រចិត្ត ។ បេសកកម្ម​សំខាន់​ការងារ​នេះ ជំរុញ​ពលរដ្ឋ​ទៅ​បោះ​ឆ្នោត​តាម​ឆន្ទៈ​ឱ្យ​បាន​ច្រើន ស្រប​តាម​ច្បាប់​កំណត់​។នៅ​ពេល​បោះ​ឆ្នោត​នោះ​ដែរ យុវជន​ការ​ត្រៀមខ្លួន ដើម្បី​ដាក់​ពាក្យ​បម្រើ​ការងារ​បោះ​ឆ្នោត​ជា​គណៈកម្មាធិការ​ជាតិ​រៀបចំ​ការ​បោះ​ឆ្នោត​។

ស្ថាប័ន​ជាតិ​រៀបចំ​ការ​បោះ​ឆ្នោត​នេះ តែងតែ​ជ្រើសរើស​អ្នក​រៀបចំ​ការ​បោះ​ឆ្នោត​ដែល​អាច​បម្រើ​ការងារ​នៅ​ពេល​មុន​ថ្ងៃ​បោះ​ឆ្នោត ថ្ងៃ​បោះ​ឆ្នោត ឬ​ថ្ងៃក្រោយ​ការ​បោះ​ឆ្នោត​នៅ​ក្នុង​រយៈពេល​ខ្លី ។ ការងារ​នេះ យុវជន​អាច​ទទួល​បាន​កម្រៃ​ប្រចាំ​ថ្ងៃ ។

រូបតំណាង

ជាមួយ​គ្នា​នេះ យុវជន​ក៏​អាច​ត្រៀមខ្លួន ដើម្បី​ដាក់​ពាក្យ​សូម​ធ្វើការ​ជា​អ្នក​សង្កេតការណ៍​ឱ្យ​គណបក្ស​នយោបាយ ឬ​គណបក្ស​ដែល​ខ្លួន​គាំទ្រ​។ ធ្វើ​ជា​អ្នក​សង្កេតការណ៍​ឯករាជ្យ​ឱ្យ​ស្ថាប័ន​ឃ្លាំមើល​ការ​បោះ​ឆ្នោត​ណាមួយ​ក៏​បាន​ ។ តិច ឬ​ច្រើន​ការងារ​ទាំង​អស់នោះ យុវជន​អាច​ទទួល​បាន​កម្រៃ​ពលកម្ម​ប៉ុន្តែ​អ្វី​ដែល​សំខាន់​នោះ គឺ​ពួក​គេ​បាន​ចូលរួម​ចំណែក​នៅ​ក្នុង​ការ​ជួយ​សង្គម​ចូលរួម​លើ​កម្ពស់​ដំណើរការ ប្រជាធិបតេយ្យ​នៅ​កម្ពុជា​។ ជា​ពិសេស​តាម​រយៈ​ការងារ​រយៈពេល​ខ្លី​នេះ យុវជន​នឹង​ទទួល​បាន បទ​ពិសោធន៍​ថ្មី​មួយ​។ដូច្នេះ ក្រៅពី​ការ​ត្រៀមខ្លួន​ទៅ​បោះ​ឆ្នោត​ខ្លួនឯង ។ យុវជន​អាច​ចូលរួម​ធ្វើ​កិច្ច​ដូច​ខាងលើ​បាន ។ ដើម្បី​ទទួល​បានការ​ងារ​ទាំង​អស់នេះ យុវ​ជ​គួរ​ផ្តើម​តាម​ការ​ជូនដំណឹង​របស់​គណៈកម្មាធិការ​ជាតិ​រៀបចំ​ការ​បោះ​ឆ្នោត​ចាប់ពី​ពេល​តទៅ ។

រូបតំណាង

ស្ថាប័ន​ជាតិ​រៀបចំ​ការ​បោះ​ឆ្នោត​មានកម្ម​វិធី និង​ប្រតិទិន​ការងារ​ច្បាស់លាស់​នៅ​ក្នុង​ដំណើរការ​រៀបចំ​ការ​បោះ​ឆ្នោត ។ ដូច​ជា​ថា​ពី​ពេល​ណា​ទៅ​ពេល​ណា​ត្រូវ​ជ្រើសរើស​បុគ្គលិក​បម្រើ​ការងារ​ក្នុង​រយៈពេល​ខ្លី ឬ​វែង តាម​ភាព​ជាក់ស្តែង ។ ជាមួយ​គ្នា​នេះ គណបក្ស​នយោបាយ និង​សង្គម​ស៊ី​វិល​ពាក់ព័ន្ធ ការ​បោះ​ឆ្នោត​ក៏​ត្រូវ​ប្រកាស​ជ្រើសរើស​អ្នកបម្រើ​ការងារ​នៅ​ក្នុងអំឡុងពេល​បោះ​ឆ្នោត​នោះ​ដែរ​។

រូបតំណាង

គេ​បានដឹង​ថា យុវជន​ដែល​មានឈ្មោះ​នៅ​ក្នុង​បញ្ជី​បោះ​ឆ្នោត​មាន​លើស​ពី​៦០% នៅ​ក្នុង​ចំណោម​ពលរដ្ឋ​ដែល​អាច​បោះ​ឆ្នោត ។ យុវជន​ជា​សក្តានុពល​សំខាន់​នៅ​ដំណើរការ​លទ្ធិប្រជាធិបតេយ្យ​នៅ​កម្ពុជា​។ យុវជន​បាន ក្លាយជា​ចំនុច​ប្រកួតប្រជែង​របស់​គណបក្ស​នយោបាយ​ផង​ដែរ ។ អត្រា​យុវជន​ឈរឈ្មោះ​ជា​អ្នកតំណាង​រាស្ត្រ របស់​គណបក្ស​មួយ​ៗ អាច​ជា​ចំនុច​ទាក់ទាញ​អ្នកបោះឆ្នោត​មួយ​។ គណបក្ស​ណា​មាន​ចំនួន​បេក្ខជន​យុវជន ឈរឈ្មោះ​ច្រើន អាច​ជាទី​ចាប់​អារ​ម្ម​របស់​អ្នកបោះឆ្នោត ហើយ​ប្រការ​នេះ​អាច​ជា​ចំនុច ពិសេស​មួយ​សម្រាប់ គណបក្ស​នោះ​លើកយក​ទៅ​ឃោសនា​រក​សំឡេង​បោះ​ឆ្នោត​បាន​។

នៅ​កម្ពុជា​គេ​សង្កេត​ឃើញ​យុវជន​មាន​បី​ផ្នែក​ធំ​ៗ គឺ​យុវជន​គាំទ្រ​គណបក្ស​នយោបាយ យុវជន​ឯករាជ្យ និង​យុវជន​ធ្វើ​ការងារ​ឱ្យ​អង្គការ​នៅ​ក្រៅ​រដ្ឋាភិបាល​៕​ដោយ សា​រ៉ា​ន់

អត្ថបទសរសេរ ដោយ

កែសម្រួលដោយ