លោក វ៉ាត់ ចំរើនថា ខេត្តកំពង់ធំនឹងក្លាយជាគោលដៅបណ្ដុះកីឡាករឆ្នើមៗនៅពេលអនាគត
- ភ្នំពេញ
លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា បានថ្លែងថា
លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា បានថ្លែងថា
ខេត្តកំពង់ធំ ៖ លោក វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា បានថ្លែងថា វិស័យកីឡានៅក្នុងខេត្តកំពង់ធំ នឹងមានការរីកចម្រើន ហើយនឹងក្លាយជាខេត្តគោលដៅនៃការបណ្ដុះបណ្ដាលកីឡាករឱ្យមានទេពកោសល្យល្អៗ ដើម្បីចូលរួមជួយក្នុងជម្រើសជាតិប្រកួតលើឆាកអន្តរជាតិនៅពេលអនាគត។
ថ្លែងនៅក្នុងឱកាសអបអរបុណ្យទន្លេលើកទី៧ ក្រោមប្រធានបទ «ទន្លេរបស់យើង ដើម្បីបច្ចុប្បន្ន និងអនាគត» លោក វ៉ាត់ ចំរើន បញ្ជាក់ថា ប្រភេទកីឡាដែលប្រកួត និងលេងកម្សាន្តមាន៦ប្រភេទ គឺបាល់ទះឆ្នេរខ្សាច់ បាល់ទាត់ឆ្នេរខ្សាច់ ប៉េតង់ បាល់ទាត់លើតុ រត់ប្រណាំង និងប្រដាល់គុនខ្មែរ។ នៅយប់ថ្ងៃទី១០ ខែមីនា ឆ្នាំ២០២៣ ការប្រកួតកីឡាទាំងអស់ គឺត្រូវបានបញ្ចប់ជាផ្លូវការហើយ។
អគ្គលេខាធិការគណៈកម្មាធិការជាតិអូឡាំពិកកម្ពុជា បានបន្តថា កីឡាទាំង៦ប្រភេទនេះ សរុបអ្នកចូលលេងតែម្តង មានរហូតដល់ទៅជិត១០០០នាក់ទៅហើយ ដែលវាបានបង្ហាញឱ្យឃើញថា សកម្មភាពកីឡាបានផ្សាភ្ជាប់នូវភាពស្និទ្ធស្នាល និងសាមគ្គីភាពនៃភាពសុខដុមរមនាក្នុងសង្គម។ លោកថា សកម្មភាពកីឡារយៈពេល៣ថ្ងៃនេះ គឺបានជំរុញទឹកចិត្តអ្នកលេង និងអ្នកទស្សនាឱ្យសប្បាយរីករាយ និងអធិកអធមខ្លាំង។ លោក វ៉ាត់ ចំរើន បានវាយតម្លៃខ្ពស់ចំពោះហេដ្ឋាចរនាសម្ពន្ធកីឡាដែលជាស្នាដៃបង្កើតឡើងដោយលោក ងួន រតនៈ អភិបាលខេត្តកំពង់ធំ ក្នុងការរួមចំណែកអភិវឌ្ឍវិស័យកីឡាក្នុងខេត្ត និងបានជួយដល់សង្គមជាតិ ជួយដល់យុវជនផងដែរ។
លោកបានបន្តថា លោកសង្ឈឹមជឿជាក់ថា វិស័យកីឡានៅក្នុងខេត្តកំពង់ធំ នឹងមានការរីកចម្រើន ហើយនឹងក្លាយជាខេត្តគោលដៅនៃការផលិតបាននូវធនធានមានទេពកោសល្យល្អៗគ្រប់ប្រទេសកីឡា ចូលរួមជួយក្នុងជម្រើសជាតិប្រកួតលើឆាកអន្តរជាតិលើកកិត្យានុភាពជាតិលើឆាកអន្តរជាតិនៅពេលអនាគត។
សូមបញ្ជាក់ថា ព្រឹត្តិការណ៍រយៈពេល៣ថ្ងៃ ចាប់ពីថ្ងៃទី៨ រហូតដល់ថ្ងៃទី១០ ខែមីនា ឆ្នាំ២០២៣ គណៈកម្មាធិការជាតិអូឡាំពិកកម្ពុជា សហការជាមួយរដ្ឋបាលខេត្តកំពង់ធំ និងក្រសួងទេសរចណ៍បាននាំយកប្រភេទកីឡាប្រកួត និងសម្តែង៦ប្រភេទកីឡាមកបង្ហាញជូនភ្ញៀវជាតិ និងអន្តរជាតិ ក្នុងនោះមានបាល់ទះឆ្នេរខ្សាច់ បាល់ទាត់ឆ្នេរខ្សាច់ ប៉េតង់ បាល់ទាត់លើតុ រត់ប្រណាំង និងប្រដាល់គុនខ្មែរ៕
ចែករំលែកព័តមាននេះ