ADផ្ទាំងផ្សព្វផ្សាយពាណិជ្ជកម្ម

Picture

អភិបាលខេត្ត​ប៉ៃលិន ចុះ​ពិនិត្យ​រោងចក្រ​កែ​ច្នៃ​ផ្លែស្វាយ​របស់​ជនជាតិ​ចិន ​បង្ហូរទឹក​ស្អុយ​ប៉ះពាល់​ដល់​ពលរដ្ឋ​ក្នុងភូមិ​អូរ​រអិល

1 ឆ្នាំ មុន
  • ប៉ៃលិន

ខេត្ត​ប៉ៃលិន ៖ ក្រោយ​យ​ពេល​ប្រជាពលរដ្ឋ​នាំ​គ្នា​ផ្តិត​មេដៃ ដើម្បី​សុំ​ការ​ដោះស្រាយ​បន្ទាន់ រហូត​ដល់​

ខេត្ត​ប៉ៃលិន ៖ ក្រោយ​​ពេល​ប្រជាពលរដ្ឋ​នាំ​គ្នា​ផ្តិត​មេដៃ ដើម្បី​សុំ​ការ​ដោះស្រាយ​បន្ទាន់ រហូត​ដល់​វេលា​ម៉ោង​៥ល្ងាច​ថ្ងៃ​ទី​១០ ខែមីនា ឆ្នាំ​២០២៣ និង​មាន​សារព័ត៌មាន​ចុះ​ផ្សាយ​ពាក់ព័ន្ធ​នឹង​ករណី​ទឹក​ស្អុយ​ប៉ះពាល់​បរិស្ថាន ឯកឧត្តម សៅ សា​រ៉ាត់ តំណាងរាស្ត្រ​មណ្ឌល​ខេត្ត​ប៉ៃលិន លោក​បណ្ឌិត​ជំទាវ បាន ស្រី​មុំ អភិបាលខេត្ត​ប៉ៃលិន ព្រមទាំង​ក្រុម​កា​ងារ​មន្ទីរ​ជំនាញ​ជុំវិញ​ខេត្ត​មួយ​ចំនួន បាន​ចុះ​ត្រួតពិនិត្យ​រោងចក្រ​កែ​ច្នៃ​ផ្លែស្វាយ​របស់​ជនជាតិ​ចិន​មួយ​កន្លែង ស្ថិត​នៅ​ភូមិ​អូរ​រអិល ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន ដែល​ប្រជាពលរដ្ឋ​រស់នៅ​ភូមិ​អូរ​រអិល​ចំនួន​៩៩​គ្រួសារ បាន​នាំ​គ្នា​ផ្ដិត​មេដៃ​ប្ដឹង​ទៅ​ថ្នាក់ដឹកនាំ​ឲ្យ​ជួយ​រក​ដំណោះស្រាយ និង​មាន​ចំណាត់ការ​ទៅ​លើ​រោងចក្រ​កែ​ច្នៃ​ផ្លែ​ស្វាយ​ខាងលើ ដែល​បាន​បង្ហូរ​កាក​សំណល់​ជ័រ​ស្វាយ ដែល​កែ​ច្នៃ ដោយ​ហូរ​ចូល​ទៅ​ក្នុង​ប្រឡាយ​ទឹក​ខណ​:​ដែល​ប្រជាពលរដ្ឋ​ប្រើប្រាស់​រាល់ថ្ងៃ បង្ក​ឲ្យ​មាន​ផល​ប៉ះពាល់​ធ្ងន់ធ្ងរ​ដល់​ជីវភាព​ប្រជាពលរដ្ឋ ដូច​ជា​មាន​ជះ ក្លិនស្អុយ​ឈួ​ល​ឈ្លក់ បង្ក​ទៅ​ជំងឺ​រោគា​រលាក​ផ្លូវដង្ហើម ថប់ដង្ហើម ដល់​ប្រជាពលរដ្ឋ ធ្វើ​ឱ្យ​ទឹក​ប្រឡាយ​មាន​ក្លិនស្អុយ​ប្រើប្រាស់​លែង​កើត​។

តាម​ប្រភព​​ព័ត៌មាន​បន្ត​ទៀត​ថា ក្រោយ​ពេល​ចុះ​ពិនិត្យ​ដល់ទី​តាំង អាជ្ញាធរ​ជំនាញ​ឱ្យ​មន្ត្រី​ក្រោម​ឱវាទ ណែនាំ​ដល់​ម្ចាស់​ក្រុមហ៊ុន​ចិន​ខាងលើ​រៀបចំ​ធ្វើ​អាង​ស្តុក​ទឹក​ស្អុយ​បង្ហូរ​ចូល​ឱ្យ​បាន​ត្រឹមត្រូវ ដោយ​មិន​ត្រូវ​ឱ្យ​ទឹក ស្អុយ​មាន​សារធាតុ​គីមី​បែប​នេះ ហូរ​ចូល​ទៅ​ក្នុង​ប្រឡាយ ឬ​អូរ ដែល​ប្រជាពលរដ្ឋ​ប្រើប្រាស់​នោះ​ឡើយ​។ លើស​ពិ​នេះ អាជ្ញាធរ​ក៏​បាន​សុំ​ឱ្យ​ប្រជាពលរដ្ឋ​ខាងលើ ថែរក្សា​សុខភាព​ផ្ទាល់ខ្លួន ដើម្បី​ជៀសវាង កើត​ជំងឺ​ផ្សេង​ៗ​ផង​ដែរ​៕

អត្ថបទសរសេរ ដោយ

កែសម្រួលដោយ