ខ្មាន់កាំភ្លើ.ងម្នាក់ផឹកស្រវឹងសុំអ្នកលក់ថាធ្វើរឿងមួយ រួចក៏បា.ញ់១គ្រាប់ផ្អើលរោងលក់ទឹកត្នោតជូរ
- ភ្នំពេញ
រាជធានីភ្នំពេញ ៖ ខ្មាន់កាំភ្លើ.ងម្នាក់ក្នុងចំណោមគ្នា៤នាក់បានចូលទៅកន្លែងលក់ទឹកត្នោតជូរមួយ
រាជធានីភ្នំពេញ ៖ ខ្មាន់កាំភ្លើ.ងម្នាក់ក្នុងចំណោមគ្នា៤នាក់បានចូលទៅកន្លែងលក់ទឹកត្នោតជូរមួយកន្លែង ប៉ុន្តែអត់ផឹកទឹកត្នោតជូរនោះទេ បានផឹកស្រាបៀរអស់១កេស លុះពេលស្រវឹងជនម្នាក់មានកាំភ្លើ.ងបាននិយាយសុំស្ត្រីអ្នកលក់ថា«អ៊ីម្ចាស់ហាងខ្ញុំសុំ១គ្រាប់បន្ធូរកំហឹងខ្ញុំ» ។ ខណៈនោះស្ត្រីអ្នកលក់ទឹកត្នោតជូរបានឆ្លើយថា «លោកពូខ្ញុំលក់ដូរ ខ្ញុំអត់មានឲ្យលោកពូឯងបន្ធូរកំហឹង មកបា.ញ់កន្លែងខ្ញុំលក់ដូរទេ» ហើយជននោះនិយាយថា «អត់ទេខ្ញុំដឹងតែព្រលែង១គ្រាប់ហើយ» រួចក៏ដកកាំភ្លើងបា.ញ់មេឃ១គ្រាប់ បន្ទាប់មកក៏បាននាំគ្នាគេចខ្លួនបាត់អស់តែម្ដង។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោ៣រសៀលថ្ងៃទី៩ ខែមិនា ឆ្នាំ២០២៣ នៅរោងលក់ទឹកត្នោតជូរមួយកន្លែង ស្ថិតនៅតាមប្រឡាយភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ខ្មាន់កាំភ្លើ.ងខាងលើនោះពុំត្រូវបានស្គាល់អត្តសញ្ញាណនោះទេ ស្លៀកខោពណ៍ត្រេអ៊ី ពាក់អាវស៊ីវិល និងជិះម៉ូតូម៉ាកហុងដាស្កូបពី ពណ៍ខ្មៅ អត់ចាំស្លាកលេខ១គ្រឿង។
ស្ត្រីអ្នកលក់ទឹកត្នោតជូរម្នាក់បាននិយាយថា នៅមុនពេលកើតហេតុ ខណៈគាត់កំពុងលក់ដូរ ស្រាប់តែមានខ្មាន់កាំភ្លើ.ងម្នាក់រួមជាមួយគ្នីរគ្នា៣នាក់ទៀតបានជិះម៉ូតូ២គ្រឿងចូលមកកាន់រោងលក់ទឹកត្នោតជូររបស់គាត់ ។ បន្ទាប់មកអ្នកទាំង៤នាក់នេះអត់ផឹកទឹកត្នោតជូរទេ បានហៅឲ្យគាត់យកស្រាបៀរឲ្យផឹក ខណៈនោះបានអស់៤កញ្ចែងស្មើនឹង១កេស ហើយបានស្រវឹងរៀងៗខ្លួន។
ស្ត្រីរូបនោះបាននិយាយបន្តទៀតថា បន្ទាប់មកពុំដឹងថាខ្មាន់កាំភ្លើ.ងម្នាក់នោះខឹងនរណាទេ ហើយបានដើរទៅជិតគាត់រួចនិយាយថា «អ៊ីម្ចាស់ហាងខ្ញុំសុំ១គ្រាប់បន្ធូរកំហឹងខ្ញុំ» ។ ខណៈនោះគាត់បានឆ្លើយតបវិញថា«លោកពូខ្ញុំលក់ដូរ ខ្ញុំអត់មានឲ្យលោកពូឯងបន្ធូរកំហឹង មកបា.ញ់កន្លែងខ្ញុំលក់ដូរទេ» ។ ពេលនោះខ្មាន់កាំភ្លើ.ងនិយាយបន្តថា «អត់ទេខ្ញុំដឹងតែព្រលែង១គ្រាប់ហើយ »និយាយរួចក៏ដកកាំភ្លើងបា.ញ់មេឃ១គ្រាប់ ដែលជាហេតុធ្វើឲ្យគាត់មានការភ័.យខ្លាច.យ៉ាងខ្លាំងនិងបានក្រាបទៅលើដី ។ចំណែកខ្មាន់កាំភ្លើងបាញ់រួចរើសសំបកកាទូស្សគ្រាប់កាំភ្លើ.ងដែលជ្រុះលើដីដាក់ហោប៉ៅហើយនាំគូកនក៏បានជិះម៉ូតូគេចខ្លួនបាត់។
ក្រោយពេលកើតហេតុ លោកប៉ាង លីដា អភិបាលខណ្ឌពោធិ៍សែនជ័យ បានដឹកនាំកម្លាំងនគរបាលប៉ុស្តិ៍ចោមចៅទី១ រួមជាមួយកម្លាំងប្រជាការពារសង្កាត់និងភូមិ បានចុះទៅអន្តរាគមន៍ធ្វើការស្រាវជ្រាវ ដើម្បីស្វែងរកចាប់ខ្លួនក្រុមខ្មាន់កាំភ្លើ.ងខាងលើមកសាកសួរឲ្យដឹងពីសមាសភាពនិងផ្ដន្ទាទោសតាមច្បាប់ ប៉ុន្តែពុំដឹងថារកឃើញ ឬមិនឃើញឃាត់ខ្លួនបានឬមិនបាននោះឡើយ៕
ចែករំលែកព័តមាននេះ