«កីឡាមួយថៃ» ត្រូវបានដាក់បញ្ចូលក្នុងព្រឹត្តិការណ៍ European Games ឆ្នាំ២០២៣
ថៃ ៖ គណៈកម្មាធិការអូឡាំពិកទ្វីបអឺរ៉ុប ដែលហៅកាត់ថា EOC បានប្រកាសជាផ្លូវការនូវការដាក់
ថៃ ៖ គណៈកម្មាធិការអូឡាំពិកទ្វីបអឺរ៉ុប ដែលហៅកាត់ថា EOC បានប្រកាសជាផ្លូវការនូវការដាក់
ថៃ ៖ គណៈកម្មាធិការអូឡាំពិកទ្វីបអឺរ៉ុប ដែលហៅកាត់ថា EOC បានប្រកាសជាផ្លូវការនូវការដាក់បញ្ចូលកីឡាមួយថៃ (Muay Thai) ឬប្រដាល់ថៃ ទៅក្នុងវិញ្ញាសាប្រកួតសម្រាប់ព្រឹត្តិការណ៍ហ្គេមអឺរ៉ុប ឬ European Games ឆ្នាំ២០២៣ ដែលនឹងប្រព្រឹត្តទៅចាប់ពីថ្ងៃទី២១ ខែមិថុនា រហូតដល់ថ្ងៃទី០២ ខែកក្កដា ក្នុងទីក្រុងក្រាកូវ Krakow ប្រទេសប៉ូឡូញ។ នេះបើតាមការបញ្ជាក់ពីលោក Anucha Burapachaisri ដែលជាអ្នកនាំពាក្យរដ្ឋាភិបាលថៃ។
អ្នកនាំពាក្យរូបនេះ បាននិយាយថា មួយថៃ គឺជាកីឡាមួយប្រភេទក្នុងចំណោមកីឡាដែលមានការរីកចម្រើនលឿនបំផុតនៅក្នុងពិភពលោក ដែលទាក់ទងនឹងអត្តពលិក រួមបញ្ចូលគ្នាជាមួយនឹងទស្សនិកជនផងដែរ។
មួយថៃ នឹងត្រូវដាក់បញ្ចូលទៅក្នុងវិញ្ញាសាប្រកួតចំនួន៧ទម្ងន់ផ្សេងគ្នា ទាំងផ្នែកបុរសនិងនារី នៅក្នុងព្រឹត្តិការណ៍ European Games 2023 ហើយនៅក្នុងនោះ លោក Anucha បានបញ្ជាក់ថា កីឡាករ-កីឡាការិនីប្រដាល់ទាំងអស់នឹងសម្តែងក្បាច់គុនគ្រូ (Wai Khru) ដើម្បីបង្ហាញការគោរពដល់គ្រូពួកគេ មុនពេលធ្វើការប្រកួតតាមវិញ្ញាសារាល់ខ្លួន។
កីឡាមួយថៃ ដែលជាបេតិកភណ្ឌវប្បធម៌របស់ថៃ ត្រូវបានទទួលស្គាល់ដោយអង្គការកីឡាជាច្រើន ក្នុងនោះរួមទាំងគណៈកម្មាធិការអូឡាំពិកអន្តរជាតិ (IOC) ផងដែរ។ ហើយទន្ទឹមជាមួយគ្នានោះ លោក Anucha បានបន្ថែមទៀតថា ថ្មីៗនេះ មួយថៃ ក៏ត្រូវបានទទួលស្គាល់ដោយគណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិក កាលពីថ្ងៃទី១០ ខែមករា កន្លងទៅ។
គួរបញ្ជាក់ថា ព្រឹត្តិការណ៍ហ្គេមអឺរ៉ុប ឬ European Games គឺជាព្រឹត្តិការណ៍កីឡាចម្រុះទ្វីបមួយ នៅក្នុងប្រពៃណីកីឡាអូឡាំពិក ដែលធ្វើការប្រកួតប្រជែងដោយមានការចូលរួមពីអត្តពលិកមកពីបណ្តាប្រទេសនៅអឺរ៉ុប និងប្រទេសឆ្លងទ្វីបមួយចំនួន។ ព្រឹត្តិការណ៍នេះ ត្រូវបានបង្កើត ហើយនិងគ្រប់គ្រងដោយគណៈកម្មាធិការអូឡាំពិកទ្វីបអឺរ៉ុប (EOC) ដែលបានប្រកាសពីការចាប់ផ្តើមរបស់ខ្លួន នៅក្នុងមហាសន្និបាតលើកទី ៤១ នៅក្នុងទីក្រុងរ៉ូម ប្រទេសអ៊ីតាលី កាលពីថ្ងៃទី០៨ ខែធ្នូ ឆ្នាំ២០១២។
ព្រឹត្តិការណ៍នេះ បានចាប់ផ្តើមការប្រកួតលើកដំបូងនៅក្នុងឆ្នាំ២០១៥ ដែលគ្រានោះ រដ្ឋធានីបាគូ (Baku) ប្រទេសអាស៊ែបៃហ្សង់ទទួលជាម្ចាស់ផ្ទះ ហើយតាមផែនគឺត្រូវធ្វើឡើងរៀងរាល់៤ឆ្នាំម្តង ខណៈដែលនៅក្នុងឆ្នាំ២០១៩ រដ្ឋធានីមីនស្កិ៍ ប្រទេសបេឡារុសទទួលធ្វើជាម្ចាស់ផ្ទះ៕ (ដកស្រង់ចេញពីបាងកកប៉ុស្តិ៍)
ចែករំលែកព័តមាននេះ