រាជធានីភ្នំពេញ ៖ លោក រ័ត្ន ស៊ីថា ចៅក្រមស៊ើបសួរសាលាដំបូងរាជធានីភ្នំពេញ នៅរសៀលថ្ងៃទី៦ ខែមីនា ឆ្នាំ២០២៣ បានចេញដីកាសម្រេចឃុំខ្លួនជនសង្ស័យជាឃា.តករបាញ់សម្លា.ប់ប្រពន្ធ ដាក់ពន្ធនាគារមណ្ឌលអប់រំកែប្រែទី១ ជាបណ្តោះអាសន្ន ក្រោមការចោទប្រកាន់ពីបទ.ឃា.តកម្មដែលមានស្ថានទម្ងន់ទោសទាក់ទិននឹងជនរងគ្រោះ បទ.កាន់កា.ប់ ឬដឹកជញ្ជូនអាវុធដោយគ្មានការអនុញ្ញាត និងបទ.រក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀ.ន ដែលប្រព្រឹត្តនៅផ្ទះលេខ១៦៨ បុរីគួរស្រូវ៣ ផ្លូវលេខKS០៣ ស្ថិតក្នុងភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ កាលពីថ្ងៃទី២ ខែមីនា ឆ្នាំ២០២៣ តាមបញ្ញត្តិមាត្រា២០២ និងមាត្រា៤៩០ នៃក្រមព្រហ្មទណ្ឌ មាត្រា៤០ និងមាត្រា៤៥ នៃច្បាប់ស្តីពីការត្រួតពិនិត្យគ្រឿងញៀ.ន។
ជនសង្ស័យខាងលើនេះ មានឈ្មោះ យ័ន គុយហេង ភេទប្រុស អាយុ៣៣ឆ្នាំ មុខរបរគួកជេរថយន្ត ជាជនញៀ.នថ្នាំ និងធ្លាប់ជាប់ពន្ធនាគារនៅខេត្តព្រះសីហនុ១០ឆ្នាំ ពាក់ព័ន្ធករណីប្រើដំថ្មវា.យសម្លា.ប់មនុស្ស ហើយក៏ទើបនឹងចេញពីពន្ធនាគារព្រៃ.សបានជាង២ខែមុននេះ ករណីជួញដូរ និងប្រើប្រាស់គ្រឿងញៀ.ន «ជាប់ពន្ធនាគារ២ឆ្នាំ»។ ចំណែកជនរងគ្រោះឈ្មោះ ម៉ៃ សុគន្ធា ហៅ អេណា អាយុ៣៤ឆ្នាំ មុខរបរសាឡន នាងធ្លាប់មានប្ដីទី១ និងមានកូនចំនួន៤នាក់ ប៉ុន្តែបានលែងលះគ្នាជាង១ឆ្នាំមកហើយ បន្ទាប់មកក៏យកប្ដីទី២ ដោយបានរស់នៅជាមួយគ្នាបានរយៈពេលប្រមាណ១ឆ្នាំ និងមានផ្ទៃពោះ៤ខែ គិតមកដល់ថ្ងៃដែលត្រូវប្ដីបាញ់សម្លា.ប់។
ជនដៃដល់ខាងលើបានឆ្លើយសារភាពនៅចំពោះមុខសមត្ថកិច្ចថា អំពើឃា.តកម្មនោះ គឺផ្ដើមចេញពីភ្លើងប្រចណ្ឌ ដែលជនរងគ្រោះមានខ្លួនជាប្តីហើយ បែរជានៅលួចទាក់ទងជាមួយប្រុសផ្សេងទៀត។ ប៉ុន្តែនេះជាចម្លើយរវើរវាយរបស់ជនសង្ស័យតែប៉ុណ្ណោះ ជាក់ស្តែងជនសង្ស័យជាមនុស្សជោកជាំទៅដោយគ្រឿងញៀ.ន និយាយលែងដឹងខុសត្រូវទៅហើយ។ ក្រោយបាញ់សម្លា.ប់ជនរងគ្រោះរួច រូបគេក៏បានចូលខ្លួនទៅសារភាពពីទោសកំហុសនៅការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បន្ទាប់ពីរត់គេចខ្លួនបានប៉ុន្មានម៉ោងមកនោះ។ ក្រោយពេលចូលសារភាព សមត្ថកិច្ចក៏បានទៅឆែកឆេរផ្ទះជនសង្ស័យ ហើយក៏រកឃើញថ្នាំញៀ.នជាង២គីឡូក្រាម រីឯអាវុធខ្លីដែលបានយកមកប្រើប្រាស់បាញ់សម្លា.ប់ប្រពន្ធ គឺទិញមកពីព្រំដែនកម្ពុជា-ថៃ។
សូមជម្រាបថា ហេតុការណ៍បា.ញ់ប្រ.ហារនេះ បានកើតឡើងកាលពីវេលាម៉ោង៤និង៤៥ នាទីរសៀល ថ្ងៃទី២ ខែមីនា ឆ្នាំ២០២៣ នៅចំណុចផ្ទះលេ១៦៨ ផ្លូវលេខKS ០៣ បុរីពិភពថ្មីកួរស្រូវ៣ ស្ថិតនៅក្នុងភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។ បើយោងតាមបទល្មើសដូចការចោទប្រកាន់ខាងលើនេះ ជនដៃដល់ជាឃា.តករបាញ់សម្លា.ប់ប្រពន្ធដោយចិត្តអាណិតនោះ ម្តងនេះអាចនឹងជាប់ពន្ធនាគារក្បែរមួយជីវិត៕
ចែករំលែកព័តមាននេះ