អ៊ុយក្រែនហាក់ត្រូវបង្ខំចិត្តបោះបង់ចោលក្រុងបាក់មូដហើយ
សង្គ្រាមអ៊ុយក្រែន ៖ ប្រធានាធិបតីអ៊ុយក្រែន កាលពីថ្ងៃទី៥ មីនា បានសម្ដែងការគោរពដល់កង
សង្គ្រាមអ៊ុយក្រែន ៖ ប្រធានាធិបតីអ៊ុយក្រែន កាលពីថ្ងៃទី៥ មីនា បានសម្ដែងការគោរពដល់កងទាហានដ៏អង់អាចក្លាហានរបស់លោក ដែលតស៊ូប្រយុទ្ធដ៏ស្វិតស្វាញជាមួយកងទ័ពរុស្ស៊ីនៅភាគខាងកើតប្រទេស ក្នុងពេលដែលពួកគេអាចត្រូវបង្ខំចិត្តបោះបង់ចោលទីក្រុងបាក់មូដ ដែលនាពេលនេះក្លាយជាចំណុចស្នូលនៃសង្គ្រាមទាំងស្រុងមួយ ហើយកំពុងរងការគំរា.មឡោមព័ទ្ធជិត។
ក្នុងសារប្រចាំថ្ងៃលោកវ៉ូឡូឌីមៀរ ហ្សេឡេនស្គី ថ្លែងថា ខ្ញុំសូមសម្ដែងការគោរពជាពិសេស ដល់កងទាហានដ៏អង់អាចក្លាហានរបស់យើង ដែលប្រយុទ្ធនៅដុនបាស់ តំបន់ភាគខាងកើតប្រទេស។
លោកគូសបញ្ជាក់ថា ការប្រយុទ្ធនៅទីនោះចាប់តាំងពីច្រើនខែមកហើយ ពិតជាបណ្ដាលឲ្យមានការបាត់បង់ធ្ងន់ធ្ងរបំផុតទាំងសងខាង ដោយសារគ្រាប់កាំភ្លើងធំ លេណដ្ឋានពោរពេញដោយភក់ជ្រាំនិងពោរពេញដោយការលំបាកឈឹចា.ប់គ្រប់បែបយ៉ាង។
ចំណែកសេនាធិការដ្ឋានកងទ័ពអ៊ុយក្រែនអះអាងថា ការវា.យលុករបស់សត្រូវជាង១៣០លើកត្រូវបានវា.យរុញច្រាន រយៈពេល២៤ម៉ោងចុងក្រោយនេះ ក្នុងតំបន់ជាច្រើននៃខ្សែរណសិរ្សពិសេសនៅក្រុងគូពីយ៉ានស្ក៍ ក្រុងលីម៉ាន ក្រុងបាក់មូដនិងក្រុងអាហ្វឌីអ៊ីវកា។ រីឯកងកម្លាំងបំបែកខ្លួនស្និទ្ធរុស្ស៊ីបានចេញផ្សាយវីដេអូមួយ ចង់បង្ហាញយុទ្ធជនកងកម្លាំងទាហានស៊ីឈ្នួលរុស្ស៊ីក្រុមWAGNER កំពុងស្ថិតនៅជាយក្រុងខាងជើងក្រុងបាក់មូដដោយអះអាងថា ស្ថានីយរថភ្លើងSTOUPKY ភាគខាងជើងទីក្រុងនោះ ត្រូវដណ្ដើមកាន់កាប់ដោយកងទាហានក្រុមWAGNER។
ក្រុមWAGNER អះអាងកាលពីថ្ងៃទី៣មីនាថា បានឡោមព័ទ្ធទីក្រុងនោះស្ទើរជុំជិតហើយ។ ភូមិទាំងឡាយនាភាគខាងជើងនិងភាគខាងលិចក្រុងបាក់មូដ រងការវា.យប្រហារ។ អ្នកនាំពាក្យកងកម្លាំងប្រតិបត្តិការភាគខាងកើតអ៊ុយក្រែន គូសបញ្ជាក់កាលពីថ្ងៃទី៤មីនាប្រាប់CNNថា សភាពការណ៍នៅក្រុងបាក់មូដពិតជាលំបាកខ្លាំងណាស់ ។
កងទ័ពរុស្ស៊ីអាចសាកល្បងឡោមព័ន្ធកងទ័ពអ៊ុយក្រែននៅទីនោះ តែទីបញ្ជាការដ្ឋាយោធាអ៊ុយក្រែនផ្ដល់សញ្ញាថា ខ្លួនសុខចិត្តបោះបង់ចោលទីក្រុងនោះ ជាជាងជាប់ក្នុងការឡោមព័ទ្ធរបស់កងទ័ពរុស្ស៊ី៕
ចែករំលែកព័តមាននេះ