កម្លាំងសមត្ថកិច្ចការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី០២ ខែមីនា ឆ្នាំ២០២៣ វេលាម៉ោង២១និង៣០នាទីយប់ បានធ្វើការឃាត់ខ្លួនជនសង្ស័យចំនួន២នាក់ នៅចំណុចក្បែរក្លិប
រាជធានីភ្នំពេញ ៖ កម្លាំងសមត្ថកិច្ចការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ កាលពីថ្ងៃទី០២ ខែមីនា ឆ្នាំ២០២៣ វេលាម៉ោង២១និង៣០នាទីយប់ បានធ្វើការឃាត់ខ្លួនជនសង្ស័យចំនួន២នាក់ នៅចំណុចក្បែរក្លិប KTV (J) តាមផ្លូវបេតុង ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ពាក់ព័ន្ធករណីរក្សាទុក ដឹកជញ្ជូន និងចែកចាយដោយខុសច្បាប់នូវសារធាតុញៀ.ន។
ជនសង្ស័យខាងលើនេះ ម្នាក់មានឈ្មោះ ស៊ុន ហេង ហៅ ធ្មេញ ភេទប្រុស អាយុ១៨ឆ្នាំ មុខរបរបុគ្គលិកខារ៉ាអូខេ ស្នាក់នៅផ្ទះជួល ផ្លូវលំ ស្ថិតក្នុងភូមិឬស្សី សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។ និងម្នាក់ទៀតមានឈ្មោះ នី វិសាល ហៅ បែន ភេទប្រុស អាយុ១៨ឆ្នាំ មុខរបរដឹកអីវ៉ានអនឡាញ ស្នាក់នៅផ្ទះលេខ៤៦ ផ្លូវលេខ៧ ស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ។
ក្នុងនោះផងដែរ សមត្ថកិច្ចចាប់យកវត្ថុតាងរួមមាន ៖ ម៉ូតូម៉ាកហុងដាសេ ១២៥ ពណ៌ខ្មៅ ស៊េរីឆ្នាំ២០២២ មួយគ្រឿង, ពាក់ផ្លាកលេខ ភ្នំពេញ១JF៣៥៦៧,សារធាតុញៀ.នប្រភេទកញ្ចប់ម៉ាក Blue Raspberries ពណ៌ទឹកប៊ិច ចំនួន២៥កញ្ចប់, សារធាតុញៀ.នប្រភេទកញ្ចប់ម៉ាក Stawberry ពណ៌ក្រហម ចំនួន១៥កញ្ចប់ និងសារធាតុញៀ.នប្រភេទកញ្ចប់ម៉ាក Grape ពណ៌ស្វាយ ចំនួន៣៥កញ្ចប់។
បើតាមសមត្ថកិច្ចបានឲ្យដឹងថា គ្រឿងញៀ.នរាប់សិបកញ្ចប់ខាងលើនោះ ត្រូវបានជនសង្ស័យនាំយកទៅចែកចាយ និងលក់ឲ្យអ្នកប្រើប្រាស់ថ្នាំញៀ.ន ឬដើម្បីសប្បាយនៅពេលចូលក្លិប ឬKTV ។
ក្រោយពេលឃាត់ខ្លួនជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ