ADផ្ទាំងផ្សព្វផ្សាយពាណិជ្ជកម្ម

Picture

បើក​នៅ​ព្រឹត្តិការណ៍​ប្រកួត​កីឡាបាល់ទះ​ដណ្តើម​ពានរង្វាន់​ខេត្តតាកែវ លើក​ទី​២

1 ឆ្នាំ មុន
  • តាកែវ

ស្នងការដ្ឋាន​នគរបាល​ខេត្តតាកែវ បាន​រៀបចំ​ពី​ធី​បើក​នៅ​ព្រឹត្តិការណ៍​ប្រកួត​កីឡាបាល់ទះ​ដណ្តើម​ពានរង្វាន់​លោក​ឧត្តមសេនីយ៍ទោ ឈាង ផា​ន់​ណា​រ៉ា ស្នងការ​នគរបាល​ខេត្តតាកែវ លើក​ទី​២ ដែល​ក្នុង​នោះ​មាន​ក្រុម​កីឡាករ​ចូលរួម​ប្រកួត​ចំនួន​១២​ក្រុម មក​ពី​បណ្តា

ខេត្តតាកែវ ៖ នៅ​ថ្ងៃ​ទី​០៤ ខែមីនា ឆ្នាំ​២០២៣​នេះ ស្នងការដ្ឋាន​នគរបាល​ខេត្តតាកែវ បាន​រៀបចំ​ពី​ធី​បើក​នៅ​ព្រឹត្តិការណ៍​ប្រកួត​កីឡាបាល់ទះ​ដណ្តើម​ពានរង្វាន់​លោក​ឧត្តមសេនីយ៍ទោ ឈាង ផា​ន់​ណា​រ៉ា ស្នងការ​នគរបាល​ខេត្តតាកែវ លើក​ទី​២ ដែល​ក្នុង​នោះ​មាន​ក្រុម​កីឡាករ​ចូលរួម​ប្រកួត​ចំនួន​១២​ក្រុម មក​ពី​បណ្តាអធិការ​នគរបាល​ស្រុក​-​ក្រុង និង​អង្គភាព​មន្ទីរ​ជុំវិញ​ខេត្ត​ផង​ដែរ ។

លោក​ឧត្តមសេនីយ៍ទោ ឈាង ផា​ន់​ណា​រ៉ា ស្នងការ​នគរបាល​ខេត្តតាកែវ បាន​លើក​ឡើង​ថា ការ​រៀបចំ​នៅ​ព្រឹត្តិការណ៍​ប្រកួត​កីឡាបាល់ទះ​នេះ គឺ​ធ្វើ​ឡើង​ក្នុង​គោលបំណង​ចង់​ជំរុញ​ដល់​វិស័យ​កីឡា​នៅ​ក្នុង​ប្រទេស ក៏​ដូច​ជា​វិស័យ​កីឡាបាល់ទះ​នៅ​តាម​បណ្តា​ខេត្ត​អោយ​កាន់តែ​មានការ​ផុលផុស​ដល់​ស្មារតី​យុវជន​ជំនាន់​ក្រោយ រួម​គ្នា​លេង​កីឡា ដើម្បី​សុខភាព​មិត្តភាព និង​ការ​សាមគ្គីភាព និង​ចៀស​ឆ្ងាយ​ពី​គ្រឿង​ញៀ​.​ន ខណៈ​ពេល​ដែល​ប្រទេស​កម្ពុជា​យើង​កំពុង​មានការ​រីក​ចម្រើន​ខ្លាំង ក៏​ដូច​ជា​ការ​ត្រៀម​រៀបចំ​ខ្លួន​ធ្វើ​ជា​ម្ចាស់ផ្ទះ នៃ​ព្រឹត្តិការណ៍​ស៊ី​ហ្គេ​ម​លើក​ទី​៣២ និង​អាស៊ាន​ប៉ា​រ៉ា​ហ្គេ​ម​លើក​ទី​១២ នៅ​ក្នុង​ឆ្នាំ​២០២៣​នេះ​ផង​ដែរ​។

លោកស្នងការ​នគរ​បាក​ខេត្ត ក៏​បាន​ណែនាំ​ដល់​ក្រុម​កីឡាករ​ទាំងអស់​ដែល​បាន​ចូលរួម​ក្នុង​ការ​ប្រកួត​កីឡាបាល់ទះ​នេះ ត្រូវ​តែ​ព្យាយាម​យល់​ដឹង​ពី​កម្រិត​បច្ចេកទេស​នៃ​ច្បាប់​ល្បែ​.​ង​កីឡាបាល់ទះ​មួយ​នេះ​អោយ​បាន​ល្អ ដោយ​មានការ​ណែនាំ​បាន​ត្រឹមត្រូវ​ពី​ក្រុម​គ្រូបង្វឹក និង​គ្រូ​ជំនួយ ដើម្បី​ធ្វើ​យ៉ាងណា​អោយ​វិស័យ​កីឡាបាល់ទះ​របស់​យើង​នៅ​តាម​បណ្តា​ខេត្ត ស្រប​តាម​ស្តង់ដា​បច្ចេកទេស​នៃ​ការ​លេង ។

លោក​ឧត្តមសេនីយ៍ត្រី ឆឹង រតនៈ ស្នងការ​រង​ទទួល​ផែនការ​ងារ​ធនធានមនុស្ស និង​ជា​អនុប្រធាន​គណៈកម្មការ​អចិន្ត្រៃយ៍​រៀបចំ​ព្រឹត្តិការ​ប្រកួត​កីឡាបាល់ទះ បានអោយ​ដឹង​ថា នៅ​ក្នុង​ថ្ងៃ​បើក​វគ្គ​នេះ​ដែរ គឺ​កម្ម​វី​ធី​ប្រកួត​មាន​ចំនួន​៣​ក្រុម ក្នុង​នោះ គូរ​បើក​វគ្គ ក្រុមកីឡា​បាល់ទះ​អធិការ​នគរបាល​ស្រុក​បូ​រី​ជលសារ ជួប​ជាមួយ​ក្រុមកីឡា​បាល់ទះ​ហត្ថា ដោយ​លទ្ធផល​ក្រុមកីឡា​បាល់ទះ​អធិការ​នគរបាល​ស្រុក​បូ​រី​ជលសារ យកឈ្នះ​នឹង​ក្រុមកីឡា​បាល់ទះ​ហត្ថា ០៣​សិត ទល់​នឹង ០​សិត​។ ហើយ​នៅ​រសៀល​ថ្ងៃ​ដដែល មាន​២​ប្រកួត ដោយ​គូរ​ទី​១ ក្រុម​អធិការ​នគរបាល​ស្រុក​អង្គរ​បូ​រី ជួប​ជាមួយនឹង​ក្រុម​អធិការ​នគរបាល​ស្រុក​បាទី និង​គូរ​ទី​២ ក្រុមកីឡា​បាល់ទះ សស​យក ខេត្តតាកែវ ជួប​ជាមួយ ក្រុមកីឡា​បាល់ទះ​វត្ត​ក្រាំង​ធំ​។

អត្ថបទសរសេរ ដោយ

កែសម្រួលដោយ