អ្នកប្រដាល់គុនខ្មែរ ព្រំ សំណាង ផ្ដួលជើងខ្លាំងរុស្ស៊ី ត្រឹមទឹកទី១ លើសង្វៀន Thai Fight ជាថ្មី
- ភ្នំពេញ
ប្រទេសថៃ ៖ អ្នកប្រដាល់គុនខ្មែរ ព្រំ សំណាង បានសាងភាពភ្ញាក់ផ្អើលជាថ្មីទៀត ហើយដោយប្រើ
ប្រទេសថៃ ៖ អ្នកប្រដាល់គុនខ្មែរ ព្រំ សំណាង បានសាងភាពភ្ញាក់ផ្អើលជាថ្មីទៀត ហើយដោយប្រើពេលត្រឹមតែ១ទឹកប៉ុណ្ណោះក្នុងការផ្ដួលអ្នកប្រដាល់ជើងខ្លាំងរុស្ស៊ី ឱ្យសន្លប់លើសង្វៀន Thai Fight ប្រទេសថៃ កាលពីល្ងាចថ្ងៃទី២៦ ខែកុម្ភៈ ឆ្នាំ២០២៣ ។
ការបង្ហាញខ្លួនលើកទី២លើសង្វៀនប្រដាល់Thai Fight លើកនេះ ព្រំ សំណាង មិនបានធ្វើឲ្យអ្នកគាំទ្រខកបំណងឡើយ ដោយរូបគេបានព្យាយាមវាយរហូតដណ្ដើមបានជ័យជម្នះលើអ្នកប្រដាល់ជើងខ្លាំងរុស្ស៊ី Firdavszhon Naiimov ដើម្បីសម្រេចគោលដៅលើកមុខមាត់គុនខ្មែរលើឆាកអន្ដរជាតិ។
នេះជាលើកទីពីរសម្រាប់ការប្រកួតនៅលើសង្វៀន Thai Fight លក្ខណៈរុំអំបោះឆៅ របស់កីឡាករចាស់វស្សាមកពីក្លិបមហិទ្ធិរិទ្ធមេសថ្ងក រូបនេះ ។ ប្រកួតដំបូងកីឡាករដែលមានរហស្សនាមថា«តោកំណាចជង្គង់ទិព្វ»ព្រំ សំណាង បានយកឈ្នះកីឡាករ Thomas Carpenter មកពីអង់គ្លេសដោយវា.យឱ្យសន្ល.ប់ក្នុងទឹក១ នៅក្នុងការប្រកួតកាលពីថ្ងៃទី៥ ខែកុម្ភៈ ឆ្នាំ២០២៣ នាសង្វៀន Thai Fight ក្នុងកម្មវិធី King Of Thai Fight នៅប្រទេសថៃ។ ។
គួររំលឹកផងដែរថា ព្រំ សំណាង មានវ័យ ៣៨ឆ្នាំ កម្ពស់១៨៥សង់ទីម៉ែត្រ មានប្រវត្តិប្រកួតលើសង្វៀន១២១លើក ឈ្នះ១០៩លើកចាញ់១២លើក មិនដែលស្មើ ធ្លាប់ផ្តួលគូប្រកួតឱ្យសន្លប់លើសង្វៀន៧១លើក និងប្រកួតចុងក្រោយឈ្នះកីឡាករថៃ ស៊ីងនុម ដោយវាយឱ្យសន្លប់នៅទឹកទី២ ក្នុងកម្មវិធីប្រដាល់គុនខ្មែរ TVK Fighter ។ ចំណែកកីឡាកររុស្ស៊ី Firdavszhov Naiimov មានវ័យ២១ឆ្នាំ កម្ពស់ ១៧៩សង់ទីម៉ែត្រ មានប្រវត្តិប្រកួត១០០លើក ឈ្នះ៦៨លើក ចាញ់៣០លើក និងស្មើ២លើក និងមិនដែលវាយគូប្រកួតឱ្យសន្លប់នៅលើសង្វៀនឡើយ៕
ចែករំលែកព័តមាននេះ