- ភ្នំពេញ
មានមនុស្សមិនតិចទេ បានច្រណែន ឬចង់បានដូចអ្វីដែលអ្នកប្រើប្រាស់បណ្តាញសង្គមហ្វេសប៊ុកមួយចំនួនបានបង្ហោះ។ ដូចជាភាពហ៊ឺហា ភាពសប្បាយរីករាយ ភាពស្រស់ស្អាត និង
មានមនុស្សមិនតិចទេ បានច្រណែន ឬចង់បានដូចអ្វីដែលអ្នកប្រើប្រាស់បណ្តាញសង្គមហ្វេសប៊ុកមួយចំនួនបានបង្ហោះ។ ដូចជាភាពហ៊ឺហា ភាពសប្បាយរីករាយ ភាពស្រស់ស្អាត និង
មានមនុស្សមិនតិចទេ បានច្រណែន ឬចង់បានដូចអ្វីដែលអ្នកប្រើប្រាស់បណ្តាញសង្គមហ្វេសប៊ុកមួយចំនួនបានបង្ហោះ។ ដូចជាភាពហ៊ឺហា ភាពសប្បាយរីករាយ ភាពស្រស់ស្អាត និង សុភមង្គលនៅក្នុងជីវិតគូស្វាមី និងគូសង្សារជាដើម។
ប្រជាពលរដ្ឋជាច្រើនបានគិតថា អ្វីដែលគេបានបង្ហាញនៅលើបណ្តាញសង្គមជាការពិត។ ប៉ុន្តែអ្នកប្រើប្រាស់បណ្តាញសង្គមមួយចំនួន និយាយថា នៅលើបណ្តាញសង្គមប្រៀបដូចជា ឈុតឆាកមួយ ដែលគេបានសម្រិតសម្រាំងនូវអ្វីដែលគេចង់បង្ហាញ ហើយអ្វីដែលអាក្រក់ និងចំណុចខ្សោយរបស់គេ គេមិនបង្ហាញឡើយ។
អ្នកខ្លះឃើញគេបង្ហោះរូបភាពចូលហាងរាល់ថ្ងៃ ទទួលទានអាហារថ្លៃៗ ក៏នឹកឆ្ងល់នឹងចង់ធ្វើដូចគេ។ អ្នកខ្លះឃើញគេមានមានសុភមង្គល ជួបជុំក្រុមគ្រួសារ ឬមានស្នេហាល្អូកល្អឺន កៀកកើយគ្នា។ ខ្លួនក៏ច្រណែនគេ ចង់បានដូចគេ និងរហូតមានអ្នកខ្លះទៀត ដល់ថ្នាក់តូចចិត្ត ដោយសារខ្លួនមិនដូចគេ ក្នុងពេលដែលមិនបានដឹងច្បាស់ថា អ្វីដែលគេបង្ហោះនោះ ពិតឬយ៉ាងណាផង?។
អ្នកស្រី ណាវី ពលរដ្ឋម្នាក់នៅភ្នំពេញ សើចញឹមៗនៅពេលសួរថា អ្វីដែលគាត់បង្ហោះលើ បណ្តាញសង្គមនោះជាការពិតឬយ៉ាងណា?។ ស្ត្រីដែលមានកូនពីររូបនេះ និយមបង្ហោះពីភាពហ៊ឺហាររបស់គាត់នៅពេលដើរផ្សារទំនើប។ អ្នកស្រីនិយាយថា «អ្វីដែលគាត់បង្ហោះមិនពិតទាំងអស់ទេ។ គាត់មិនមានលុយដើរទិញទំនិញថ្លៃៗ ដូចរូបបានបង្ហោះនោះឡើយ»។
អ្នកស្រី ណាវី បាននិយាយថា «គាត់ចូលចិត្តដើរផ្សារនៅចុងសប្តាហ៍ប៉ុន្តែមិនមែនដើរចាយលុយទេ។ ព្រោះគ្មានលុយសម្រាប់ចាយសន្ធឹកសន្ធាប់នោះឡើយ។ រូបខ្ញុំបង្ហោះជាសម្ភារៈ ដូចជា កាបូប ខោអាវ ម៉ាកល្បីៗនោះ គ្រាន់តែខ្ញុំចូលហាងនោះ ហើយឈរជិតរបស់ទាំងនោះដើម្បីថតមកបង្ហោះហ្វេសប៊ុកតែប៉ុណ្ណោះ»។
ម៉ាណា ជាមិត្តភក្តិរបស់ ណាវី។ គាត់បាននិយាយបន្តថា ក្រុមគាត់ជាមនុស្សចូលចិត្តថតរូប ដូច្នេះឃើញអ្វីដែលប្លែក ស្អាត ក៏នាំគ្នាថត ហើយបង្ហោះនៅលើហ្វេសប៊ុក។ ម៉ាណា និយាយ ទាំងសំណើចដែរថា «មើលនៅក្នុងហ្វេសប៊ុក និងខាងក្រៅ គឺខុសគ្នាស្រឡះ។ ក្នុងហ្វេសប៊ុកពួកខ្ញុំកាលីបណាស់ តែធាតុពិតមិនដូច្នេះទេ។ អ្វីដែលមិនស្អាត យើងមិនបង្ហោះទេ រាប់ទាំងរូបមនុស្សផង។ បើថតទៅឃើញធាត់ ឃើញខ្មៅ ក៏មិនបង្ហោះដែរ»។
នៅលើបណ្តាញសង្គម ភាគច្រើនគេបង្ហាញតែភាពស្រស់ស្អាត ភាពជាវិជ្ជមាន ដែលមិនឆ្លុះ
បញ្ចាំងពីជីវិតពិតរបស់គេនោះទេ។ នៅពីក្រោយភាពហ៊ឺហា និងការសប្បាយ ភាពស៊ីវីល័យ ទាំងនោះ វាអាចខុសពីគ្នាទាំងស្រុងពីជីវិតពិត។ ម៉ាណា បញ្ជាក់បន្ថែម។
នៅលើបណ្តាញសង្គមគេសង្កេតឃើញមានបញ្ហាចម្រុះទាំងរឿងនយោបាយ សង្គម និងជីវិតឯកជន។ ហ្វេសប៊ុក បានក្លាយជាមធ្យោបាយសំខាន់នៅក្នុងការចែករំលែកព័ត៌មាន ចេះដឹងនៅគ្រប់ពេលវេលា។ គ្រាន់តែថា នៅពេលគេផ្សាយរឿងដើរលេង រឿងដើរចាយលុយ ហ៊ឺហា បានទាក់ទាញអ្នកចូលមើលច្រើនជាង ការផុសពីសារអប់រំ ។
បណ្តាញផ្សព្វផ្សាយ ទោះផ្លូវការ ឬមិនផ្លូវការក្តី វាមានឥទ្ធិពលដល់សង្គម។ បើការផ្សព្វផ្សាយនោះមានការអប់រំ មានប្រយោជន៍ វានឹងធ្វើឱ្យសង្គមទទួលបានផល ទទួលបានប្រយោជន៍។ តែបើផ្សព្វផ្សាយអ្វីដែលមិនល្អ នឹងធ្វើឱ្យសង្គមទទួលបានផលជាអវិជ្ជមាន។
ដូច្នេះពលរដ្ឋអ្នកប្រើប្រាស់បណ្តាញសង្គម គួរចេះបែងចែកព័ត៌មានមានប្រយោជន៍ និងព័ត៌មានមិនមានប្រយោជន៍។ បើម្នាក់ៗនាំគ្នាតាមដានតែរឿងបុគ្គលថា គេដើរលេងនៅឯណា គេជិះឡានអ្វី ចូលផ្សារណានោះ ការប្រើប្រាស់បណ្តាញសង្គមនឹងមិនមានប្រយោជន៍សម្រាប់ការរីកចម្រើនរបស់ខ្លួន និងសង្គមឡើយ។ ផ្ទុះទៅវិញ អាចនាំឱ្យយើងខាតពេលវេលា ឬបាក់ទឹកចិត្ត ដោយសារការប្រៀបធៀបខ្លួនយើងទៅខ្លួនគេតែប៉ុណ្ណោះ៕ ដោយ សារ៉ាន់
ចែករំលែកព័តមាននេះ