លោកពូទីន ចោទអូតង់ថាចូលរួមក្នុងសង្គ្រាមអ៊ុយក្រែន
សង្គ្រាមអ៊ុយក្រែន ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន កាលពីថ្ងៃទី២៦ កុម្ភៈបា នចោទអូតង់
សង្គ្រាមអ៊ុយក្រែន ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន កាលពីថ្ងៃទី២៦ កុម្ភៈបា នចោទអូតង់ថា ជាអ្នកចូលរួមក្នុងជម្លោះអ៊ុយក្រែន ដោយផ្ដល់អាវុ.ធសព្វបែបយ៉ាងដល់កងទ័ពក្រុងគៀវ ខណៈការវាយលុករបស់រុស្ស៊ីចូលប្រទេសនោះបានឈានចូលឆ្នាំទី២ហើយ។
ក្នុងបទសម្ភាសន៍មួយជាមួយទូរទស្សន៍រុស្ស៊ី ROSSIYA-1ផ្សាយនាថ្ងៃទី២៦ កុម្ភៈ លោកពូទីន ថ្លែងថា បណ្ដាប្រទេសអូតង់បានបញ្ជូនអាវុ.ធមានទឹកប្រាក់ច្រើនពាន់លានដុល្លារឲ្យដល់អ៊ុយក្រែន ដែលនោះពិតជាការចូលរួមរបស់ពួកគេក្នុងជម្លោះនេះ។ បែបនេះមានន័យថាជាការចូលរួម ក៏ទោះបីដោយប្រយោលក្នុងឧក្រិ.ដ្ឋកម្មរបស់របបក្រុងគៀវ។ លោកបន្តថាបណ្ដាប្រទេសលោកខាងលិចមិនត្រឹមមានគោលបំណង កម្ទេចអតីតសហភាពសូវៀតតែមួយមុខទេ តែគោលបំណងសំខាន់បំផុតគឺកម្ទេចសហព័ន្ធរុស្ស៊ីតែម្ដង។
ចំណែកប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី វិញ បានសន្យាជាថ្មីម្ដងទៀតកាលពីថ្ងៃទី២៦ កុម្ភៈថា ប្រទេសលោកនឹងវាយដណ្ដើមយកតំបន់គ្រីមេមកវិញ។ នោះជាឆន្ទៈដែលអាចធ្វើឲ្យជម្លោះកាន់តែក្ដៅថែមទៀត៕
ចែករំលែកព័តមាននេះ