មហោស្រពគប់ដុំថ្មដាក់គ្នា របួសជាង450នាក់
សារព័ត៌មានក្នុងស្រុករាយការណ៍ថា មនុស្សជាង៤៥០នាក់រងរបួសកាលពីថ្ងៃទី
ប្រទេសឥណ្ឌា ៖ សារព័ត៌មានក្នុងស្រុករាយការណ៍ថា មនុស្សជាង៤៥០នាក់រងរបួសកាលពីថ្ងៃទី២២ សីហា ក្នុងនោះមួយចំនួនរបួសធ្ងន់ក្នុងឱកាសនៃមហោស្រពជាប្រពៃណីគប់ដុំថ្មនៅរដ្ឋ MADHYA PRADESH ភាគកណ្តាលឥណ្ឌា ។
មហោស្រពនេះនៅឥណ្ឌាហៅថា GOTMAR ជាពិធីបែបសាសនាប្រចាំឆ្នាំមួយ ។ យោងតាមសារព័ត៌មានថា ប៉ូលិសបង្ខំចិត្តប្រើឧស្ម័នបង្ហូរទឹកភ្នែក ដើម្បីបំបែកពួកមនុស្សដែលកាន់តែពុះកញ្ជ្រោលគប់ដុំថ្មដាក់គ្នាក្នុងមហោស្រព ដែលមានទាំងគប់ដុំថ្មដាក់រថយន្តប៉ូលិស និងរថយន្តសង្គ្រោះទៀតផង ។
ឧប្បត្តិហេតុនេះកើតមាននៅស្រុក CHHINDWARA ចម្ងាយ២៦៣គីឡូម៉ែត្រ ភាគនិរតីក្រុង BHOPAL រដ្ឋធានីនៃរដ្ឋ MADHYA PRADESH ។
ក្នុងមហោស្រពប្រជាជននៃសហគមន៍ SAWARGAON និងសហគមន៍ PANDHURNA បានគប់ដុំថ្មដាក់គ្នា នៅច្រាំងទាំង២នៃស្ទឹង JAAM ។ ពួកគេបន្ទាប់មកលើកគ្នាសម្រុកទៅដណ្តើមទង់មួយដែលដោតលើចុងឈើមួយដើមកណ្តាលស្ទឹង ដែលនេះជាចំណុចសំខាន់មួយនៃបណ្តាសកម្មភាពបុណ្យ ។ មនុស្សជាង៤៥០នាក់រងរបួសដោយសារការគប់ដុំថ្ម ៕
ចែករំលែកព័តមាននេះ