រដ្ឋមន្ត្រីក្រសួងព័ត៌មានស្នើប្រព័ន្ធផ្សព្វផ្សាយទាំងអស់ឲ្យឈប់ផ្សាយ…
រាជធានីភ្នំពេញ ៖ រដ្ឋមន្ត្រីក្រសួងព័ត៌មានលោក ខៀវ កាញារិទ្ធ បានអះអាងថា
រាជធានីភ្នំពេញ ៖ រដ្ឋមន្ត្រីក្រសួងព័ត៌មានលោក ខៀវ កាញារិទ្ធ បានអះអាងថា
រាជធានីភ្នំពេញ ៖ រដ្ឋមន្ត្រីក្រសួងព័ត៌មានលោក ខៀវ កាញារិទ្ធ បានអះអាងថា ក្រសួងកត់សម្គាល់ឃើញថាមានម្ចាស់ប្រព័ន្ធផ្សព្វផ្សាយមួយចំនួនបន្តធ្វើការផ្សព្វផ្សាយស្ប៉តពាណិជ្ជកម្មផលិតផលពាក់ព័ន្ធវិស័យសុខាភិបាល ដោយគ្មានការអនុញ្ញាតិពីក្រសួងសុខាភិបាល ក៏ដូចជាការផ្សព្វផ្សាយពាណិជ្ជកម្មថ្នាំសម្លាប់សត្វល្អិតគ្មានការអនុញ្ញាតពីក្រសួងកសិកម្មជាដដែលៗ ទោះបីមានការណែនាំពីក្រសួងព័ត៌មានជាច្រើនលើកច្រើនសារក៏ដោយ។
លោករដ្ឋមន្ត្រីបានសង្កត់ធ្ងន់ថា៖ «ការផ្សព្វផ្សាយបែបនេះ ជាទង្វើល្មើសច្បាប់ និងធ្វើឲ្យខាតបង់ថវិការបស់ប្រជាពលរដ្ឋ ហើយប៉ះពាល់ដល់សុខភាព និងអាចបណ្តាលឲ្យបាត់បង់ជីវិរបស់ប្រជាពលរដ្ឋដែលប្រើប្រាស់ផលិតផល និងសេវាទាំងនោះពុំបានត្រឹមត្រូវតាមក្បួនខ្នាតវេជ្ជសាស្ត្រ»។ នេះបើយោងតាមលិខិតមួយច្បាប់ ចុះថ្ងៃទី២១ សីហា ដែលលោករដ្ឋមន្ត្រីក្រសួងព័ត៌មានជម្រាបទៅម្ចាស់ស្ថានីយវិទ្យុ ទូរទស្សន៍ និងគ្រប់ប្រព័ន្ធផ្សព្វផ្សាយទាំងអស់។ យ៉ាងណាមិញក្រសួងក៏កត់សម្គាល់ឃើញថា ម្ចាស់ប្រព័ន្ធផ្សព្វផ្សាយមួយចំនួនក៏បានយកចិត្តទុកដាក់អនុវត្តតាមការណែនាំរបស់ក្រសួងផងដែរ។
ដើម្បីជៀសវាងការប្រព្រឹត្តិកំហុសឆ្គង និងការប្រព្រឹត្តល្មើសច្បាប់ ក្រសួងបានស្នើ និងក្រើនរម្លឹកជាលើកចុងក្រោយ ឲ្យម្ចាស់ប្រព័ន្ធផ្សព្វផ្សាយទាំងអស់ផ្សាយស្ប៉តពាណិជ្ជកម្មណាដែលមានច្បាប់អនុញ្ញាតិពីក្រសួងសុខាភិបាលសម្រាប់ផលិតផលសុខាភិបាល និងផ្សាយស្ប៉តមានច្បាប់ពីក្រសួងកសិកម្មសម្រាប់ផលិតផលថ្នាំសម្លាប់សត្វល្អិត៕
ចែករំលែកព័តមាននេះ