ស្មានមិនដល់! ទឹកក្តៅឧណ្ណៗមានប្រយោជន៍ច្រើនយ៉ាងនេះចំពោះសុខភាព
ទម្លាប់ក្នុងការទទួលទានកាហ្វេមួយពែង ឬទឹកមួយពែងក្រោយពេលភ្ញាក់ពីគេង គឺជាទម្លាប់ទូទៅមួយសម្រាប់មនុស្សជាច្រើន ។ តើអ្នកដឹងទេថា
ទម្លាប់ក្នុងការទទួលទានកាហ្វេមួយពែង ឬទឹកមួយពែងក្រោយពេលភ្ញាក់ពីគេង គឺជាទម្លាប់ទូទៅមួយសម្រាប់មនុស្សជាច្រើន ។ តើអ្នកដឹងទេថា ដើម្បីទទួលបានអត្ថប្រយោជន៍អតិបរមានៃការទទួលទានអង្គធាតុរាវនៅពេលព្រឹក គឺការទទួលទានទឹកមួយពែង ? ការសិក្សាជាច្រើនបានបង្ហាញថា ការទទួលទានទឹកក្តៅឧណ្ណៗនៅពេលពោះទទេ ផ្តល់អត្ថប្រយោជន៍ជាច្រើនដល់សុខភាពរបស់អ្នក ។
ការទទួលទានទឹកក្តៅ ឧណ្ណៗនៅពេលព្រឹកជួយឱ្យអ្នកចាប់ផ្តើមថ្ងៃរបស់អ្នកប្រកបដោយប្រសិទ្ធភាព ។ យើងដឹងហើយថារាងកាយរបស់យើងប្រហែលជា៧០% បង្កើតឡើងដោយសារទឹក ហើយធាតុរាវនេះគឺជាផ្នែកមួយដ៏សំខាន់នៃជីវិតប្រចាំថ្ងៃរបស់យើង ។
ការព្យាបាលដោយខ្លួនឯងនៅតាមផ្ទះជាច្រើនសង្កត់ធ្ងន់ទៅលើអត្ថប្រយោជន៍នៃការទទួលទានទឹកក្តៅនៅពេលព្រឹក ។ នៅក្នុងអត្ថបទនេះរៀបរាប់អំពីហេតុផល សំខាន់ៗមួយចំនួនដែលអ្នកត្រូវទទួលទានទឹកក្តៅ និងតើការទទួលទានទឹកក្តៅ និងទឹកត្រជាក់ មួយណាផ្តល់ផលល្អចំពោះសុខភាពច្រើនជាង ។
អត្ថប្រយោជន៍នៃទឹកក្តៅ៖
១-ជួយបន្ថយការឈឺចាប់
ការទទួលទានទឹកក្តៅ ឧណ្ណៗអាចជួយកាត់បន្ថយការហើមនៅក្នុងបំពង់ក និងជួយក្នុងការបន្ថយការឈឺចាប់បណ្ណោះអាសន្ន ។ វាល្អបំផុតសម្រាប់បញ្ហារលាក និងស្ងួតបំពង់ក ។
២-ពង្រឹងចលនាពោះវៀន
ការទទួលទានទឹកក្តៅមួយកែវនៅពេលពោះទទេ គឺជាវិធីល្អមួយដើម្បីរំញោចចលនារបស់ពោះវៀនធំឲ្យមានដំណើការកាន់តែប្រសើរ ។ លើសពីនេះវាក៏ជួយពង្រឹងរាងកាយក្នុងការស្រូបយកសារជាតិចិញ្ចឹមពីអាហារផងដែរ ។
៣-ពង្រឹងលំហូរឈាម
ទទួលទានទឹកក្តៅ ឧណ្ណៗជួយពង្រឹងលំហូរឈាម ។ ការសិក្សាជាច្រើនបានបង្ហាញថានៅពេលដែលរាងកាយប៉ះពាល់ទៅនឹងសីតុណ្ហភាពខ្ពស់ លំហូរកោសិកាឈាមមានការកើនឡើងយ៉ាងខ្លាំង ។
៤-ជួយសម្រកទម្ងន់
ការទទួលទានទឹកក្តៅ ឧណ្ណៗល្អបំផុតក្នុងដំណើរការនៃការសម្រកទម្ងន់ ។ ការទទួលទានទឹកក្តៅ ឧណ្ណៗជួយជំរុញការថយចុះនៃចំណង់អាហារ ទម្ងន់ និងសន្ទស្សន៍នៃទម្ងន់រាងកាយ ។
មូលហេតុនៃការទទួលទានទឹកត្រជាក់មិនល្អចំពោះរាងកាយ៖
១-កាត់បន្ថយជាតិទឹក
ការទទួលទានទឹកត្រជាក់ធ្វើឱ្យសរសៃឈាមរួមតូច ហើយមូលហេតុនេះនឹងនាំឱ្យមានការបាត់បង់ជាតិទឹកក្នុងរាងកាយ ។ ចំណែកការទទួលទានទឹកមិនគ្រប់គ្រាន់អាចបណ្តាលឱ្យមានបញ្ហាជាច្រើនដល់សុខភាព ។
២-ប៉ះពាល់ដល់ការរំលាយអាហារ
ការទទួលទានទឹកត្រជាក់ធ្វើឱ្យរាងកាយពិបាកក្នុងការរំលាយអាហារ ។ មូលហេតុចម្បងគឺទឹកត្រជាក់បង្កជាតិខ្លាញ់នៅក្នុងចរន្តឈាម ។
៣-បង្កើតស្លេស្មកាន់តែច្រើន
ទឹកត្រជាក់នឹងបង្កើតជាតិស្លេស្មកាន់តែច្រើននៅក្នុងប្រព័ន្ធដង្ហើម ។ វានឹងនាំឲ្យមានបញ្ហាតឹងច្រមុះ និងបង្កើនហានិភ័យនៃការឆ្លងមេរោគក្នុងបំពង់ក ។ ហេតុដូច្នេះហើយ ចំណុចទាំងនោះបង្ហាញថាអ្នកគួរទទួលទានទឹកក្តៅ ហើយចៀសវាងការទទួលទានទឹកត្រជាក់ប្រចាំថ្ងៃ ៕
ចែករំលែកព័តមាននេះ