សម្តេចតេជោ សាទរក្រុមបាល់ទះកម្ពុជាយកឈ្នះលើក្រុមភ្ញៀវបារាំង
- ភ្នំពេញ
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅយប់ថ្ងៃទី២២ ខែកុម្ភៈ ឆ្នាំ
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅយប់ថ្ងៃទី២២ ខែកុម្ភៈ ឆ្នាំ២០២៣ បានអបអរសាទរ និងកោតសរសើរដល់ក្រុមកីឡាករកម្ពុជា ដែលបានទទួលជ័យជម្នះក្នុងការប្រកួតកីឡាបាល់ទះមិត្តភាពអន្តរជាតិកម្ពុជា-បារាំង។
ក្រោយចប់ការប្រកួតភ្លាម សម្តេចតេជោ ហ៊ុន សែន បានបង្ហោះសារនៅលើទំព័រហ្វេសប៊ុកផ្លូវការរបស់សម្តេច ដែលមានខ្លឹមសារថា៖«តាសូមអបអរសាទរនិងកោតសរសើរចៅៗដែលទទួលបានជ័យជំនះក្នុងការប្រកួតកីឡាបាល់ទះមិត្តភាពអន្តរជាតិកម្ពុជា-បារាំង(យុវជនអាយុក្រោម១៩ឆ្នាំ) ដែលទើបបានប្រកួតចប់នៅវិមានពហុកីឡដ្ឋានជាតិអូឡាំពិកមុននេះបន្តិច ។ តាជូនពរចៅៗទទួលបានជោគជ័យក្នុងការប្រកួតនៅពេលក្រោយជាបន្តទៀត»។
ការប្រកួតដែលចាប់ផ្តើមពីម៉ោង៦និង៣០នាទីល្ងាចថ្ងៃទី២២ ខែកុម្ភៈ ក្រុមកម្ពុជាបានយកឈ្នះក្រុមបារាំងដោយលទ្ធផល៣សិតទល់១សិត ខណៈកាលពីជើងទី១កន្លងទៅ បារាំងបានយកឈ្នះកម្ពុជា៣សិតទល់០ ។ ជំនួបដ៏ទាក់ទាញនេះ ក្រុមបាល់ទះជម្រើសជាតិកម្ពុជា ធ្វើបានយ៉ាងល្អដោយបានយកឈ្នះ២សិតផ្ទួនៗ ជាមួយពិន្ទុ ២៥-២០ និង ២៥-២១ មុនក្រុមភ្ញៀវ U19 បារាំង វាយបកឈ្នះវិញ ២១-២៥ពិន្ទុ ។ ប៉ុន្ដែចូលសិតទី៤ បានក្លាយជាសិតកាត់សេចក្ដី បន្ទាប់ពីកម្ពុជាបានយកឈ្នះក្នុងពិន្ទុ ២៥-១៩ ដើម្បីធានាជ័យជម្នះរបស់ខ្លួន ៣-១សិតតែម្ដង ។
ជាមួយនឹងការសងសឹកបានសម្រេចវិញនេះដែរ បានធ្វើឲ្យអ្នកគាំទ្រមានការភ្ញាក់ផ្អើល និង
រីករាយជាខ្លាំងចំពោះក្រុមបាល់ទះជម្រើសជាតិកម្ពុជាដែលអាចយកឈ្នះក្រុមខ្លាំងបារាំង ដ្បិត
ជំនួបមិត្តភាពអន្ដរជាតិ លើកទី១ កាលពីថ្ងៃទី១៩ ខែកុម្ភៈ កន្លងទៅ គឺកម្ពុជា បានចាញ់
ក្រុមបារាំង ក្នុងលទ្ធផល ៣សិតទល់នឹង០សិត ។
សូមបញ្ជាក់ថា ការប្រកួតនេះបានធ្វើឡើងក្រោមវត្តមានឯកឧត្តមនាយឧត្តមសេនីយ៍សន្ដិ
បណ្ឌិត នេត សាវឿន អគ្គស្នងការនគរបាលជាតិ និងជាប្រធានសហព័ន្ធកីឡាបាល់ទះកម្ពុជាដោយ
មានការចូលរួមពីលោក Jacques Pellet ឯកអគ្គរដ្ឋទូតបារាំងប្រចាំកម្ពុជា ។ អ្វីដែលពិសេស
ជាងនេះទៅទៀតនោះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក៏បានចាប់អារម្មណ៍
ជំនួបមិត្តភាពអន្ដរជាតិនេះ និងបានកោតសរសើរពីសមត្ថភាពរបស់កីឡាករកម្ពុជាទៀតផង ៕
ចែករំលែកព័តមាននេះ