រាជធានីភ្នំពេញ ៖ ករណីផ្តាសាយបក្សីនៅតែបន្តកើតឡើងជារឿយៗ នៅក្នុងប្រទេសកម្ពុជាយើងហើយបានសម្លា.ប់មនុស្សថែមទៀត។ ជំងឺផ្តាសាយបក្សីកើតឡើងលើមាន់ទា ហើយបានឆ្លងមកមនុស្ស។ ដូច្នេះក្នុងពេលជំងឺនេះបានស្ងប់ស្ងាត់យូរឆ្នាំមកហើយ គឺយើងមិនត្រូវភ្លេច និងធ្វេសប្រហែសឡើយ។ ពោល…
រាជធានីភ្នំពេញ ៖ ករណីផ្តាសាយបក្សីនៅតែបន្តកើតឡើងជារឿយៗ នៅក្នុងប្រទេសកម្ពុជាយើងហើយបានសម្លា.ប់មនុស្សថែមទៀត។ ជំងឺផ្តាសាយបក្សីកើតឡើងលើមាន់ទា ហើយបានឆ្លងមកមនុស្ស។ ដូច្នេះក្នុងពេលជំងឺនេះបានស្ងប់ស្ងាត់យូរឆ្នាំមកហើយ គឺយើងមិនត្រូវភ្លេច និងធ្វេសប្រហែសឡើយ។ ពោល គឺយើងម្នាក់ៗត្រូវបន្តវិធានការការពារកុំឱ្យឆ្លងជំងឺផ្តាសាយបក្សីតាមរយៈអនាម័យស្អាតជានិច្ច កុំប៉ះពាល់បក្សី មាន់ទាឈឺ ឬងា.ប់ ហើយការចម្អិតសត្វបក្សី មាន់ទា ក៏ត្រូវតែឆ្អិនល្អផងដែរ។
នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល បានប្រកាសកាលពីយប់ថ្ងៃទី២២ ខែកុម្ភៈ ឆ្នាំ២០២៣ ពីការរកឃើញករណីជំងឺផ្តាសាយបក្សី H5N1 លើកុមារីម្នាក់ អាយុ១១ឆ្នាំ ៦ខែ រស់នៅភូមិរលាំង ឃុំរំលេច ស្រុកស៊ីធរកណ្តាល ខេត្តព្រៃវែង។ កុមារីរងគ្រោះចាប់ផ្តើមឈឺ នៅថ្ងៃទី១៦ ខែកុម្ភៈ ឆ្នាំ២០២៣ ដោយមានរោគសញ្ញាគ្រុនក្តៅ ៣៩អង្សាសេ ព្រមទាំងមានក្អក ឈឺក។
ក្រោយព្យាបាលនៅមូលដ្ឋានមិនធូរស្រាល ដោយកុមារីចាប់ផ្តើមហត់ ក៏បញ្ជូនទៅព្យាបាលនៅមន្ទីរពេទ្យកុមារជាតិនៅភ្នំពេញ។ នៅថ្ងៃទី២១ ខែកុម្ភៈ ឆ្នាំ២០២៣ គ្រូពេទ្យព្យាបាលបានយកវត្ថុសំណាកផ្ញើមកវិទ្យាស្ថានជាតិសុខភាពសាធារណ: រួចទទួលលទ្ធផលនៅថ្ងៃទី២២ ខែកុម្ភ: ឆ្នាំ២០២៣ បញ្ជាក់ថា នាងមានវិជ្ជមានមេរោគផ្តាសាយបក្សី H5N1។ ចំណែកកុមារីរងគ្រោះបានបាត់បង់ជីវិតហើយ និងត្រូវបានយកទៅធ្វើពិធីបុណ្យស.ពតាមប្រពៃណីនៅក្នុងភូមិខាងលើ។
ចំពោះករណីផ្ទុះជំងឺផ្តាសាយបក្សីស្ងាត់ៗហើយបានសម្លា.ប់កុមារីរងគ្រោះ ដូច្នេះត្រូវបាននាយកដ្ឋានប្រយុទ្ធនឹងជំងឺឆ្លងរបស់ក្រសួងសុខាភិបាលបានប្រកាសអំពាវនាវ សូមបងប្អូនកុំប៉ះពាល់សត្វឈឺ ឬងា.ប់ ទាំងសត្វបក្សីស្រុក និងបក្សីព្រៃ។ អ្នកសង្ស័យសូមពិគ្រោះជំងឺជាមួយគ្រូពេទ្យ ឬរាយការណ៍ទៅលេខ១១៥។
សូមរម្លឹកថា ជំងឺផ្តាសាយបក្សី H5N1 បានកើតមាន នៅក្នុងប្រទេសកម្ពុជា ចាប់តាំងពីឆ្នាំ២០០៣។ រហូតដល់ខែកុម្ភៈ ឆ្នាំ២០២៣ នេះ យ៉ាងហោចណាស់ ជំងឺផ្តាសាយបក្សីនៅកម្ពុជា បានសម្លា.ប់មនុស្ស ចំនួន ៣៨នាក់។ឯកសារវេជ្ជសាស្ត្រ បង្ហាញថា ជំងឺគ្រុនផ្ដាសាយបក្សីអាចឆ្លងពីសត្វបក្សីមកមនុស្សតាមរយៈការប៉ះពាល់សត្វបក្សីឈឺ ឬងា.ប់ការប៉ះពាល់សារជាតិទឹកដែលចេញពីខ្លួនអ្នកជំងឺ ឬគ្រែដេករបស់អ្នកជំងឺ និងដោយសារតែការទទួលទានសាច់បក្សីឈឺ ឬក៏ការចម្អិនសាច់បក្សី មាន់ទា មិនបានឆ្អិនល្អជាដើម។
ចំពោះរោគសញ្ញាជំងឺគ្រុនផ្ដាសាយបក្សី ក៏ត្រូវបានឯកសារវេជ្ជសាស្ត្រ លើកបង្ហាញថា អ្នកជំងឺមានកម្ដៅខ្ពស់ខ្លាំងឈឺសាច់ដុំឈឺក្បាល ក្អក ឬដង្ហើមខ្លី រាករូស ឈឺពោះ ឈឺទ្រូង ឈា.មច្រមុះ ឬឈា.មអញ្ចាញធ្មេញ និងភ្នែកក្រហម។សម្រាប់វិធីព្យាបាល ត្រូវបានអ្នកជំនាញណែនាំឱ្យអ្នកជំងឺសម្រាកនៅមន្ទីរពេទ្យ ទទួលការព្យាបាលពីវេជ្ជបណ្ឌិត ឬក៏សម្រាកនៅផ្ទះ ដោយនៅដាច់ដោយឡែកពីអ្នកដទៃ និងទទួលទានថ្នាំសម្លា.ប់មេរោគ ដូចជា oseltamivir (Tamiflu) ឬ Zanamivir (Relenza) តាមវេជ្ជបញ្ជា។
វិធីបង្ការជំងឺគ្រុនផ្ដាសាយបក្សី ក៏ត្រូវបានអ្នកជំនាញណែនាំថា យើងត្រូវលាងសម្អាតដៃឱ្យស្អាតជាមួយទឹកស្អាត ឬទឹកក្ដៅឧណ្ណៗជាមួយសាប៊ូ ឬអាល់កុលជែលជាពិសេសនៅពេលប៉ះពាល់បក្សីរួច។យើងអាចប្រើឧបករណ៍ចានស្លាបព្រាផ្សេងគ្នាសម្រាប់សាច់ឆៅ និងសាច់ឆ្អិន ហើយត្រូវចម្អិនអាហារ ពិសេសសាច់បក្សី មាន់ទា ឱ្យបានឆ្អិនល្អ និងត្រូវជៀសវាងការប៉ះបក្សីរស់ ហើយកុំប៉ះបក្សីឈឺ កុំដើរចូលទីផ្សារ ឬកសិដ្ឋានចិញ្ចឹមបក្សី កុំនាំបក្សីពីស្រុកផ្សេង ចូលក្នុងស្រុករបស់ខ្លួន កុំញ៉ាំសាច់បក្សី ដែលចម្អិន មិនឆ្អិនល្អ ព្រមទាំងកុំញ៉ាំស៊ុតឆៅជាដើម។
ជាសរុបមក ទោះបីជាយូរៗម្តងយើងលឺដំណឹងពីការឆ្លងរាលដាលជំងឺផ្តាសាយបក្សី ដែលបានផ្ទុះការឆ្លងរាតត្បាតលើមាន់ទា និងសត្វបក្សី នៅកម្ពុជា ហើយឈានដល់ឆ្លងមកមនុស្ស និងបានសម្លា.ប់មនុស្សថែមទៀតនោះគឺយើងម្នាក់ៗ ត្រូវតែប្រកាន់ខ្ជាប់នូវវិធានការការពារ និងត្រូវរស់នៅមានអនាម័យជាប់ជាប្រចាំ។ សំខាន់ៗបំផុតកុំប៉ះពាល់សត្វបក្សី ពិសេសមាន់ទាបក្សីឈឺ ឬងា.ប់។ បើយកបក្សី មាន់ទា មកធ្វើម្ហូបអាហារ គឺត្រូវតែច្បាស់ថា បានចម្អិតវា ឆ្អិនល្អ។ សូមបន្តការពារ ប្រសើរជាងព្យាបាល ព្រោះថា ជំងឺនេះ អាចឆ្លង និងសម្លា.ប់យើងបានគ្រប់ពេល៕
ចែករំលែកព័តមាននេះ