ផ្ទុះចង្ក្រានហ្គាសរងរបួសធ្ងន់បុរសម្នាក់ ខណៈកំពុងចម្អិនម្ហូប
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ ក្នុងហេតុការណ៍ផ្ទុះកំប៉ុងហ្គាស បានកើតឡើងនៅវេលាម៉ោង៥ និង២០នាទីល្ងាច ថ្ងៃទី១៨ ខែសីហា
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ ក្នុងហេតុការណ៍ផ្ទុះកំប៉ុងហ្គាស បានកើតឡើងនៅវេលាម៉ោង៥ និង២០នាទីល្ងាច ថ្ងៃទី១៨ ខែសីហា
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ ក្នុងហេតុការណ៍ផ្ទុះកំប៉ុងហ្គាស បានកើតឡើងនៅវេលាម៉ោង៥ និង២០នាទីល្ងាច ថ្ងៃទី១៨ ខែសីហា ឆ្នាំ២០១៧នេះ នៅភូមិកែវឡាត ឃុំពន្លៃ ស្រុកបរិបូរណ៍ ខណៈដែលបុរសរូបនោះប្រើចង្ក្រានហ្គាសចម្អិនម្ហូបពេលល្ងាច។ សមត្ថកិច្ចនគរបាលបានឲ្យដឹងថា មុនពេលកើតហេតុ បុរសឈ្មោះ ជា សុភ័ក្រ អាយុ៣៧ឆ្នាំ ដែលជាម្ចាស់ផ្ទះបានចម្អិនម្ហូប ដោយប្រើហ្គាសធុងធំ ស្រាប់តែពេលនោះបានធ្លាយទុយោហ្គាសបណ្តាលឲ្យផ្ទុះឆាបឆេះឡើងយ៉ាងសន្ធោសន្ធៅ និងឆាបឆេះសម្ភារមួយចំនួន ប៉ុន្តែភ្លាមៗនោះកុំតែបានអ្នកជិតខាងជួយពន្លត់ទាន់ពេលវេលា។
ទោះជាយ៉ាងណាបុរសជាម្ចាស់ផ្ទះបានរងរបួសធ្ងន់ធ្ងរ ហើយត្រូវបានអ្នកជិតខាងដឹកយកទៅសង្គ្រោះនៅមន្ទីរពេទ្យខេត្ត។ ប្រភពដដែលបានបន្តថា ម្ចាស់ផ្ទះខាងលើមានមុខរបរលក់អីវ៉ាន់តូចតាចនៅផ្ទះ ហើយគាត់បានដឹងដែរថា ទុយោចង្ក្រានហ្គាសរបស់គាត់មានសភាពចាស់ណាស់ដែរហើយ តែគាត់នៅតែបន្តប្រើវារហូតដល់ជួបបញ្ហាបែបនេះតែម្តង សំណាងហើយបានអ្នកជិតខាងជួយពន្លត់ទាន់ កុំអីឆេះទាំងផ្ទះរាលដាលដល់អ្នជិតខាងទៀត៕
ចែករំលែកព័តមាននេះ