អាត អូនទូច នឹងបាត់មុខមួយរយៈ ក្រោយរងរបួសដាច់សរសៃជង្គង់ចំនួន២
- ភ្នំពេញ
រាជធានីភ្នំពេញ ៖ ខ្សែបម្រើក្លិបបាល់ទាត់ព្រៃវែងអេហ្វស៊ីកីឡាករ អាត អូនទូច អាចនឹងបាត់មុខ
រាជធានីភ្នំពេញ ៖ ខ្សែបម្រើក្លិបបាល់ទាត់ព្រៃវែងអេហ្វស៊ីកីឡាករ អាត អូនទូច អាចនឹងបាត់មុខមួយរយៈ បន្ទាប់ពីរងរបួសដាច់សរសៃជង្គង់ចំនួន២ គឺសរសៃ ACL និង LCL អំឡុងការប្រកួតក្របខណ្ឌខេមបូឌានលីគខាប់ ឆ្នាំ២០២៣ តទល់ជាមួយក្រុម គិរីវង់សុខសែនជ័យ កាលថ្ងៃអាទិត្យ ទី១៩ ខែកុម្ភៈ ឆ្នាំ២០២៣។
ហេតុការណ៍នេះកើតឡើងបន្ទាប់ពីអាត អូនទូច បានប៉ះទង្គិចជាកីឡាករ ម៉ុន វ៉ាន់ដា ដែលតម្រូវឱ្យប្តូរចេញភ្លាមៗ អំឡុងការប្រកួតនាពេលនោះ ដែលក្រុមព្រៃវែង អេហ្វស៊ី បានបរាជ័យក្នុងលទ្ធផល ២-១ ក្រោមថ្វីជើងក្រុមគិរីវង់សុខសែនជ័យ នៅកីឡដ្ឋានខេត្តព្រៃវែង។
ក្លិបបាល់ទាត់ព្រៃវែងអេហ្វស៊ី បានបង្ហោះថា បន្ទាប់ពីរងរបួសប៉ះទង្គិចដែលតម្រូវឱ្យផ្លាស់ប្តូរចេញភ្លាមៗ កាលពីការប្រកួតថ្ងៃអាទិត្យជាមួយក្លិបបាល់ទាត់គិរីរង់សុខសែនជ័យក្នុងពានរង្វាន់ខេមបូឌានលីគខាប់ឆ្នាំ២០២៣ លទ្ធផលពិនិត្យរបស់គ្រូពេទ្យបានបញ្ចាក់ថា កីឡាករ អាត អូនទូច បានដាច់សរសៃជង្គង់ចំនួន2 គឺសរសៃ ACL+LCL ដែលតម្រូវឱ្យធ្វើការវះកាត់ទើបអាចបន្តអាជីពបាន ។
ក្លិបជូនពរឲ្យ អូនទូច ទទួលការវះកាត់បានជោគជ័យ ឆាប់ជាសះស្បើយ និងបានត្រឡប់ចូលមកកាន់ទីលានវិញឆាប់ៗនេះ។
ព្រមពេលជាមួយគ្នានេះ កីឡាករ ម៉ុន វ៉ាន់ដា របស់គិរីវង់សុខសែនជ័យបានបង្ហាញនូវសមានចិត្តឈឺឆ្អាល និងសម្ដែងការសោកស្ដាយយ៉ាងខ្លាំងចំពោះហេតុការណ៍អាក្រក់ដែលបានកើតឡើងលើកីឡាករអាត អូនទូច ។
ស្រង់សម្ដីដើមកីឡាកររូបនេះបានថ្លែងយ៉ាងដូច្នេះថា ៖ «ពិតជាសោកស្ដាយខ្លាំងណាស់នៅពេលលឺដំណឹងបែបនេះ ។ វាជាកំហុសអចេតនានៅក្នុងការប្រកួត ។ សូមជូនពរដល់ប្អូនប្រុសឆាប់ជាសះស្បើយ និងត្រឡប់មកវិញជាមួយភាពខ្លាំងជាងមុនទៀត ៕
ចែករំលែកព័តមាននេះ