- ភ្នំពេញ
រាជធានីភ្នំពេញ ៖ ក្រសួងអប់រំ យុវជន និងកីឡា បានរម្លឹកជាថ្មីទៀតពីចំណីអាហារដែលប៉ះពាល់សុខភាពកុមារ ពិសេសសិស្សសាលាដែលមិនត្រូវអនុញ្ញាតឱ្យលក់ក្នុងសាលារៀនមិនថា សាលារៀនរដ្ឋ ឬសាលារៀនឯកជននោះទេ។ ក្រសួងអប់រំ…
រាជធានីភ្នំពេញ ៖ ក្រសួងអប់រំ យុវជន និងកីឡា បានរម្លឹកជាថ្មីទៀតពីចំណីអាហារដែលប៉ះពាល់សុខភាពកុមារ ពិសេសសិស្សសាលាដែលមិនត្រូវអនុញ្ញាតឱ្យលក់ក្នុងសាលារៀនមិនថា សាលារៀនរដ្ឋ ឬសាលារៀនឯកជននោះទេ។ ក្រសួងអប់រំ…
រាជធានីភ្នំពេញ ៖ ក្រសួងអប់រំ យុវជន និងកីឡា បានរម្លឹកជាថ្មីទៀតពីចំណីអាហារដែលប៉ះពាល់សុខភាពកុមារ ពិសេសសិស្សសាលាដែលមិនត្រូវអនុញ្ញាតឱ្យលក់ក្នុងសាលារៀនមិនថា សាលារៀនរដ្ឋ ឬសាលារៀនឯកជននោះទេ។
ក្រសួងអប់រំ ក៏បានចេញសេចក្តីណែនាំច្រើនដងហើយស្តីពីការពង្រឹងវិធានការអនុវត្តការលើកកម្ពស់សុវត្ថិភាព និងសុខុមាលភាពចំណីអាហារនៅតាមគ្រឹះស្ថានសិក្សាចំណេះទូទៅសាធារណៈ និងឯកជនក្នុងទិសដៅលើកកម្ពស់សុវត្ថិភាព និងសុខុមាលភាពរបស់អ្នកសិក្សា និងបុគ្គលិកអប់រំ។
ទោះជាយ៉ាងនេះក៏ដោយ ក្រសួងអប់រំយុវជន និងកីឡា សង្កេតឃើញថា សិស្សានុសិស្សនៅតាមគ្រឹះស្ថានសិក្សាមួយចំនួនមានអាការៈពុលចំណីអាហារ ទន់ដៃទន់ជើង និងឈានទៅដួលសន្ល.ប់។
តាមរបាយការណ៍របស់មន្ត្រីសុខាភិបាល មូលហេតុនៃអាការៈខាងលើនេះ បណ្តាលមកពីការទទួលទានចំណីអាហារមិនមានសុវត្ថិភាព និងសុខុមាលភាព ការបរិភោគគ្មានតុល្យភាព ការគេងមិនគ្រប់គ្រាន់ បរិស្ថានសិក្សាខ្វះអនាម័យ ការខ្វះចន្លោះ ក្នុងការគ្រប់គ្រង និងត្រួតពិនិត្យការលក់ដូរចំណីអាហារ និងការចាត់វិធានការអនុវត្តដែលមិនទាន់បានល្អប្រសើរនៅតាមគ្រឹះស្ថានសិក្សា។
នៅពេលនេះ ក្រសួងអប់រំ យុវជន និងកីឡា បានផ្សព្វផ្សាយម្តងទៀតតាមហ្វេសប៊ុកពីចំណីអាហារដែលបង្កហានិភ័យដល់សុខភាពកុមារ និងហាមឃាត់នៅក្នុងគ្រឹះស្ថានសិក្សាមានច្រើនប្រភេទ ជាប្រភេទនំកញ្ចប់ ចាហ៊ួយមានថង់ប្លាស្ទីក ប្រហិត សាច់ក្រក់ចៀនបំពងខ្លាញ់ ទឹកភេសជ្ជៈ STING ជើងមាន់ស្រោបថង់ប្លាស្ទីករបស់ចិន ឪឡឹកផ្អែម ដាក់ក្នុងកញ្ចប់ផ្ទាស្ទីក ដែលជាផលិតរបស់ចិន ទឹកសឺរ៉ូលាយលក្ខច្រើនពណ៌ ជាដើម។
និយាយរួម ជាចំណីអាហារនំកញ្ចប់ និងផលិតផលកញ្ចប់ជាផលិតផលចាហួយថៃ វៀតណាម ខ្មែរ និងចិន សុទ្ធតែជាចំណីអាហារ ដែលក្រសួងអប់រំ ប្រកាសថា មានហានិភ័យខ្ពស់ចំពោះសុខភាព ពិសេសសម្រាប់ ក្មេងសិស្សសាលា។
ការប្រកាសផ្សព្វផ្សាយពីហានិភ័យដល់សុខភាព កើតចេញពីចំណីអាហារ ប្រហិតសាច់ក្រក់ ចៀនបំពងខ្លាញ់ និងភេសជ្ជៈ STING ជាដើមនេះត្រូវបានធ្វើឡើងយូរមកហើយ។ ក្នុងនោះ ក្រសួងអប់រំក៏បានប្រកាសហាមឃាត់ មិនឱ្យលក់ក្នុងសាលារៀនសម្រាប់សិស្សានុសិស្សឡើយ ពិសេសនៅថ្នាក់បឋមសិក្សា។ ក៏ប៉ុន្តែមកដល់ពេលនេះនំចំណីអាហារទាំងនោះនៅបន្តដាក់លក់ក្នុងសាលារៀនដដែល។
ដើម្បីការពារសុខភាព ពិសេសលើកុមារ នៅថ្នាក់មតេយ្យ និងបឋមសិក្សា ដែលអាចបង្កដោយចំណីអាហារ ដែលក្រសួងអប់រំបានប្រកាសហាមឃាត់នេះ គឺនៅតាមសាលារៀននិមួយៗ មិនថាសាលារៀនរដ្ឋ ឬសាលាឯកជនទេ នាយកសាលា និងថ្នាក់ដឹកនាំសាលា ត្រូវប្រជុំដាក់កំហិតជាមួយក្រុមអ្នកលក់នំចំណីអាហារ នៅក្នុងសាលារៀន ហើយប្រាប់ពីនំចំណីអាហារណា ដែលក្រសួងអប់រំ ប្រកាសណែនាំថា មានហានិភ័យប៉ះពាល់សុខភាព ដោយឈប់ឱ្យលក់។
សាលា ត្រូវបង្កើតក្រុមការងារពិសេស ត្រួតពិនិត្យរៀងរាល់ថ្ងៃ ឬក៏រៀងរាល់សប្តាហ៍លើនំចំណីអាហារ ដែលលក់ក្នុងសាលាដោយមានការចូលរួមពីមន្ត្រីជំនាញមកពីឃុំសង្កាត់ ស្រុកខណ្ឌក្រុង និងមន្ទីរជំនាញផង។ អ្នកលក់ដូរណា ល្មើសនឹងការណែនាំត្រូវឈប់ឱ្យលក់តទៅ។
ក្រៅពីនេះ អាណាព្យាបាល និងឪពុកម្តាយសិស្ស ត្រូវតែណែនាំកូន ហើយរៀបចំនំចំណីអាហារ និងទឹកភេសជ្ជៈសម្រាប់កូនដែលមិនប៉ះពាល់សុខភាព ដាក់តាមខ្លួន សម្រាប់កូនញ៉ាំនៅពេលចេញលេង។ ត្រូវគិតពីសុខភាពរបស់កូនចៅអ្នកព្រោះបើឈឺ គឺឈឺកូនចៅអ្នកនេះឯង។ ក្នុងនោះ មានរួចហើយ ក្មេងៗ ញ៉ាំនំកញ្ចប់ ឈានដល់ស្ទះពោះវៀនធំ ហើយក៏ត្រូវវះកាត់ទាំងក្មេងត្រឹមអាយុ ៣ឆ្នាំប៉ុណ្ណោះ។
ចំណែកអ្នកលក់ដូរយើងវិញ គឺកុំគិតតែពីលុយចំណេញ លើសពីសុខភាពអ្នកទទួលទាន។ បើដឹងលឺថា នំចំណីអាហារទាំងនោះប៉ះពាល់ដល់សុខភាពហើយ ហេតុអ្វីក៏នៅតែបន្តទិញយកមកលក់ឱ្យកូនគេញ៉ាំទៀត?តើអ្នកលក់នំចំណីអាហារទាំងនោះហ៊ានញ៉ាំខ្លួនឯងហ៊ានឱ្យកូនចៅខ្លួនឯង បងប្អូនឯង ញ៉ាំទេ?ចម្លើយ គឺច្បាស់ជា អ្នកលក់ខ្លួនឯឯមិនហ៊ានញ៉ាំឡើយ។
យ៉ាងណាមិញ ដូចករណីអ្នកដាំស្វាយកែវរមៀត ដែលប្រើប្រាស់ថ្នាំគីមី គឺមិនហ៊ានបេះស្វាយ ដែលខ្លួនដាំ និងមើលថែរាល់ថ្ងៃ ដោយការបាញ់ថ្នាំនោះទេ។ សូម្បីតែអ្នកស្គាល់រាប់អានគ្នាក៏អ្នកចំការធ្វើស្វាយកែវរមៀតទុកប៉ុន្មានដើម ដែលមិនបាញ់ថ្នាំសម្រាប់បេះទទួលទានខ្លួនឯង និងសម្រាប់ឱ្យអ្នកស្គាល់គ្នាដែរ។
នេះហើយជាបញ្ហាសម្រាប់បងប្អូនខ្មែរយើងមួយចំនួន គឺដឹងថារបស់នោះ ប្រើថ្នាំគីមី ដែលទទួលទានទៅនឹងប៉ះពាល់សុខភាពហើយ តែនៅតែបេះលក់ ឬក៏ទិញយកមកលក់បន្តឱ្យគេទិញទទួលទាន ហើយចង់ប៉ះពាល់សុខ ភាពនរណា ក៏ប៉ះពាល់ទៅ កុំឱ្យប៉ះកូនចៅ និងសាច់ញាត្តិរបស់ខ្លួនបានហើយ។ការរកស៊ីបែបនេះ គឺគ្មានសីលធម៌ទេ។ វាអាចជាសកម្មភាពធ្វើបាបក្មេង ឬសម្លាប់.ក្មេងដោយមិនដឹងខ្លួន៕
ចែករំលែកព័តមាននេះ