ADផ្ទាំងផ្សព្វផ្សាយពាណិជ្ជកម្ម

Picture

ប្រទះ​ឃើញ​ស​.​ពម្នាក់ ឯ​៣​នាក់​កំពុង​បាត់​ខ្លួន ករណី​លិច​ទូក​នៅ​​ទន្លេមេគង្គ

1 ឆ្នាំ មុន
  • ស្ទឹងត្រែង

ខេត្តស្ទឹងត្រែង ៖ ពាក់ព័ន្ធ​ករណីលិច​ទូកនៅទន្លេមេគង្គ ត្រូវ​បាន​គេ​ប្រទះ​ឃើញ​ស​.​ព​បុរស​ម្នាក់​នៅ​ចម្ងាយ​ប្រមាណ​ជា​៤០០​ម៉ែត្រ​ពី​កន្លែង​កើតហេតុ កាលពី​រសៀល​ថ្ងៃ​ទី​១៥ ខែកុម្ភៈ ខណៈ​មនុស្ស​ចំនួន​៣​នាក់​ទៀត​កំពុង​បាត់​ខ្លួន​នៅឡើយ ។ បើ​តាម​សមត្ថកិច្ច​បានឱ្យ​ដឹង​ថា សា​.​ក​.​ស​.​ព​ដែល​ត្រូវ​កម្លាំង​ចម្រុះ​ជិះទូក​រុករក​ប្រទះ​ឃើញ…

ខេត្តស្ទឹងត្រែង ៖ ពាក់ព័ន្ធ​ករណីលិច​ទូកនៅទន្លេមេគង្គ ត្រូវ​បាន​គេ​ប្រទះ​ឃើញ​ស​.​ព​បុរស​ម្នាក់​នៅ​ចម្ងាយ​ប្រមាណ​ជា​៤០០​ម៉ែត្រ​ពី​កន្លែង​កើតហេតុ កាលពី​រសៀល​ថ្ងៃ​ទី​១៥ ខែកុម្ភៈ ខណៈ​មនុស្ស​ចំនួន​៣​នាក់​ទៀត​កំពុង​បាត់​ខ្លួន​នៅឡើយ ។

បើ​តាម​សមត្ថកិច្ច​បានឱ្យ​ដឹង​ថា សា​.​ក​.​ស​.​ព​ដែល​ត្រូវ​កម្លាំង​ចម្រុះ​ជិះទូក​រុករក​ប្រទះ​ឃើញ គឺ​នៅ​ផ្នែក​ខាងក្រោម​ដង​ទន្លេ​ឆ្ងាយ​ពី​កន្លែង​កើតហេតុ​ប្រមាណ​ជា​៤០០​ម៉ែត្រ​ត្រង់​កន្ទុយ​កោះ​ហាន ស្ថិត​ក្នុង​ឃុំ​កោះ​ស្នែង ស្រុក​បុរី​អូរ​ស្វាយ​សែន​ជ័យ ។ យ៉ាងណា នៅ​មន​មនុស្ស​ចំនួន​៣​នាក់​ទៀត មិន​ទាន់​រក​ឃើញ ១-​ឈ្មោះ​ម៉ី សុ​គ្រី ភេទ​ស្រី អាយុ​២៥​ឆ្នាំ ,២-​ឈ្មោះ​លូ​យ ច​ន្ទ្រា ភេទ​ប្រុស អាយុ​៨​ឆ្នាំ​និង ទី​៣-​ឈ្មោះ​លួ​យ​ហាត់ ភេទ​ប្រុស អាយុ​៦​ឆ្នាំ​។

សូម​រំលឹក​ថា កាលពី​ថ្ងៃ​ទី​១៤ ខែកុម្ភៈ ពលរដ្ឋ​មាន​ក្មេង​ចាស់​ចំនួន​៨​នាក់​បាន​ធ្វើ​ដំណើរ​តាម​ទូក​តូច​មួយ​គ្រឿង​ចេញពី​ភូមិ​កោះ​កី ឃុំ​កោះ​ស្នែង ស្រុក​បុរី​អូរ​ស្វាយ​សែន​ជ័យ ឆ្លងកាត់​តាម​ទន្លេមេគង្គ ដោយ​ពួក​គេ​ទាំងនោះ​ទៅ​ប្រកប​មុខរបរ​នៅ​ភូមិ​ខាំ​ផា​ន់ សង្កាត់​សាមគ្គី ក្រុង​ស្ទឹង​ត្រែង​។

លុះ​មក​ដល់​ចំណុច​កន្ទុយ​កោះ​ហាន ឃុំ​កោះ​ស្នែង​ក៏​បាន លិច​ទូក ហើយ​មនុស្ស​៤​នាក់​រួច​ផុត​ពី​គ្រោះថ្នាក់ ប៉ុន្តែ​៤​នាក់​ទៀត​បាន​បាត់​ខ្លួន​មក​ដល់​រសៀល​ថ្ងៃនេះ ទើប​រក​ឃើញ​ស​.​ពម្នាក់​
ប៉ុណ្ណោះ ។

ព័ត៌មានបន្ថែមកោះសន្តិភាពនឹងមានផ្សាយជូនបន្ត ។

អត្ថបទសរសេរ ដោយ