សភាពការណ៍នៅតែលំបាកបំផុតនៅភាគខាងកើតអ៊ុយក្រែន
សង្គ្រាមអ៊ុយក្រែន ៖ ក្នុងសង្កថាប្រចាំថ្ងៃទី១៤កុម្ភៈ ប្រធានាធិបតីអ៊ុយក្រែនលោកវ៉ូឡូឌី មៀរហ្សេឡេ
សង្គ្រាមអ៊ុយក្រែន ៖ ក្នុងសង្កថាប្រចាំថ្ងៃទី១៤កុម្ភៈ ប្រធានាធិបតីអ៊ុយក្រែនលោកវ៉ូឡូឌី មៀរហ្សេឡេនស្គី លើកពីសភាពការណ៍នៅខ្សែរណសិរ្សដែលលោកថា នៅតែលំបាកបំផុតនាភាគខាងកើតប្រទេស។
ជិត១ឆ្នាំក្រោយចាប់ផ្ដើមសង្គ្រាមនៅអ៊ុយក្រែន កងទ័ពរុស្ស៊ីបន្តវាយលុកនៅខ្សែរណសិរ្ស។ ចាប់តាំងពីច្រើនថ្ងៃមកហើយកងទ័ពរុស្ស៊ី ហាក់ដូចជាអាចវា.យរុលទៅមុខទោះជាយឺតក្តីនៅជិតក្រុងបាក់មូដជាចំណុចស្នូលនៃការប៉ះទង្គិចគ្នា តាំងពីច្រើនខែមកហើយ។ លោកហ្សេឡេស្គី គូសបញ្ជាក់ថា សភាពការណ៍លើខ្សែរណសិរ្សពិសេសក្នុងតំបន់ដូណេតស្ក៍ និងលូហ្គានស្ក៍ នៅតែលំបាកខ្លាំងបំផុត។ យើងត្រូវយល់ពីន័យនៃការប្រយុទ្ធទាំងនោះ។ ផ្ទៃដី១ម៉ែត្រៗដែលរុលបាននៅទីនោះ គឺជាកិច្ចការពារប្រទេសយើងទាំងមូល។
ប្រមុខកងទាហានស៊ីឈ្នួលរុស្ស៊ីក្រុមWAGNER លោកអេវហ្គេនីព្រីហ្គោហ្ស៊ីនទទួលស្កាល់ថា ក្រុងបាក់មូដមិនអាចវាយយកបាននាថ្ងៃស្អែកឡើយ ព្រោះមានការតស៊ូទប់ទល់យ៉ាងក្រាញននៀល។ ពួកសត្រូវពុះពារខ្លាំងណាស់ហើយបញ្ជូនមកគ្រប់ពេលកងកម្លាំងបន្ថែម។ រាល់ថ្ងៃ ទាហានពី៣០០ទៅ៥០០នាក់ ត្រូវបានបញ្ជូនមកកាន់ក្រុងបាក់មូដ ហើយការបា.ញ់កាំភ្លើ.ងធំត្រូវបានបង្កើនរាល់ថ្ងៃ។
ប្រមុខពួកបំបែកខ្លួនស្និទ្ធរុស្ស៊ីនៅដូណេតស្ក៍ ដែលមានក្រុងបាក់មូដ លោកដឺនីស ពូជីលីន គូសបញ្ជាក់ថា អ៊ុយក្រែនពុំបង្ហាញសញ្ញាណាមួយថាចង់បោះបង់ចោលទីក្រុងនោះឡើយ។ ក្នុងការប្រយុទ្ធភាគីទាំង២សុទ្ធតែរងការបាត់បង់ទាហានច្រើនដូចគ្នា។
អ្នកទទួលខុសត្រូវអ៊ុយក្រែនច្រើននាក់និយាយថា ក្រុងបាក់មូដហាមមិនឲ្យជនស៊ីវិល អ្នកកាសែត ព្រមទាំងបណ្ដាសមាជិកអង្គការមនុស្សធម៌ចេញចូល។ ចេញចូលបានតែបណ្ដាមនុស្សមានភារកិច្ចចាំបាច់ប៉ុណ្ណោះ៕
ចែករំលែកព័តមាននេះ