ព្យុះមួយវា.យប្រហារខ្លាំងក្លាលើនូវែលហ្សេឡង់
ប្រទេសនូវែលហ្សេឡង់ ៖ អាជ្ញាធររាយការណ៍នាថ្ងៃទី១៥ កុម្ភៈ ថា មនុស្សយ៉ាងតិច៣នាក់ស្លា.ប់ នៅនូ
ប្រទេសនូវែលហ្សេឡង់ ៖ អាជ្ញាធររាយការណ៍នាថ្ងៃទី១៥ កុម្ភៈ ថា មនុស្សយ៉ាងតិច៣នាក់ស្លា.ប់ នៅនូវែលហ្សេឡង់ដោយសារការវា.យប្រហាររបស់ព្យុះស៊ីក្លូន GABRIELLE មកលើប្រទេសនេះកាលពីដើមសប្ដាហ៍។ ព្យុះនោះបោកបក់ក្នុង ល្បឿនដល់១៤០គីឡូម៉ែត្រក្នុង១ម៉ោង។
សាកស.ពមនុស្សម្នាក់ត្រូវបានរកឃើញត្រង់កន្លែងដែលអ្នកជួយសង្គ្រោះម្នាក់បា.ត់ខ្លួន ពេលរលំបាក់ផ្ទះមួយខណៈកំពុងមានភ្លៀងធ្លាក់ខ្លាំងនៅWEST AUCKLAND ហើយសាកស.ពមនុស្ស២នាក់ទៀតរកឃើញក្នុងតំបន់ HAWKE’S BAY លើកោះខាងជើង។ នេះជាការអះអាងរបស់លោកKIERAN MCANULTY រដ្ឋមន្ត្រីគ្រប់គ្រងស្ថានភាពអាសន្ននូវែលហ្សេឡង់ ។
ក៏ទោះបីស្ថានភាពអាក្រក់ខ្លាំងកន្លងផុតទៅ តែអាជ្ញាធរបានព្រមាននាថ្ងៃទី១៥ កុម្ភៈថា គ្រោះថ្នាក់នៅមិនទាន់អស់នៅឡើយទេ។ ខ្យល់បោកបក់ខ្លាំងព្រមទាំងភ្លៀងខ្លាំង កើតមានកាលពីយប់ថ្ងៃទី១៣មក១៤កុម្ភៈលើកោះខាងជើង តំបន់រស់នៅ៣ភាគ៤នៃប្រជាជន៥លាននាក់របស់នូវែលហ្សេឡង់ បណ្ដាលឲ្យមានទឹកជំនន់និងការបាក់ដី។
នាយករដ្ឋមន្ត្រីថ្មីនូវែលហ្សេឡង់ លោកCHRIS HIPKINSចាត់ទុកព្យុះGABRIELLE ថា ជាព្រឹត្តិការណ៍ឧតុនិយមដ៏សំខាន់បំផុតកើតមាននៅនូវែលហ្សេឡង់ក្នុងសតវត្សនេះ ហើយលោកបានចេញការប្រកាសអាសន្នជាតិមួយក្នុងពេលមួយសប្ដាហ៍៕
ចែករំលែកព័តមាននេះ