- ភ្នំពេញ
រាជធានីភ្នំពេញ ៖ ភាសាក៏ដូចជា កាយវិការ និងសម្តីសម្តៅទោះបីជានៅក្នុងន័យសរសើរ ឬស្តីបន្ទោស ឬរិះគន់ គួរតែបញ្ចប់របៀបឬក៏ទង្វើដែលមានចរិតលក្ខណៈបែបបៀ.តបៀ.នផ្លូវភេ.ទ ដែលភាសាអង់គ្លេសហៅថា Sexual…
រាជធានីភ្នំពេញ ៖ ភាសាក៏ដូចជា កាយវិការ និងសម្តីសម្តៅទោះបីជានៅក្នុងន័យសរសើរ ឬស្តីបន្ទោស ឬរិះគន់ គួរតែបញ្ចប់របៀបឬក៏ទង្វើដែលមានចរិតលក្ខណៈបែបបៀ.តបៀ.នផ្លូវភេ.ទ ដែលភាសាអង់គ្លេសហៅថា Sexual Harassment ពីលើមាតិកាក៏ដូចជា ការផ្សព្វផ្សាយនៅលើបណ្តាញសង្គមទៅ បើមិនដូច្នេះទេសង្គមខ្មែរយើងនៅជំនាន់ក្រោយមិនដឹងជាទៅយ៉ាងណានោះទេ។
ម្នាក់ៗតែងតែអោយតម្លៃខ្លាំងណាស់ទៅលើតម្លៃនៃចរិយាធម៌ សីលធម៌ និងគុណធម៌ នៅក្នុងសង្គម ប៉ុន្តែសម្រាប់ខ្លួនឯងម្នាក់ៗបែរជាមើលមិនឃើញកំហុសខ្លួនឡើយ ហើយសឹងតែគ្រប់គ្នាមិនថា នៅក្នុងសកម្មភាព និងឥរិយាបទនៃការរស់នៅប្រចាំថ្ងៃទេ សូម្បីតែនៅលើបណ្តាញសង្គម គឺសុទ្ធតែនាំគ្នាភ្លេចគិតអំពីបញ្ហានេះ ជាពិសេស គឺភាសាសរសេរ និងកាយវិការទាក់ទងនឹងការបៀ.តបៀ.នផ្លូវភេទ។
នៅស្រុកគេដែលមានអរិយធម៌ ដូចជាជប៉ុន កូរ៉េខាងត្បូង ពួកបច្ចឹមប្រទេសមួយចំនួនទោះបីជាសេរីភាពនៃផ្លូវភេ.ទបើកចំហរជាងកម្ពុជា ប៉ុន្តែសកម្មភាព កាយវិការ ទង្វើបែបបៀ.តបៀ.នផ្លូវភេ.ទនេះត្រូវបានគេប្រយ័ត្នប្រយែងណាស់ ដោយសារតែពួកគេរងការប្តឹងផ្តល់ជាបន្តបន្ទាប់។
សម្រាប់ស្រុកយើងវិញហាក់មិនចាប់អារម្មណ៍នឹងបញ្ហានេះទេ ទោះបីជាមានករណីនេះត្រូវបានគេលើកឡើងជាបន្តបន្ទាប់ពីសំណាក់ក្រុមអ្នកលើកកម្ពស់សមភាពយេនឌ័រ និងមានករណីខ្លះរហូតដល់មានបណ្តឹងក៏ដោយ។បញ្ហាបៀ.តបៀ.នផ្លូវភេទនេះ គឺកើតមានជាច្រើន កន្លែងរាប់ចាប់តាំងពីនៅកន្លែងធ្វើការ តាមកន្លែងសាធារណៈ រហូតដល់នៅតាមការផ្សព្វផ្សាយនៅលើបណ្តាញសង្គម និងសារព័ត៌មានមួយចំនួនទៀតផងដែរ។
សកម្មភាព និងទម្លាប់ទាក់ទងនឹងបញ្ហាបៀ.តបៀ.នផ្លូវភេ.ទជាបុគ្គលក៏គួរកែរដែរ ទោះបីជាវាជាសកម្មភាពឯកជនមិនសាធារណៈក៏ដោយ ។ ការចូលរួម និងការទម្លាប់របស់យើងនឹងកសាងភាពបន្សាំនៃការប្រយ័ត្នប្រយែងមួយទាក់ទងនឹងបញ្ហានេះ។ក្រៅពីសកម្មភាពបុគ្គល នៅពេលដែលយើងចូលមកក្នុងបណ្តាញសង្គម មនុស្សដែលទទួលផលពីអ្វីដែល យើងសាបព្រោះនេះវាធំធេងជាង ដូច្នេះសកម្មភាពនេះរឹតតែមានផលប៉ះពាល់កាន់តែធំ។
នៅលើបណ្តាញសង្គមនៅពេលនេះ ភាសាអា មឹង មី ង៉ែ.ង អានេះអានោះ មីកញ្ចាស់ អាកញ្ចាស់ ការសរសេរឃ្លាឃ្លោង ក៏ដូចជា កាយវិកា rនិងសកម្មភាពផ្សេងទៀត រួមទាំងការសរសេរលេបខាយ ឌឺដង ចុះឡើង ដែលមានរបៀបជាទង្វើបៀ.តបៀ.នផ្លូវភេទ គឺមានជាច្រើន ហើយពេលខ្លះដោយសារតែនរណាក៏ប្រើនរណាក៏សរសេរ និងសំដែង រាល់ៗដង ទៅនោះវាសឹងតែក្លាយទៅជាទម្លាប់ហើយក៏ភ្លេចខ្លួនថា សកម្មភាពនេះ គឺខុសទាល់តែយកមករិះគិតទើបដឹង។
សូមចូលរួមកែប្រែ ដើម្បីសង្គមមួយប្រកបដោយសីលធម៌។ ពីព្រោះនេះ គឺជាឫសគល់នៃបញ្ហាសីលធម៌ និងចរិយាធម៌សង្គមមួយរបស់កម្ពុជាយើង។សូមព្យាយាមកាត់បន្ថយពាក្យពេជ្រដែលជាបច្ច័យនាំឲ្យមានការបៀ.តបៀ.នផ្លូវភេទនេះបន្តទៀត។ សង្គមមួយកែប្រែវាចេញពីសកម្មភាពរបស់យើងទាំងអស់គ្នា ដូច្នេះនៅពេលដែលយើងប្រើប្រាស់ឫបញ្ចេញសកម្មភាព និងពាក្យពេចន៍ដែលប្រយ័ត្នប្រយែងខ្ពស់ ក៏ជាបច្ច័យមួយនាំឲ្យអ្នកទទួលប្រយ័ត្នប្រយែងតាមនោះដែរ ។
សូមរិះគិតទាំងអស់គ្នា ហើយក៏គួរតែបញ្ចប់ការយកបញ្ហាបៀ.តបៀ.នផ្លូវភេ.ទនេះមកលេងសើចទៀតទៅ។ទង្វើ ក៏ដូចជា កាយវិការ និងអាកប្បកិរិយាដែលយើងទាំងអស់គ្នាបាន ធ្វើមិនថា នៅក្នុងជីវភាពរស់នៅធម្មតា ឬនៅលើបណ្តាញសង្គមក៏វាឆ្លុះបញ្ចាំងអំពីតម្លៃ នៃសីលធម៌ និងចរិយាធម៌របស់សង្គមយើងដែរ ។សូមលើកកម្ពស់ការប្រយ័ត្នប្រយែងនៅលើបញ្ហានេះ។
សរុបមកវិញសូមប្រយ័ត្ន ចំពោះការនិយាយ ការសេរសេរ និងចែករំលែកនូវព័ត៌មានទាក់ទងនឹងសកម្មភាពក៏ដូចជា កាយវិការបែបបៀ.តបៀ.នផ្លូវភេទនេះនៅលើបណ្តាញសង្គមពីព្រោះវាមានភស្តុតាងនៅទីនោះស្រាប់ ខណៈដែលបញ្ហាបៀ.តបៀ.នផ្លូវភេ.ទនេះ គឺវាបានចែង យ៉ាងច្បាស់នៅក្នុងក្រមព្រហ្មទណ្ឌដែលកំពុងតែអនុវត្តនៅកម្ពុជាស្រាប់។ ប្រយ័ត្នមានទោសដោយមិនដឹងខ្លួន៕ដោយៈ ហេង ចេស្តារ
ចែករំលែកព័តមាននេះ