ខេត្តមណ្ឌលគិរី ៖ ក្លិបរថយន្តOff-roadគោព្រៃមណ្ឌលគិរី បានប្រារព្ឋពិធីដង្ហែពានជ័យជំនះក្នុងការប្រកួតដណ្តើមជ័យលាភី១២ម៉ូតូផាត និងការប្រកាសផ្ទេរភារកិច្ចប្រធានក្លិបថ្មី ដើម្បីបន្តដឹកនាំក្លិបឆ្ពោះទៅកាន់ព្រឹត្តការណ៏ប្រកួតកីឡាខ្នាតអន្តរជាតិ ។ ក្បួនរថយន្តប្រមាណ២០០គ្រឿង និងអ្នក ចូលរួមជិត៥០០នាក់…
ខេត្តមណ្ឌលគិរី ៖ ក្លិបរថយន្តOff-roadគោព្រៃមណ្ឌលគិរី បានប្រារព្ឋពិធីដង្ហែពានជ័យជំនះក្នុងការប្រកួតដណ្តើមជ័យលាភី១២ម៉ូតូផាត និងការប្រកាសផ្ទេរភារកិច្ចប្រធានក្លិបថ្មី ដើម្បីបន្តដឹកនាំក្លិបឆ្ពោះទៅកាន់ព្រឹត្តការណ៏ប្រកួតកីឡាខ្នាតអន្តរជាតិ ។ ក្បួនរថយន្តប្រមាណ២០០គ្រឿង និងអ្នក ចូលរួមជិត៥០០នាក់ បានធ្វើដំណើរជុំវិញក្រុងសែនមនោរម្យ និងឆ្ពោះទៅទីប្រជុំជនស្រុកពេជ្រាដា ក្រោមបរិយាកាសអបអរសាទរយ៉ាងក្លៀវក្លាពីមហាជនសម្រាប់ព្រឹត្តការណ៏ដ៏កម្រនេះ ។
លោក ទូច រស្មី ប្រធានក្លឹបរថយន្តOff-roadគោព្រៃមណ្ឌលគិរីថ្មីបានឲ្យដឹងថា ក្លឹបគោព្រៃមណ្ឌល គិរីត្រូវបានបង្កើតឡើងក្នុងគោលបំណងចូលរួមផ្សព្វផ្សាយអំពីតំបន់ទេសចរណ៍ថ្មីៗក្នុងខេត្ត ក៏ដូចជាក្នុងប្រទេសកម្ពុជា ព្រោះប្រភេទកីឡាប្រណាំងរថយន្តឆ្លងកាត់ឧបសគ្គនេះ ត្រូវបានរៀបចំឡើងនៅតាមទីតាំង ឬតំបន់ដែលឆ្ងាយៗពិបាកគ្មានផ្លូវចូលទៅដល់ ។ ដូច្នេះ វាជាឱកាសដែលសមាជិកក្នុងក្រុមអាចនាំយកនូវព្រឹត្តិការណ៍ក៏ដូចជាទិដ្ឋភាពផ្សេងៗក្នុងតំបន់ដែលមានសក្តានុពលបង្ហាញទៅដល់មជ្ឈដ្ឋានជាតិ និងអន្តរជាតិ ។
ក្រៅអំពីការផ្សព្វផ្សាយនៅតំបន់ទេសចរណ៍ធម្មជាតិនៅក្នុងខេត្តមណ្ឌលគិរីក្លិបរថយន្តOff-roadគោព្រៃមណ្ឌលគិរី ក៏បានសបញ្ជាក់ឲ្យបរទេសមើលឃើញអំពីសមត្ថភាពរបស់កូនខ្មែរអាចរៀបចំនូវព្រឹត្តិការណ៍បែបអន្តរជាតិទៅកាន់ពិភពលោក និងជាការទាក់ទាញចំណាប់អារម្មណ៍របស់ជន បរទេស មកទស្សនាកំសាន្តនៅតំបន់ទេសចរណ៍និងសិក្សាស្វែងយល់អំពីប្រទេសកម្ពុជាផងដែរ ។
លោក ទូច រស្មី ប្រធានក្លឹបរថយន្តOff-roadគោព្រៃមណ្ឌលគិរីបានរំលឹកថា មូលហេតុនាំឱ្យមានការបង្កើតក្លឹបនេះឡើង និងការសម្រេចចិត្តដាក់ឈ្មោះក្លឹប ព្រោះគោព្រៃគឺជាសត្វតំណាងឲ្យប្រទេសកម្ពុជា ហើយគោព្រៃធ្លាប់មានវត្តមាននៅលើទឹកដីនៃខេត្តមណ្ឌលគិរី ។ មិនត្រឹមតែប៉ុណ្ណោះ គោ ព្រៃគឺជាប្រភេទ សត្វដែលមានអានុភាពកម្លាំងខ្លាំងក្លាឆ្លងកាត់ជំនះរាល់គ្រប់ឧបសគ្គ ដែលឆ្លុះបញ្ចាំងពីកម្លាំងសាមគ្គីរបស់សមាជិកក្រុមជាធ្លុះមួយយកឈ្នះបញ្ហាគ្រប់កាលៈទេសៈ ។ ប្រធានក្លឹបរថយន្តOff-roadគោព្រៃមណ្ឌលគិរីបានបញ្ជាក់ថា ចក្ខុវិស័យរបស់ក្លឹបគឺឈរលើគោលណ៍ និងចក្ខុវិស័យបួនចំណុចធំៗគឺ កីឡា ទេសចរណ៍ មនុស្សធម៌ និងបរិស្ថាន។
សូមរំឮកថា កាលពីថ្ងៃទី១៣ដល់១៥ ខែមករា ឆ្នាំ២០២៣ ក្លឹបរថយន្តOff-roadគោព្រៃមណ្ឌលគិរី បានសហការជាមួយទីលាន១២ម៉ូតូផាត រៀបចំព្រឹត្តឹការណ៏ប្រណាំងរថយន្តOff Roadខ្នាតអន្តរ ជាតិ ក្រោមប្រធានបទ ការប្រណាំងរថយន្តសន្តិភាពខេត្តមណ្ឌលគិរី២០២៣ ដែលមានប្រទេស
ជាច្រើនចូលរួម ដើម្បីទាក់ទាញភ្ញៀវទេសចរណ៏ជាតិ និងអន្តរជាតិឲ្យបានស្គាល់ពីភូមិសាស្ត្រខេត្តមណ្ឌលគិរីឲ្យមានភាពល្បីល្បាញ។
សម្រាប់ការប្រណាំងរថយន្តOff Roadខ្នាតអន្តរជាតិនេះ មានក្រុមកីឡាករ ប្រភេទរថយន្តOff Road ប្រភេទរថយន្តRally និងប្រភេទម៉ូតូក្រោះ ប្រមាណជិត១០០គ្រឿង មកពីប្រទេសបារាំង កូរ៉េ ថៃ ឡាវ រួមនិងកម្ពុជា ចូលរួមប្រកួត ហើយព្រឹត្តការនេះក៏ស្រូបបានភ្ញៀវទេសចរណ៏ជាតិ អន្តរជាតិចូលរួមទស្សនាប្រមាណ១៥០០០នាក់ផងដែរ ។
ចែករំលែកព័តមាននេះ