កូរ៉េទាំង២ ៖ ខាងជើងរៀបចំកងទ័ពជាថ្មី ខាងត្បូងធ្វើសមយុទ្ធប្រឆាំងដ្រូន
ប្រទេសកូរ៉េទាំង២ ៖ ទីភ្នាក់ងារព័ត៌មានផ្លូវការកូរ៉េខាងជើង KCNA បានចេញផ្សាយនាថ្ងៃទី១៣
ប្រទេសកូរ៉េទាំង២ ៖ ទីភ្នាក់ងារព័ត៌មានផ្លូវការកូរ៉េខាងជើង KCNA បានចេញផ្សាយនាថ្ងៃទី១៣
ប្រទេសកូរ៉េទាំង២ ៖ ទីភ្នាក់ងារព័ត៌មានផ្លូវការកូរ៉េខាងជើង KCNA បានចេញផ្សាយនាថ្ងៃទី១៣ កុម្ភៈ របាយការណ៍មួយដែលថា របបកូរ៉េខាងជើងបានរៀបចំថ្មីឡើងវិញ បណ្ដាកងឯកភាពយោធារបស់ខ្លួនប្រឈមមុខនឹងសភាពការណ៍ភូមិសាស្ត្រនយោបាយថ្មីនិងបានផ្លាស់ប្ដូរសញ្ញាយោធា ។
តាមរបាយការណ៍នោះថា កងយោធាគ្រប់ប្រភេទត្រូវពង្រីកនិងរៀបចំជាថ្មីឡើងវិញ ខណៈបេសកកម្មប្រតិបត្តិការសំខាន់ថ្មីត្រូវប្រគល់ឲ្យ យោងតាមការវិវត្តន៍នៃសភាពការណ៍ភូមិសាស្ត្រនយោបាយ និងបណ្ដាបេសកកម្មយុទ្ធសាស្ត្រ និងតាក់ទិក របស់បណ្ដាកងឯកភាពយោធាដែលត្រូវមានការកែប្រែថ្មី ។ ការលើកឡើងទាំងនេះកើតមាន ប៉ុន្មានថ្ងៃក្រោយព្យុហយាត្រាយោធាដ៏ធំនាឱកាសខួបលើកទី៧៥នៃការបង្កើតកងទ័ពប្រជាជនកូរ៉េ ។ ក្នុងព្យុហយាត្រានេះគេឃើញលើទង់យោធាមានរូបភាពមីស៊ីលបាលីស្ទិករំលងទ្វីប HWANGSONG-17 និងកាលបរិច្ឆេទបង្កើតកងឯកភាពខែវិច្ឆិកា២០២២ ។ លើសពិនេះទៀតក្នុងព្យុហយាត្រាយោធានោះក៏បង្ហាញវត្តមានដ៏កម្រនៃកងកម្លាំងពិសេស ។
ចំណែកឯកូរ៉េខាងត្បូងវិញស្វែងរកពង្រឹងកិច្ចការពារ ក្រោយការរំលោ.ភចូលយ៉ាងជ្រៅដែនអាកាសខ្លួនរបស់បណ្ដាដ្រូនកូរ៉េខាងជើង ។ កូរ៉េខាងត្បូងនិងសហរដ្ឋងអាមេរិកបានធ្វើរួមគ្នាកាលពីសប្ដាហ៍មុនសមយុទ្ធប្រឆាំងដ្រូន នៅមូលដ្ឋានអាកាសចរណ៍គុនសានស្ថិតនៅចម្ងាយ២៧៥គីឡូម៉ែត្រខាងត្បូងក្រុងសេអ៊ូល ៕
ចែករំលែកព័តមាននេះ