រុស្ស៊ីវា.យយកបានមូលដ្ឋានមួយជិតក្រុងបាក់មូដ
សង្គ្រាមអ៊ុយក្រែន ៖ ប្រមុខកងទាហានស៊ីឈ្នួលរុស្ស៊ីក្រុម WAGNER អះអាងកាលពីថ្ងៃទី១២ កុម្ភៈថា
សង្គ្រាមអ៊ុយក្រែន ៖ ប្រមុខកងទាហានស៊ីឈ្នួលរុស្ស៊ីក្រុម WAGNER អះអាងកាលពីថ្ងៃទី១២ កុម្ភៈថា កងកម្លាំងរបស់លោកបានវាយដណ្ដើមយកបានមូលដ្ឋានអ៊ុយក្រែន KRASNA HORA ស្ថិតនៅចម្ងាយតែប៉ុន្មានគីឡូម៉ែត្រខាងជើងក្រុងបាក់មូដ ជាទីក្រុងគន្លឹះមួយដែលក្រុងមូស្គូស្វែងដណ្ដើមយក ចាប់តាំងពីច្រើនខែមកហើយ ។
លោកអេវហ្គេនីព្រីហ្គោហ្ស៊ីន ប្រមុខក្រុមWAGNER ថ្លែងថា ពេលនេះកងឯកភាពវា.យលុករបស់ក្រុមលោកដណ្ដើមយកបានមូលដ្ឋានKRASNA HORA ហើយ ។ ទីភ្នាក់ងារព័ត៌មានAFP ពុំអាចផ្ទៀងផ្ទាត់សេចក្ដីប្រកាសនេះដោយប្រភពឯករាជ្យឡើយ ។ ចាប់តាំងពីជាង៦ខែមកហើយ ក្រុម WAGNER និងកងទ័ពរៀបរយរុស្ស៊ីប៉ុនប៉ងវា.យដណ្ដើមយកក្រុងបាក់មូដភាគខាងកើតអ៊ុយក្រែន ជាទីក្រុងមានសារសំខាន់ខាងយុទ្ធសាស្ត្រមួយ ។ កងទ័ពអ៊ុយក្រែនបានក្រាញ់ននៀលតស៊ូការពារទីក្រុងនេះ ។
រយៈពេលប៉ុន្មានសប្ដាហ៍ចុងក្រោយនេះកងទ័ពរុស្ស៊ីបានឡោមព័ទ្ធក្រុងបាក់មូដ ហើយអាចកាត់ផ្ដាច់ផ្លូវផ្គត់ផ្គង់ជាច្រើន មកកាន់ទីក្រុងនោះសម្រាប់កងទ័ពអ៊ុយក្រែន ។ កាលពីថ្ងៃទី១១មករា ក្រុម WAGNER ប្រកាសពីការវា.យយកបានក្រុងសូឡឺដា ជាទីក្រុងសំខាន់បំផុតមួយស្ថិតនៅមិនឆ្ងាយប៉ុន្មានពីមូលដ្ឋាន KRASNA HORA ៕
ចែករំលែកព័តមាននេះ