អាមេរិកបា.ញ់ទម្លាក់របស់ហោះថ្មីមួយទៀត
សហរដ្ឋអាមេរិក ៖ អ្នកទទួលខុសត្រូវជាន់ខ្ពស់មា្នក់នៃរដ្ឋការអាមេរិក អះអាងកាលពីថ្ងៃ១២
សហរដ្ឋអាមេរិក ៖ អ្នកទទួលខុសត្រូវជាន់ខ្ពស់មា្នក់នៃរដ្ឋការអាមេរិក អះអាងកាលពីថ្ងៃ១២
កុម្ភៈ ថា របស់ហោះថ្មីមួយទៀតត្រូវបានប្រទះឃើញ នៅជិតបឹង HURON រដ្ឋមីជីហ្គេនហើយ
ត្រូវបា.ញ់ទម្លាក់ពីលើបឹងនោះ តាមបទបញ្ជារបស់ប្រធានាធិបតីលោកចូ បៃដិន ក៏ទោះបីវាមិន
តំណាងឲ្យការគំរា.មកំហែងខាងយោធាសម្រាប់ដែនដីអាមេរិកក៏ដោយ ។
អ្នកទទួលខុសត្រូវរូបនោះនិយាយទៀតថា ជាការប្រុងប្រយ័ត្ន និងតាមការណែនាំរបស់ទីបញ្ជាការដ្ឋានយោធា លោកចូ បៃដិន បានបញ្ជាក់ថា របស់ហោះនោះត្រូវបាញ់ទម្លាក់ ។ យើងវាយតម្លៃថានោះមិនមែនជាការគំរា.មកំហែងខាងយោធាមកលើដែនដីយើងឡើយ ។ វាជារបស់ហោះមួយដែលមានខ្សែយោង ។ យើងពុំឃើញមានសញ្ញាណាមួយដែលថា របស់នេះមានសមត្ថភាពធ្វើចារកម្មឡើយតែយើងក៏មិនបដិសេធដែរ ។ អាជ្ញាធរប៉ុនប៉ងប្រមូលបំណែករបស់វាដើម្បីធ្វើការវិភាគថែមទៀត ។
តាមការបញ្ជាក់ចុងក្រោយថា របស់នោះតាមពិតត្រូវបា.ញ់ទម្លាក់ក៏ព្រោះតែវារំលោ.ភបំពា.ន ចូលដែនអាកាសរបស់រដ្ឋម៉ុងតាណា បន្ទាប់មកដែនអាកាសរដ្ឋមីជីហ្គេន ហើយអាមេរិកបានបិទដែនអាកាសរដ្ឋទាំង២នោះក្នុងរយៈពេលខ្លីមួយ ដោយសារហេតុផលទាក់ទិននឹងកិច្ចការពារជាតិ ។ អ្នកទទួលខុសត្រូវនៃរដ្ឋការអាមេរិកនិយាយទៀតថា កងទ័ពអាមេរិកប្រទះឃើញរបស់ហោះមួយ មកពីម៉ុងតាណានៅលើរដ្ឋវីស្កុនស៊ីននិងរដ្ឋមីជីហ្គេន ។ ការហោះរបស់វានិងកម្ពស់នៃការហោះនាំឲ្យមានការបារម្ភសម្រាប់អាកាសចរណ៍ស៊ីវិលផងដែរ ។
នេះជារបស់ហោះទី៤ហើយដែលអាមេរិកបា.ញ់ទម្លាក់អំឡុងពេលតែជាង១សប្ដាហ៍ ។ ការហោះលុកលុយចូលដែនអាកាសអាមេរិកពីសំណាក់របស់ហោះមានញឹកញាប់ តែរដ្ឋការអាមេរិកអះអាងថា ពុំមានភស្ដុតាងណាមួយដែលថានោះជាសកម្មភាពរបស់មនុស្សក្រៅភពឡើយ ៕
ចែករំលែកព័តមាននេះ