លោកឡាវរ៉ូវ ការពារប្រតិបត្តិការរបស់ក្រុម WAGNER នៅអាហ្វ្រិក
ប្រទេសរុស្ស៊ី-អាហ្វ្រិក ៖ បន្ទាប់ពីទៅកាន់ប្រទេសម៉ាលី និងម៉ូរីតានី រដ្ឋមន្ត្រីការបរទេសរុស្ស៊ីលោកស័រ
ប្រទេសរុស្ស៊ី-អាហ្វ្រិក ៖ បន្ទាប់ពីទៅកាន់ប្រទេសម៉ាលី និងម៉ូរីតានី រដ្ឋមន្ត្រីការបរទេសរុស្ស៊ីលោកស័រហ្គេយឡាវរ៉ូវ កាលពីថ្ងៃទី៩ កុម្ភៈ បានទៅកាន់ប្រទេសស៊ូដង់ ដោយនៅទីនោះលោកសរសើរដល់ប្រតិបត្តិការរបស់កងទាហានស៊ីឈ្នួលរុស្ស៊ីក្រុម WAGNER នៅក្នុងបណ្ដាប្រទេសអាហ្វ្រិក ។
លោកក៏និយាយផងដែរពីការគាំទ្រដល់ការអំពាវនាវឲ្យលុបចោលបណ្ដាទណ្ឌកម្មរបស់ អ.ស.ប មកលើប្រទេសស៊ូដង់ ដែលនាំឲ្យមានវិបត្តិសេដ្ឋកិច្ចនិងនយោបាយ ។ ពេលមកកាន់ស៊ូដង់ប្រមុខការទូតរុស្ស៊ីបានការពារប្រតិបត្តិការរបស់ក្រុមទាហានស៊ីឈ្នួលរុស្ស៊ី WAGNER នៅអាហ្វ្រិក ដែលលោកថារួមចំណែកធ្វើឲ្យមានប្រក្រតីភាពឡើងវិញនៃសភាពការណ៍ក្នុងតំបន់ ប្រឈមមុខនឹងការគំរាមកំហែងភេរវកម្ម ។
លោកឡាវរ៉ូវថ្លែងថា ក្រុមទាហានឯកជននោះដាក់ពង្រាយតាមសំណើដោយផ្ទាល់របស់បណ្ដារដ្ឋាភិបាលអាហ្វ្រិក ។ លោកលើកជាឧទាហរណ៍ប្រទេសអាហ្វ្រិកកណ្ដាល ដែលចាត់ទុកជាមន្ទីរពិសោធន៍មួយសម្រាប់ក្រុម WAGNER នៅទ្វីបអាហ្វ្រិក មុនពេលក្រុមហ៊ុនយោធានោះត្រូវបានប្រទេសអាហ្វ្រិកដទៃៗទៀតចាប់អារម្មណ៍ ដូចជាម៉ាលី និងបួគីណាហ្វាសូ ជាដើម ។
បង្កើតឡើងកាលពីឆ្នាំ២០១៤ក្រុមហ៊ុនយោធា WAGNER ដែលទាហានរបស់គេស្វាហាប់ក្លាហាន តែត្រូវសហរដ្ឋអាមេរិកចាត់បញ្ចូលក្នុងអង្គការភេរវកម្មអន្តរជាតិ ។ បច្ចុប្បន្នជាតួអង្គសំខាន់ក្នុងសង្គ្រាមនៅអ៊ុយក្រែន យុទ្ធជនក្រុមទាហានស៊ីឈ្នួលនោះ ក៏លេចមុខផងដែរនៅស៊ីរីនិងលីប៊ី ។ អាមេរិកដែលចាប់តាំងពីច្រើនឆ្នាំមកហើយ ខិតខំទប់ឥទ្ធិពលរុស្ស៊ីនៅទ្វីបអាហ្វ្រិកនោះ បានចោទប្រកាន់ក្រុម WAGNER ថា រំលោ.ភបំពា.នសិទ្ធិមនុស្ស ហើយប្លន់យកធនធានធម្មជាតិ ដូចជាមាសជាដើមនៅទ្វីបនេះ ៕
ចែករំលែកព័តមាននេះ